ຫລວງ​ນ້ຳ​ທາ ສຸມ​ໃສ່ 4 ວຽກ​ໃຫຍ່ ​ເພື່ອຕ້ານ ​ແລະ ສະກັດ​ກັ້ນ​ການ​ຄ້າ-ຂາຍ​ສັດປ່າ​

- 40627325 281362192588957 3323982109290266624 n - ຫລວງ​ນ້ຳ​ທາ ສຸມ​ໃສ່ 4 ວຽກ​ໃຫຍ່ ​ເພື່ອຕ້ານ ​ແລະ ສະກັດ​ກັ້ນ​ການ​ຄ້າ-ຂາຍ​ສັດປ່າ​
- Untitled design - ຫລວງ​ນ້ຳ​ທາ ສຸມ​ໃສ່ 4 ວຽກ​ໃຫຍ່ ​ເພື່ອຕ້ານ ​ແລະ ສະກັດ​ກັ້ນ​ການ​ຄ້າ-ຂາຍ​ສັດປ່າ​

ແຂວງ​ຫລວງ​ນ້ຳ​ທາ ສຸມ​ໃສ່ 4 ວຽກ​ໃຫຍ່​​ ​ເພື່ອນ​ຕ້ານ ​ແລະ ສະກັດ​ກັ້ນ​ການ​ຄ້າ-ຂາຍ​ສັດປ່າ ​ທີ່​ຜິດ​ກົດໝາຍ ​ເປັນ​ຕົ້ນ​ແມ່ນການ​ເຮັດ​ວຽກ​ງານສຶກສາ​ອົບ​ຮົມ​ການ​ເມືອງ​ແນວ​ຄິດ ​ແລະ ​ນຳ​ເອົາ​ນິຕິ​ກຳ​ທີ່​ກ່ຽວຂ້ອງຕ່າງໆ​ເຊັ່ນ: ​ກົດໝາຍວ່າ​ດ້ວຍ​ປ່າ​ໄມ້, ກົດໝາຍ​ວ່າ​ດ້ວຍ​ສັດ​ນ້ຳ​-ສັດປ່າ ​ແລະ ຄຳ​ສັ່ງ​ຂອງ​ທ່ານ​ນາຍົກ ​ເລກທີ 05/ນຍ, ລົງ​ວັນ​ທີ 8 ພຶດສະພາ 2018 ວ່າ​ດ້ວຍ​ການ​ຫ້າມ​ຄອບ​ຄອງ, ​ເຄື່ອນ​ຍ້າຍ, ຄ້າຂາຍ​ສັດ​ນ້ຳ-ສັດປ່າທີ່​ຜິດ​ກົດໝາ​ຍ ​ແລະ ພືດ​ພັນ​ທີ່​ຫາ​ຍາກລົງ​ເຜີຍ​ແຜ່ໃຫ້​ແກ່​​​ບ້ານ​ເປົ້າ​ໝາຍ ທີ່ຢູ່​​ໃນ​ເຂດ​ປ່າ​ສະຫງວນ​ແຫ່ງ​ຊາດມີ​ຄວາມ​ເຂົ້າ​ໃຈ​ເຊື່ອມ​ຊຶມ. ພ້ອມ​ນັ້ນ ກໍ​ໄດ້​ເພີ່ມ​ທະວີ​ການ​ຮ່ວມ​ມື​ກັບຕ່າງປະ​ເທດຕາມ​ຊາຍ​ແດນ, ຈຸດ​ຫລໍ່​ແຫລມ​ຕ່າງໆ ​ເພື່ອ​ຕິດຕາມ​ການ​ເຄື່ອນ​ຍ້າຍ​ໄມ້, ສັດນ້ຳ-ສັດປ່າ ​ແລະ ພືດປະ​ເພດ​ຫວງ​ຫ້າມ ​ແລະ ​ເຮັດວຽກ​ສົ່ງ​ເສີມ​ອາຊີບ​ໃຫ້​​ປະຊາ​ຊົນມີ​ວຽກ​ເຮັດ​ງານ​ທຳ​ທີ່​ໝັ້ນຄົງ​.

ທ່ານຫົວໜ້າ​ພະ​ແນ​ກກະສິກຳ ​ແລະ ປ່າ​ໄມ້​ແຂວງ​ຫລວງ​ນ້ຳ​ທາ ໃຫ້ສຳພາດຕໍ່ນັກຂ່າວໃນໂອກາດເຂົ້າຮ່ວມກອງປະຊຸມຮ່ວມມືດ້ານວິຊາການ ເພື່ອຕ້ານການຄ້າ-ຂາຍສັດປ່າທີ່ຜິດກົດໝາຍ ໃນປະເທດພາກພື້ນລຸ່ມແມ່ນ້ຳຂອງ ​ເຊິ່ງ​ໄດ້ຈັດຂຶ້ນໃນລະຫວ່າງວັນທີ 30-31 ສິງຫາ​ແລ້ວ​ນີ້ ທີ່ແຂວງອຸດົມໄຊວ່າ: ໃນ​ໄລຍະ​ໜຶ່ງ​ປີຜ່ານມາ, ​ແຂວງຫລວງ​ນ້ຳ​ທາ​ໄດ້​ມີ​ການ​ລາດຕະ​ເວນ​ຢູ່​ຈຸດ​ຫລໍ່​ແຫລມຕ່າງໆ ​ແລະ ​​ສາມາດຢຶດຊິ້ນ​ສ່ວນ​ສັດປ່າ​ໄດ້​ເປັນ​ຈຳນວນ​ຫລາຍ, ​ໃນ​ນັ້ນ ມີ​ໝີ​ແພນ​ດາ​ແດງ 6 ​ໂຕ ​ໄດ້​ນຳ​ສົ່ງ​ໄປ​ສູນ​ບຳບັດ​ໝີທີ່​ແຂວງ​ຫລວງ​ພະ​ບາງປອດ​ໄພ​ແລ້ວ.

- Wave100S AD to Website 2020 0 - ຫລວງ​ນ້ຳ​ທາ ສຸມ​ໃສ່ 4 ວຽກ​ໃຫຍ່ ​ເພື່ອຕ້ານ ​ແລະ ສະກັດ​ກັ້ນ​ການ​ຄ້າ-ຂາຍ​ສັດປ່າ​
- WhatsApp Image 2020 05 27 at 5 - ຫລວງ​ນ້ຳ​ທາ ສຸມ​ໃສ່ 4 ວຽກ​ໃຫຍ່ ​ເພື່ອຕ້ານ ​ແລະ ສະກັດ​ກັ້ນ​ການ​ຄ້າ-ຂາຍ​ສັດປ່າ​
- WhatsApp Image 2020 05 27 at 5 - ຫລວງ​ນ້ຳ​ທາ ສຸມ​ໃສ່ 4 ວຽກ​ໃຫຍ່ ​ເພື່ອຕ້ານ ​ແລະ ສະກັດ​ກັ້ນ​ການ​ຄ້າ-ຂາຍ​ສັດປ່າ​
error: Alert: ເນື້ອຫາຂ່າວມີລິຂະສິດ !!