ໝາກເລັ່ນສົດກັບນ້ຳໝາກເລັ່ນກ່ອງອັນໃດມີປະໂຫຍດກ່ວາກັນ ?

- 020509 2018 -  ໝາກເລັ່ນສົດກັບນ້ຳໝາກເລັ່ນກ່ອງອັນໃດມີປະໂຫຍດກ່ວາກັນ ?
- Untitled design -  ໝາກເລັ່ນສົດກັບນ້ຳໝາກເລັ່ນກ່ອງອັນໃດມີປະໂຫຍດກ່ວາກັນ ?

     – ຄຸນປະໂຫຍດຂອງໝາກເລັ່ນ :

  1. ວິຕາມິນເຊ ຊ່ວຍຫລຸດຮອຍຫ່ຽວຍານເທິງໃບໜ້າ ຊ່ວຍໃຫ້ຜິວສົດໃສ ປ້ອງກັນອັນຕະລາຍຈາກລັງສີຢູວີຈາກແສງແດດ ແລະ ຊ່ວຍໃຫ້ແຊນຜິວໜັງໄດ້ປັບສະພາບຄໍລາເຈັນໃຕ້ຜິວໜັງໃຫ້ແຂງແຮງ ຜິວຈຶ່ງຊຸ່ມຊື່ນກ້ຽງງາມ.
  2. ໄລໂຄປີນ ເປັນສານຕ້ານອະນຸມູນອິດສະລະ ຊ່ວຍຕ້ານຄວາມເຖົ້າ, ຕ້ານຄວາມເສື່ອມຂອງຮ່າງກາຍ, ຊ່ວຍການໄຫລ ວຽນຂອງເລືອດ. ນອກຈາກນີ້ ຍັງມີເບຕ້າແຄໂຣທີນ, ວິຕາມິນ ແລະ ສານອາຫານອື່ນໆອີກທີ່ເປັນປະໂຫຍດຕໍ່ຮ່າງກາຍຫລາຍ ໂດຍວິຕາມິນເຊ ແລະ ໄລໂຄປີນ ຊ່ວຍຫລຸດຮອຍຫ່ຽວ ແລະ ເຮັດໃຫ້ຜິວກ້ຽງງາມປາສະຈາກຮອຍຫ່ຽວຄືກັນ.

      – ໝາກເລັ່ນສົດກັບນຳ້ໝາກເລັ່ນກ່ອງ ອັນໃດມີປະໂຫຍດຫລາຍກວ່າ ?

     – ໝາກເລັ່ນສົດ : ຍ້ອນວິຕາມິນເຊເປັນສານອາຫານທີ່ຍິ່ງຖືກຄວາມຮ້ອນ ຫລື ຖືກແປຮູບຫລາຍເທົ່າໃດກໍຈະຄ່ອຍໆຫາຍໄປເລື້ອຍໆ. ດັ່ງນັ້ນ ຫາກຢາກໄດ້ຮັບວິຕາມິນເຊເຕັມຮ້ອຍ (ເຊິ່ງໝາກເລັ່ນໜ່ວຍຂະໜາດປານກາງ 1 ໜ່ວຍ ເທົ່າກັບວິຕາມິນເຊໃນໝາກກ້ຽງໃຫຍ່ 1 ໜ່ວຍ) ໃຫ້ເລືອກກິນໝາກເລັ່ນສົດ.

     – ນຳ້ໝາກເລັ່ນກ່ອງ : ໝາກເລັ່ນຈະເພີ່ມໄລໂຄປີນຫລາຍຂຶ້ນ ຫາກເອົາໄປເຮັດໃຫ້ຜ່ານຄວາມຮ້ອນ ຫລື ປຸງແຕ່ງໃຫ້ສຸກ ເຊິ່ງເປັນຂະບວນການທີ່ເຮັດນຳ້ໝາກເລັ່ນບັນຈຸກ່ອງນັ້ນເອງ. ດັ່ງນັ້ນ ຫາກຢາກໄດ້ຮັບສານໄລໂຄປີນເຕັມຮ້ອຍ ໃຫ້ເລືອກດື່ມນຳ້ໝາກເລັ່ນກ່ອງ.

ຖ້າຢາກໄດ້ຄຸນປະໂຫຍດທັງສອງຢ່າງ ອາດຈະກິນທັງໝາກເລັ່ນສົດ ແລະ ດື່ມນຳ້ໝາກເລັ່ນກ່ອງໄປນຳ, ແຕ່ແນວໃດ ການ ກິນໝາກເລັ່ນ ຫລື ດື່ມນຳ້ໝາກເລັ່ນກ່ອງຫລາຍເກີນໄປ ອາດເຮັດໃຫ້ຮ່າງກາຍໄດ້ຮັບວິຕາມິນເຊເກີນຄວາມຕ້ອງການ ເຊິ່ງບໍ່ໄດ້ສົ່ງຜົນຮ້າຍຫຍັງຕໍ່ຮ່າງກາຍປານໃດ ນອກຈາກເປືອງ ເພາະວິຕາມິນເຊສ່ວນເກີນຈະຖືກໄລ່ອອກທາງນຳ້ຍ່ຽວ, ແຕ່ຫາກຮັບວິຕາມິນເຊຫລາຍເກີນໄປແທ້ໆອາດເຮັດໃຫ້ເກີດອາການວິນຫົວປວດຮາກ, ເຈັບທ້ອງຖ່າຍແຫລວ ຫລື ເປັນໜິ້ວໃນໝາກໄຂ່ຫລັງໄດ້.

- Wave100S AD to Website 2020 0 -  ໝາກເລັ່ນສົດກັບນ້ຳໝາກເລັ່ນກ່ອງອັນໃດມີປະໂຫຍດກ່ວາກັນ ?

     – ປະລິມານວິຕາມິນເຊທີ່ເໝາະສົມກັບຮ່າງກາຍ : ປະມານ 60 – 90 ມິນລີກຣາມຕໍ່ມື້ ຫລື ເທົ່າກັບໝາກເລັ່ນສົດ 3 – 4 ໜ່ວຍ ຫລື ນຳ້ໝາກເລັ່ນກ່ອງ 2 ຈອກ.

ນອກຈາກນີ້, ວິຕາມິນເຊໃນໝາກເລັ່ນຍັງຊ່ວຍໃຫ້ຮ່າງກາຍຟື້ນຟູຈາກອາການໄຂ້ຫວັດໄວຂຶ້ນ, ບຳລຸງແຂ້ວ ແລະ ເຫືອກ. ໄລໂຄປີນຈາກໝາກເລັ່ນປຸງແຕ່ງສຸກຍັງຊ່ວຍຫລຸດການເກີດພະຍາດມະເຮັງນຳອີກ.

- WhatsApp Image 2020 05 27 at 5 -  ໝາກເລັ່ນສົດກັບນ້ຳໝາກເລັ່ນກ່ອງອັນໃດມີປະໂຫຍດກ່ວາກັນ ?
- WhatsApp Image 2020 05 27 at 5 -  ໝາກເລັ່ນສົດກັບນ້ຳໝາກເລັ່ນກ່ອງອັນໃດມີປະໂຫຍດກ່ວາກັນ ?
error: Alert: ເນື້ອຫາຂ່າວມີລິຂະສິດ !!