ສົກຮຽນໃໝ່ພ້ອມກັນໃສ່ໃຈການໄປມາ

- advert banner 728 90 728x90 - ສົກຮຽນໃໝ່ພ້ອມກັນໃສ່ໃຈການໄປມາ

 ໂດຍ: ທິດກ່ຳ   

ຕາມປົກກະຕິແລ້ວ, ວັນທີ 1 ຂອງເດືອນກັນຍາ 2018 ເປັນວັນເປີດສົກຮຽນໃໝ່ 2018-2019 ແຕ່ໄດ້ເລືອນ ມາໃສ່ວັນທີ 3 ເພາະວັນທີ 1 ມັນກົງກັບວັນເສົາເປັນວັນ ພັກທາງລັດຖະການ ແລະ ສະເພາະຢູ່ນະຄອນຫລວງ ວຽງຈັນ ເຮົາແມ່ນໄດ້ເປີດ ພິທີຢ່າງເປັນທາງການມາ ແຕ່ວັນທີ 31 ສິງຫາ ໂດຍ ມີຜູ້ຕາງໜ້າຈາກສະຖາ ບັນການສຶກສາ, ບັນດາຄູ- ອາຈານທີ່ກ່ຽວຂ້ອງເຂົ້າ ຮ່ວມຢ່າງຫລວງຫລາຍ.

ເມືອງສະໜາມໄຊສາມາດເປີດສົກຮຽນໃໝ່ໄດ້ແລ້ວ

ຄຳມ່ວນເລັ່ງປັບປຸງອາຄານໂຮງຮຽນກຽມເປີດສົກຮຽນໃໝ່

ເວົ້າມາຮອດຈຸດນີ້ ກໍ ຍັງຄິດເຫັນ ແລະ ເປັນຫວ່ງ ນຳຫລາຍໂຮງຮຽນໃນ ບາງ ເຂດແຂວງທົ່ວປະເທດ, ເພາະວ່າໃນສະພາບປັດຈຸ ບັນມີຫລາຍບ້ານ, ຫລາຍ ໂຮງຮຽນປະຖົມ, ມັດທະຍົມ ບໍ່ທັນສາມາດເປີດສົກຮຽນ ໃໝ່ໄດ້ຍ້ອນຜົນກະທົບ ຈາກໄພນ້ຳຖ້ວມ.
ສຳລັບບັນຍາກາດຢູ່ກະໂຕໃຈກາງຂອງນະຄອນ ຫລວງວຽງຈັນ ເມືອງເອກ ຂອງປະເທດເຫັນວ່າການ ເປີດສົກຮຽນປີນີ້ມັນຄຶກຄັກ ພໍສົມຄວນ, ພາບທີ່ໂດດເດັ່ນ ໃຫ້ເຫັນກໍແມ່ນລົດຕິດຍາວ ຢຽດ ເປັນກິໂລແມັດ, ສອງ ກິໂລແມັດ. ເຕັມທີ່ແຕ່ອ້າຍ ນ້ອງຕຳຫລວດຈາລະຈອນຕ້ອງໄດ້ເຂັ້ມຂຸ້ນໂບກຊ້າຍ ຍ້າຍຂວາທັງເປົ່າວິດຈົນ ແກ້ມໂພງແກ້ມພຶງຢູ່ວັບໆ, ຊ້ຳບໍ່ໜຳໃນຕອນເຊົ້າຂອງມື້ດັ່ງກ່າວ ຢູ່ນະຄອນຫລວງ ວຽງຈັນເກີດມີຝົນຕົກມາ ແຕ່ຂ້ອນແຈ້ງຈົນຮອດ 12 ໂມງທ່ຽງ ຈຶ່ງຄ່ອຍເບົາບາງ ລົງ ແລະ ມື້ນັ້ນ ທິດກ່ຳອອກ ເຮືອນແຕ່ ບ້ານໂພນສະອາດ ກວ່າຈະຮອດຫ້ອງການໄລ ຍະທາງ ຄົດລ້ຽວປະມານ 3 ຫລັກກໍໃຊ້ເວລາເກືອບ 2 ຊົ່ວ ໂມງ ເພາະຕອນເຊົ້າຂອງ ມື້ນັ້ນ ລົດຕິດປານໝູ່ປວກ, ຈາກໄລຍະໄຟແດງບ່ອນ ໜຶ່ງໄປຫາບ່ອນໜຶ່ງຕ້ອງ ໄດ້ຕູດລົດເປັນ 4-5 ເທື່ອ ຈຶ່ງໄດ້ຜ່ານ.

ນີ້ຄືສິ່ງທີ່ສະທ້ອນ ໃຫ້ເຫັນບັນຫາລົດຕິດໃນມື້ ເປີດສົກຮຽນ, ສ່ວນວ່າມື້ ຕໍ່ໆ ໄປຈະຕິດສ່ຳໃດນັ້ນຕ້ອງໄດ້ ລໍພິສູດເບິ່ງນຳກັນ.
ຕາມທິດກ່ຳ ຄິດໃນມື້ ເປີດສົກຮຽນກັບມື້ຕໍ່ໆ ໄປ ກໍອາດບໍ່ມີອັນໃດແຕກຕ່າງ ຫລວງຫລາຍເພາະໃຜ ກໍຕ້ອງໄດ້ໄປສົ່ງລູກສົ່ງ ຫລານເຂົ້າຮຽນໃນແຕ່ລະ ມື້ເປັນປົກກະຕິນອກຈາກ ວັນເສົາກັບວັນທິດຈົນກວ່າ ຈະສິ້ນປີຮຽນນີ້ຕໍ່ໃສ່ປີຮຽນ ໃໝ່ຕາມກົດເກນ ແລະ ກາ ລະເທສະຂອງສັງຄົມທີ່ກຳ ລັງພັດທະນາ.

- lattana 1 - ສົກຮຽນໃໝ່ພ້ອມກັນໃສ່ໃຈການໄປມາ
- 1 1 - ສົກຮຽນໃໝ່ພ້ອມກັນໃສ່ໃຈການໄປມາ

ຕົກມາຮອດສະພາບ ບ້ານເມືອງເຮົາໃນປັດຈຸບັນນີ້ຕ້ອງຍອມຮັບວ່າຄົນລາວ ພາກັນຮັ່ງມີຂຶ້ນໄປເລື້ອຍໆ ດຽວນີ້ການໄປມາດ້ວຍ ຍວດ ຍານພາຫະນະຂອງຄົນລາວ ເຮົາສ່ວນຫລາຍພາກັນຂີ່ ລົດໃຫຍ່ເພີ່ມຂຶ້ນທຸກວັນ, ຈຳນວນລົດຈັກ, ລົດຖີບກໍ ນັບມື້ຫລຸດລົງ.
ໃນຍຸກພັດທະນາໃຜກໍ ວ່າຕ້ອງເອົາເຫລັກຫຸ້ມໜັງ ບໍ່ຕ້ອງເອົາໜັງຫຸ້ມເຫລັກ ບາດຕອນເມົາມາພໍໄດ້ເອົາ ຊີວິດລອດແດ່ ວ່າຊັ້ນ! ຈັກ ວ່າໃຜຊິໄປກ່ອນໃຜລະ ຫວ່າງຜູ້ຂີ່ລົດຈັກກັບລົດໃຫຍ່.

ເພາະທິດກ່ຳ ເຫັນມາ ຫລາຍລາຍແລ້ວລົດໃຫຍ່ ຕຳກັນຕ່າງຝ່າຍກໍພາກັນໄປທັງຄູ່ນອກຈາກວ່າ ການມີ ສະຕິນັ້ນຄືຄວາມປອດໄພ ໃນຊີວິດ ແລະ ຊັບສິນຕ້ອງ ມາກ່ອນ.

ເຖິງຢ່າງໃດກໍດີ, ຕາມ ທິດກ່ຳວ່າ ຜູ້ຂີ່ລົດໃຫຍ່ກໍຕ້ອງ ເຫັນໃຈຜູ້ຂີ່ລົດຈັກ, ເພາະຜູ້ ໜຶ່ງພັດເຫລັກຫຸ້ມໜັງ, ແຕ່ຜູ້ ໜຶ່ງພັດໜັງຫຸ້ມເຫລັກຊ້ຳບໍ່ ໜຳຊ່ວງນີ້ເປັນຍາມຝົນບໍ່ ຄວນຢຽບຂີ້ຕົມຟົ້ງໃສ່ກັນ, ອີກປະການໜຶ່ງໃນການ ຈອດຍວດຍານພາຫະນະກໍ ຕ້ອງຄິດໃສໃຈເພິ່ນໃຈໂຕ ເພາະຖະໜົນຫົນທາງເປັນ ຂອງໝົດທຸກຄົນ.

ການໄປວຽກໄປງານ, ສົ່ງລູກຫລານໄປຮຽນກໍ ຕ້ອງຄິດໄລ່ເວລາ, ລຸກເດີກ ຕື່ນເຊົ້າກວ່າເກົ່າ, ບາງຄົນ ທິດກ່ຳເຫັນໂດຍສະເພາະຜູ້ ຍິງບາງຄົນໄປສົ່ງລູກຫລານຍັງໃສ່ຊຸດນອນບາງປານ ເຈ້ຍໂປເລຍເຮັດໃຫ້ຄົນອື່ນ ເຂົາເຫັນມັນລະປຸກກວ່າຢາບ້ານຫ້ອມ./.

- 3365222 - ສົກຮຽນໃໝ່ພ້ອມກັນໃສ່ໃຈການໄປມາ
(ພາບປະກອບ)
error: Content is protected !!