ລາວ-ຈີນ ຕົກລົງຮ່ວມມືກໍ່ສ້າງວິທະຍາໄລເຕັກນິກການລົດໄຟຢູ່ລາວ

- Signing - ລາວ-ຈີນ ຕົກລົງຮ່ວມມືກໍ່ສ້າງວິທະຍາໄລເຕັກນິກການລົດໄຟຢູ່ລາວ
- Untitled design - ລາວ-ຈີນ ຕົກລົງຮ່ວມມືກໍ່ສ້າງວິທະຍາໄລເຕັກນິກການລົດໄຟຢູ່ລາວ

ພິທີເຊັນບົດບັນທຶກກ່ຽວກັບການສຶກສາຄວາມເປັນໄປໄດ້ຂອງໂຄງການກໍ່ສ້າງວິທະຍາໄລເຕັກນິກການລົດໄຟ ຢູ່ເຂດຕອນດິນ S7 (ເຂດສະໜາມກິລາຫຼັກ 16) ນະຄອນຫຼວງວຽງຈັນ, ໄດ້ມີຂຶ້ນໃນວັນທີ 4 ກັນຍາ ນີ້, ທີ່ນະຄອນຫຼວງວຽງຈັນ ລະຫວ່າງ ທ່ານ ກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ຫວັງຊີຮຸ່ຍ ທີ່ປຶກສາດ້ານເສດຖະກິດ ແລະ ການຄ້າ ສະຖານທູດຈີນ ປະຈໍາລາວ. ພາຍຫຼັງສອງຝ່າຍໄດ້ລົງສໍາຫຼວດພື້ນທີດັ່ງກ່າວໃນວັນທີ 3-26 ກໍລະກົດ ຜ່ານມາ ແລະ ໄດ້ເຫັນດີເປັນເອກະພາບກັນ. ເພື່ອນໍາໃຊ້ທີ່ດິນດັ່ງກ່າວໃນເນື້ອທີ່ 14,4 ເຮັກຕາ ປຸກສ້າງວິທະຍາໄລດັ່ງກ່າວ ແລະ ກໍານົດແຜນຜັງລວມຂອງໂຄງການກໍ່ສ້າງເຊັ່ນ: ຫ້ອງການບໍລິຫານ, ຫ້ອງຮຽນ, ສູນຝຶກພາກປະຕິບັດ, ບ່ອນຝຶກພາກປະຕິບັດນອກອາຄານ, ຮ້ານອາຫານ, ໂຮງຊ່າງ, ຫໍສະໝຸດ, ຫໍພັກນັກສຶກສາ, ຫໍພັກຄູ, ຫໍພັກຊ່ຽວຊານ, ສະໂມສອນ, ເດີ່ນກິລາໃນຮົ່ມ ແລະ ສິ່ງອໍານວຍຄວາມສະດວກອື່ນໆ. ພ້ອມທັງສະໜອງຂໍ້ມູນພື້ນຖານການອອກແບບເຕັກນິກສໍາລັບໂຄງການດັ່ງກ່າວ ແລະ ຜ່ານມາສອງຝ່າຍໄດ້ຕົກລົງຈະສັ່ງພະນັກງານຝ່າຍລາວ ຈໍານວນ  40 ຄົນໄປຝຶກດ້ານການລົດໄຟຢູ່ຈີນ (ລວມມີ ຜູ້ບໍລິຫານ 6 ຄົນ, ຄູສອນ 30 ແລະ ຄູຝຶກພາກປະຕິບັດ 4 ຄົນ), ສໍາເລັດການກໍານົດອຸປະກອນເຕັກນິກໃນຫ້ອງທົດລອງ, ໂຮງຊ່າງ ແລະ ອຸປະກອນ IT ຕາມຄວາມຈໍາເປັນສໍາລັບການຮຽນ-ການສອນຂອງ 6 ວິຊາ ຄື: ການຂົນສົ່ງທາງລົດໄຟ, ວິສະວະກໍາທາງລົດໄຟ, ສັນຍານການລົດໄຟ, ການສະໜອງໄຟຟ້າທາງລົດໄຟ, ລະບົບລໍ້ລາງ ແລະ ຕູ້ລົດໄຟເປັນຕົ້ນ.

- Wave100S AD to Website 2020 0 - ລາວ-ຈີນ ຕົກລົງຮ່ວມມືກໍ່ສ້າງວິທະຍາໄລເຕັກນິກການລົດໄຟຢູ່ລາວ
- WhatsApp Image 2020 05 27 at 5 - ລາວ-ຈີນ ຕົກລົງຮ່ວມມືກໍ່ສ້າງວິທະຍາໄລເຕັກນິກການລົດໄຟຢູ່ລາວ
- WhatsApp Image 2020 05 27 at 5 - ລາວ-ຈີນ ຕົກລົງຮ່ວມມືກໍ່ສ້າງວິທະຍາໄລເຕັກນິກການລົດໄຟຢູ່ລາວ
error: Alert: ເນື້ອຫາຂ່າວມີລິຂະສິດ !!