ລັດຖະມົນຕີກະຊວງແຮງງານຢ້ຽມຢາມເຂດໄພພິບັດນໍ້າຖ້ວມຢູ່ແຂວງຊຽງຂວາງ

- Labour - ລັດຖະມົນຕີກະຊວງແຮງງານຢ້ຽມຢາມເຂດໄພພິບັດນໍ້າຖ້ວມຢູ່ແຂວງຊຽງຂວາງ
- Untitled design - ລັດຖະມົນຕີກະຊວງແຮງງານຢ້ຽມຢາມເຂດໄພພິບັດນໍ້າຖ້ວມຢູ່ແຂວງຊຽງຂວາງ

ເມື່ອບໍ່ດົນມານີ້, ທ່ານ ຄໍາແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ປະທານຄະນະກໍາມະການປອ້ງກັນ ແລະ ຄອບຄຸມໄພພິບັດແຫ່ງຊາດ ພອ້ມຄະນະ ໄດ້ລົງກວດກາສະພາບຜົນເສຍຫາຍຈາກໄພນໍ້າຖ້ວມຢູ່ແຂວງຊຽງຂວາງ. ໂດຍໄດ້ຮັບລາຍງານຈາກທ່ານເຂົ້າແຂວງວ່າ: ຊຽງຂວາງເປັນແຂວງໜຶ່ງທີ່ໄດ້ຮັບ ຜົນກະທົບຈາກພະຍຸ ລະຫວ່າງເດືອນ ກໍລະກົດຫາສິງຫານີ້, ເຮັດໃຫ້ເກີດມີໄພນໍ້າຖ້ວມຮ້າຍແຮງຢູ່ຫຼາຍເຂດ ສົ່ງຜົນເສຍຫາຍຕໍ່ຊີວິດ, ຊັບສິນ, ພື້ນຖານໂຄງລາງ ແລະ ເນື້ອທີ່ທໍາການຜະລິດຂອງປະຊາຊົນເປັນຈໍານວນຫຼາຍຫຼາຍ. ຊຶ່ງສາມາດສັງລວມໄດ້ຄື: ນໍ້າຖ້ວມບ້ານ ຊຽງແດດ, ລັ້ງຈອງ ເມືອງພູກູດ, ບ້ານ ລາດງ່ອນເມືອງແປກ, ບ້ານ ພັກຫຼັກ ເມືອງ ໝອງແຮດ ລວມ 98 ຫຼັງເຮືອນ, ໃນນັ້ນ, ເປເພເສຍຫາຍ  21 ຫຼັງ, ດິນເຈື່ອນຖົມເຮືອນປະຊາຊົນ ບ້ານ ນໍ້າຈັດ, ບ້ານ ຢາຍ ເມືອງ ພູກູດ, ບ້ານ ຢວກມູນ ເມືອງໝອກ , ບ້ານ ພູເມືອງ ເມືອງຄໍາ, ເສຍຫາຍທັງໝົດ 21 ຫຼັງ, ມີຜູ້ເສຍຊີວິດ 2 ຄົນ, ບາດເຈັບ  1 ຄົນ. ເສັ້ນທາງເປເພເສຍຫາຍຢູ່ຫຼາຍເມືອງ ລວມມີ 75  ຈຸດ, ຂົວເປເພ 14 ແຫ່ງ ແລະ ປັດຈຸບັນຍັງມີເສັ້ນທາງຫຼາຍເສັ້ນຍັງບໍ່ສາມາດສັນຈອນດ້ວຍພາຫະນະໄດ້ເຊັ່ນ: ເສັ້ນທາງແຕ່ເມືອງຄູນຫາເມືອງໝອກ, ເແຕ່ນໍ້າຈັດຫາບ້ານ ຊຽງແດດ, ແຕ່ເຂດເຄິງຫາບ້ານ ລັ້ງຈອງ ເມືອງພູກູດ, ໜອງແຮດຫາເຂດ ບໍກໍບໍເຍຍ, ແຕ່ຍອດລ້ຽງຫາເຂດບ້ານ ສັນແຟນ, ວັງຊົງ ແລະ ຈຸດອື່ນໆ. ຮ້າຍແຮງກວ່ານັ້ນແມ່ນ ມີເຂື່ອນໄຟຟ້າຂະໜາດນ້ອຍແຕກ  1 ແຫ່ງ, ເສົາໄຟຟ້າໂຄ້ນລົ້ມ 27 ຕົ້ນ, ລະບົບຊົນລະປະທານ 4 ແຫ່ງ, ລະບົບນໍ້າລິນ 25 ແຫ່ງ, ໂຮງຮຽນເປເພ 1 ຫຼັງ, ເນື້ອທີນາຖືກນໍ້າຖ້ວມຢູ່ທຸກໆເມືອງ ເຊິ່ງປັດຈຸບັນຍັງບໍ່ສາມາດປະເມີນຜົນເສຍຫາຍໄດ້.

ເພື່ອເຮັດໃຫ້ການຟື້ນຟູຊີວິດການເປັນຢູ່ຂອງປະຊາຊົນ ແລະ ພື້ນຖານໂຄງລາງກັບຄືນສູ່ປົກກະຕິໂດຍໄວ ຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນແຂວງ ຈະໄດ້ເອົາໃຈໃສ່ສົມທົບກັບຄະນະກໍາມະການຂັ້ນເມືອງ ສຸມໃສ່ວຽກຈັດສັນທີ່ຢູ່ອາໄສຖາວອນ ແລະ ສະໜອງວັດຖຸສົມທົບປຸກສ້າງເຮືອນຊານໃຫ້ປະຊາຊົນຢູ່ບ້ານ ຢວກມູນ ເມືອງໝອກ 9 ຄອບຄົວ, ຊຽງແດດ 24 ຄອບຄົວ, ນໍ້າຈັດ 5 ຄອບຄົວ, ລັ້ງຈອງ 15 ຄອບຄົວ, ພູເມືອງ ເມືອງຄໍາ 2 ຄອບຄົວ, ສັນຫຼວງ ເມືອງຄູນ 1 ຄອບຄົວ, ພັກຫຼັກ, ເມືອງໜອງແຮດ 18 ຄອບຄົວ ແລະ ຂຶ້ນແຜນສ້ອມແປງເສັ້ນທາງ, ຂົວ, ຊົນລະປະທານ, ສຸກສາລາ, ລະບົບນໍ້າລິນ, ໂຮງຮຽນ ແລະ ພື້ນຖານໂຄງລາງອື່ນໆ ທີ່ເສຍຫາຍ ແລະ ເປເພໃຫ້ສໍາເລັດໂດຍໄວ, ພ້ອມທັງເອົາໃຈໃສ່ ໂຄສະນາ, ປຸກລະດົມ ໃຫ້ປະຊາຊົນຜູ້ໄດ້ຮັບຜົນກະທົບມີຈິດໃຈອຸ່ນອຽນທຸນທ່ຽງ ເຊື່ອໝັ້ນຕໍ່ການຊີ້ນໍາ-ນໍາພາຂອງພັກ, ພ້ອມທັງມີສະຕິລະວັງຕົວຕໍ່ໄພພິບັດທີ່ອາດຈະເກີດຂຶ້ນ.

ໃນໂອກາດນີ້, ທ່ານ ຄໍາແພງ ໄຊສົມແພງ ໄດ້ເນັ້ນໃຫ້ຄະນະກໍາມະການປອ້ງກັນ ແລະ ຄອບຄຸມໄພພິບັດຂັ້ນແຂວງ ເອົາໃຈໃສ່ການຮັກສາສຸຂະພາບຂອງປະຊາຊົນ, ກວດກາຜົນເສຍຫາຍຂອງເນື້ອທີ່ການຜະລິດ, ກະກຽມແນວພັນພືດເພື່ອສະໜອງໃຫ້ແກ່ປະຊາຊົນຜະລິດລະດູແລ້ງໄດ້ພຽງພໍ, ປັບປຸງປົວແປງຊົນລະປະທານ ເພື່ອຮັບປະກັນການຜະລິດລະດູແລ້ງມີປະສິດທິພາບ ແລະ ຄະນະນໍາຂອງແຂວງ, ເມືອງ ຕ້ອງເອົາໃຈໃສເຮັດວຽກງານສຶກສາອົບຮົມການເມືອງແນວຄິດໃຫ້ແກ່ປະຊາຊົນ, ຕັ້ງໜ້າຟື້ນຟູຊິວິດການເປັນຢູ່ຂອງເຂົາເຈົ້າໄດ້ກັບຄືນສູ່ສະພາບປົກກະຕິໂດຍໄວ. ໃນໂອກາດດຽວກັນທ່ານລັດຖະມົນຕີ ກໍໄດ້ມອບເຄື່ອງອຸປະໂພກ-ບໍລິໂພກທີ່ຈໍາເປັນອື່ນໆ ລວມມີມູນຄ່າ 51 ກວ່າລ້ານກີບ ແລະ ທ່ານຮອງລັດຖະມົນຕີ ກະຊວງການເງິນ ໄດ້ມອບເງິນສົດ 20 ລ້ານກີບ ເພື່ອນໍາໄປຊ່ວຍເຫລືອປະຊາຊົນທີ່ໄດ້ຮັບຜົນກະທົບຈາກໄພພິບັດທາງທໍາມະຊາດຄັ້ງນີ້.

- Wave100S AD to Website 2020 0 - ລັດຖະມົນຕີກະຊວງແຮງງານຢ້ຽມຢາມເຂດໄພພິບັດນໍ້າຖ້ວມຢູ່ແຂວງຊຽງຂວາງ

ຂ່າວໃຫ້ຮູ້ອີກວ່າ: ໃນວັນທີ 31 ສິງຫາ ຜ່ານມາ, ທ່ານລັດຖະມົນຕີກະຊວງດັ່ງກ່າວກໍໄດ້ລົງຢ້ຽມຢາມເຂດປະສົບໄພນໍ້າຖ້ວມຢູ່ເມືອງ ພູຄູນ ແຂວງຫຼວງພະບາງ ແລະ ກໍໄດ້ມອບຜ້າຫົ່ມຈໍານວນ 250 ຜືນ, ເງິນສົດ 10 ລ້ານກີບ ເພື່ອນໍາໄປຊ່ວຍເຫຼືອປະຊາຊົນຜູ້ປະສົບໄພດັ່ງກ່າວອີກດ້ວຍ.

- WhatsApp Image 2020 05 27 at 5 - ລັດຖະມົນຕີກະຊວງແຮງງານຢ້ຽມຢາມເຂດໄພພິບັດນໍ້າຖ້ວມຢູ່ແຂວງຊຽງຂວາງ
- WhatsApp Image 2020 05 27 at 5 - ລັດຖະມົນຕີກະຊວງແຮງງານຢ້ຽມຢາມເຂດໄພພິບັດນໍ້າຖ້ວມຢູ່ແຂວງຊຽງຂວາງ
error: Alert: ເນື້ອຫາຂ່າວມີລິຂະສິດ !!