ຜູ້​ປະສົບ​ໄພ​ນ້ຳຖ້ວມຢູ່ເມືອງສະໜາມໄຊຍັງຕ້ອງການ​ເຮືອນ​ລ້ຽງ​ເດັກ

- attapue want - ຜູ້​ປະສົບ​ໄພ​ນ້ຳຖ້ວມຢູ່ເມືອງສະໜາມໄຊຍັງຕ້ອງການ​ເຮືອນ​ລ້ຽງ​ເດັກ
- Untitled design - ຜູ້​ປະສົບ​ໄພ​ນ້ຳຖ້ວມຢູ່ເມືອງສະໜາມໄຊຍັງຕ້ອງການ​ເຮືອນ​ລ້ຽງ​ເດັກ

ຂປລ. ຜູ້ປົກຄອງເດັກຢູ່ສູນພັກຊົ່ວຄາວໂຮງຮຽນມິດສໍາພັນ ເມືອງສະໜາມໄຊ ແຂວງອັດຕະປື ທີ່ໄດ້ຮັບຜົນກະທົບຈາກນໍ້າຖ້ວມ ຍັງຕ້ອງການຄວາມຊ່ວຍເຫລືອທາງດ້ານສະຖານ, ບ່ອນຝາກເດັກ, ອາຫານຂອງເດັກ ແລະ ​ເຄື່ອງ​ຫລິ້ນອື່ນໆ ເພື່ອພໍ່ແມ່ຈະໄດ້ມີເວລາໄປເຮັດວຽກ ແລະ ​ເຮັດກິດຈະກໍາຕ່າງໆ ເພາະປັດຈຸບັນ ຢູ່ທາງສູນພັກຊົ່ວຄາວຍັງມີຄວາມຄັບແຄບເຮັດໃຫ້ເດັກນ້ອຍບໍ່ມີຄວາມເບີກບານມ່ວນຊື່ນ.

ໃນໂອກາດທີ່ ທ່ານ ນາງ ບັນດິດ ປະທຸມວັນ ຮອງປະທານຄະນະກໍາມະການແຫ່ງຊາດ ສົ່ງເສີມຄວາມກ້າວໜ້າແມ່ຍິງ ແລະ ເດັກ ລົງມາຮ່ວມຈັດກິດຈະກໍາ ແລະ ເກັບກໍາສະພາບຂອງເດັກອ່ອນແຕ່ 3 ປີລົງລຸ່ມ ໄດ້ໃຫ້ສໍາພາດວ່າ: ປັດຈຸບັນ ທາງສູນພັກ​ຂອງ​ຜູ້​ປະສົບ​ໄພ​ນ້ຳຖ້ວມ​ຫລາຍ​ແຫ່ງຍັງມີຄວາມຕ້ອງການສະຖານທີ່ໃຫ້ແກ່ເດັກໄດ້ຫລິ້ນ ເພາະຢູ່ສູນພັກເຊົ່ານີ້ແມ່ນຍັງມີຄວາມຄັບແຄບ. ພ້ອມ​ນັ້ນ ກໍ​ແມ່ນອາຫານສໍາລັບເດັກ, ເຄື່ອງນຸ່ງຫົ່ມແມ່ນຍັງມີຄວາມຕ້ອງການຫລາຍ. ສະນັ້ນ, ຈຶ່ງຮຽກຮ້ອງມາຍັງສັງຄົມສືບຕໍ່ໃຫ້ການຊ່ວຍເຫລືອ ເຊິ່ງເຫັນວ່າຜູ້ໄດ້ຮັບຜົນກະທົບຍັງມີຄວາມຫຍຸ້ງຍາກຫລາຍ.

ໃນໂອກາດດັ່ງກ່າວ, ທາງຄະນະກໍາມະການແຫ່ງຊາດ ສົ່ງເສີມຄວາມກ້າວໜ້າແມ່ຍິງ ແລະ ເດັກ ໄດ້ຮ່ວມຈັດກິດຈະກໍາ ພ້ອມມອບເຄື່ອງຊ່ວຍເຫລືອ ປະກອບມີເຕັ້ນ 6 ດາງ, ເຄື່ອງຫລິ້ນເດັກນ້ອຍ, ນົມສໍາລັບເດັກຈໍານວນໜຶ່ງ ຢູ່ສູນພັກຊົ່ວຄາວ ໂຮງຮຽນອະນຸບານມິດສໍາພັນ.

- Wave100S AD to Website 2020 0 - ຜູ້​ປະສົບ​ໄພ​ນ້ຳຖ້ວມຢູ່ເມືອງສະໜາມໄຊຍັງຕ້ອງການ​ເຮືອນ​ລ້ຽງ​ເດັກ
- WhatsApp Image 2020 05 27 at 5 - ຜູ້​ປະສົບ​ໄພ​ນ້ຳຖ້ວມຢູ່ເມືອງສະໜາມໄຊຍັງຕ້ອງການ​ເຮືອນ​ລ້ຽງ​ເດັກ
- WhatsApp Image 2020 05 27 at 5 - ຜູ້​ປະສົບ​ໄພ​ນ້ຳຖ້ວມຢູ່ເມືອງສະໜາມໄຊຍັງຕ້ອງການ​ເຮືອນ​ລ້ຽງ​ເດັກ
error: Alert: ເນື້ອຫາຂ່າວມີລິຂະສິດ !!