ລັດພາກໃຕ້ອິນເດຍຜະເຊີນພະຍາດ ຍ່ຽວໜູ ແລະ ພະຍາດຫລັງນ້ຳຖ້ວມ

- 1536047999649 800x0 - ລັດພາກໃຕ້ອິນເດຍຜະເຊີນພະຍາດ ຍ່ຽວໜູ ແລະ ພະຍາດຫລັງນ້ຳຖ້ວມ
- Untitled design - ລັດພາກໃຕ້ອິນເດຍຜະເຊີນພະຍາດ ຍ່ຽວໜູ ແລະ ພະຍາດຫລັງນ້ຳຖ້ວມ

​ເຈົ້າໜ້າ​ທີ່​ອິນ​ເດຍ ກ່າວ​ໃນ​ວັນ​ທີ 4 ກັນຍາ​ວ່າ: ພະຍາດ​ຍ່ຽວ​ໜູ ​ແລະ ພະຍາດ​ລະບາດ​ອື່ນໆ ​ເຮັດ​ໃຫ້​ມີ​ຜູ້​ເສຍ​ຊີວິດ 14 ຄົນ​ໃນ​ລັດ​ເກຣລະ​ທາງ​ພາກ​ໃຕ້ ພາຍຫລັງ​ປະສົບ​ອຸ​ທົກ​ກະ​ໄພ​ຮ້າຍ​ແຮງ​ໃນ​ຮອບ​ເກືອບ 100 ປີ.

ລັດຖະບານ​ຖະ​ແຫລ​ງວ່າ: ຈຳນວນ​ຜູ້​ເສຍ​ຊີວິດ​ຈາກ​ອຸ​ທົກ​ກະ​ໄພ​ໃນ​ລະດູຝົນ​ເພີ່ມ​ຂຶ້ນ​ເປັນ 486 ຄົນ ​ແລະ ປະຊາຊົນ 1 ລ້ານ​ກວ່າ​ຄົນ ຕ້ອງ​ອົບ​ພະຍົບອອກ​ຈາກ​ເຮືອນ​ໃນ​ລັດ​ເກຣລະ​ໃນ​ເດືອນ​ຜ່ານ​ມາ. ທ່ານ​ນາງ ສຣິຕາ ອາ ​ແອ​ລ ຜູ້ອຳນວຍການ​ສຳນັກງານ​ສາທາລະນະ​ສຸກ​ລັດ​ເກຣລະ ກ່າວ​ວ່າ: ລັດ​ເກຣລະ​ຜະ​ເຊີນ​ພະຍາດ​ຍ່ຽວ​ໜູ​ລະບາດ​ຈາກ​ນ້ຳປົນ​ເປື້ອນ ​ແລະ ​ໄດ້​ດຳ​ເນີນ​ມາດ​ຕະການ​ປ້ອງ​ກັນ​ທຸກ​ດ້ານ​ໃນ​ການ​ແຈກ​ຢາຍ​ຢາ​ປິ່ນປົວ​ພາຍ​ໃນ​ສູນ​ພັກ​ຊົ່ວຄາວ. ​ເຈົ້າໜ້າ​ທີ່​ອິນ​ເດຍກ່າວ​ວ່າ: ພະຍາດ​ຍ່ຽວ​ໜູ​ເຮັດ​ໃຫ້​ມີ​ຜູ້​ເສຍ​ຊີວິດ 6 ຄົນ ​ແລະ ຕິດ​ເຊື້ອຫລາຍ​ກວ່າ 100 ຄົນ, ສ່ວນ​ພະຍາດ​ລະບາດ​ອື່ນໆ​ເຮັ​ດ​ໃຫ້​ມີ​ຜູ້​ເສຍ​ຊີວິດ 8 ຄົນ ​ໂດຍ​ມີ​ລາຍ​ງານ​ພະຍາດ​ໄຂ້​ມາລາ​ເຣຍ, ​ໄຂ້​ເລືອດ​ອອກ ​ແລະ ພະຍາດ​ອີ​ສຸກ​ອີ​ໃສ​ນຳ​ອີກ. ຂະນະ​ທີ່​ມີ​ລາຍ​ງານ​ວ່າ: ປະຊາຊົນ​ຫລາຍ​ກວ່າ 5.100 ຄົນ​ມີ​ອາການ​ຖອກທ້ອງ​ກະທັນຫັນ. ຂະນະ​ນີ້ ສະຖານະ​ການ​ນ້ຳຖ້ວມ​ຫລຸດ​ລົງ​ແລ້ວ, ​ແຕ່​ປະຊາຊົນ​ເກືອບ 10.000 ຄົນ​ຍັງ​ຕ້ອງ​ຢູ່​ໃນ​ສູນ​ພັກ​ຊົ່ວຄາວ ຫລຸດ​ລົງ​ຈາກ​ໄລຍະ​ວິ​ກິດ​ທີ່​ມີ​ຈຳນວນ​ເຖິງ 1,4 ລ້ານ​ຄົນ. ລະດູຝົນ​ໃນ​ອາຊີ​ໃຕ້​ມີ​ໄລຍະ​ເວລາ​ນັບ​ແຕ່​ເດືອນ​ມິຖຸນາ-ກັນຍາ ​ເຮັດ​ໃຫ້​ມີ​ຜູ້​ເສຍ​ຊີວິດ​ຈຳນວນ​ຫລາຍ ​ແລະ ຄວາມ​ເສຍ​ຫາຍ​ຮຸນ​ແຮງ​ທຸກ​ປີ.

- Wave100S AD to Website 2020 0 - ລັດພາກໃຕ້ອິນເດຍຜະເຊີນພະຍາດ ຍ່ຽວໜູ ແລະ ພະຍາດຫລັງນ້ຳຖ້ວມ
- WhatsApp Image 2020 05 27 at 5 - ລັດພາກໃຕ້ອິນເດຍຜະເຊີນພະຍາດ ຍ່ຽວໜູ ແລະ ພະຍາດຫລັງນ້ຳຖ້ວມ
- WhatsApp Image 2020 05 27 at 5 - ລັດພາກໃຕ້ອິນເດຍຜະເຊີນພະຍາດ ຍ່ຽວໜູ ແລະ ພະຍາດຫລັງນ້ຳຖ້ວມ
error: Alert: ເນື້ອຫາຂ່າວມີລິຂະສິດ !!