ງານ​ຕະຫລາດນັດ​ເຕັກ​ໂນ​ໂລ​ຊີລາວ 2018 ຈະ​ຈັດ​ຂຶ້ນ​ໃນ​ກາງເດືອນຕຸລານີ້

- advert banner 728 90 728x90 - ງານ​ຕະຫລາດນັດ​ເຕັກ​ໂນ​ໂລ​ຊີລາວ 2018 ຈະ​ຈັດ​ຂຶ້ນ​ໃນ​ກາງເດືອນຕຸລານີ້

ກະຊວງວິທະຍາສາດ ​ແລະ ​ເຕັກ​​ໂນ​ໂລ​ຊີ ແຈ້ງໃຫ້ຮູ້ວ່າ: ​ງານວາງສະ​ແດງ-ຕະຫລາດນັດ​ເຕັກ​ໂນ​ໂລ​ຊີລາວ 2018 ​ (LAO TECHMART-2018) ຈະຈັດຂຶ້ນໃນ​ລະຫວ່າງວັນ​ທີ 12-22 ຕຸລາ 2018 ທີ່​ສູນ​ການ​ຄ້າ​ລາວ​-ໄອ​ເຕັກ ນະຄອນຫລວງ​ວຽງ​ຈັນ, ເພື່ອຜັນຂະຫຍາຍແຜນຍຸດທະສາດວຽກງານວິທະຍາສາດ ແລະ ເຕັກໂນໂລຊີ ຮອດປີ 2025 ແລະ ວິໄສທັດ ຮອດປີ 2030, ເພື່ອເປັນການຊຸກຍູ້ສົ່ງເສີມການຄົ້ນຄວ້າ, ການປະດິດສ້າງ ແລະ ການນຳໃຊ້ເຕັກໂນໂລຊີ ເຂົ້າໃນການພັດທະນາເສດຖະກິດ-ສັງຄົມ ໃຫ້ມີປະສິດທິຜົນ.

ພິທີຖະແຫລງຂ່າວໄດ້ຈັດຂຶ້ນໃນວັນທີ 5 ກັນຍານີ້ທີ່ກະຊວງວິທະຍາສາດ ​ແລະ ​ເຕັກ​​ໂນ​ໂລ​ຊີ, ໂດຍການເປັນປະທານຂອງທ່ານ ບໍ່ວຽງຄໍາ ວົງດາລາ  ລັດຖະມົນຕີກະຊວງດັ່ງກ່າວ, ມີບັນດາບໍລິສັດ, ຜູ້ປະກອບການ ແລະ ສື່ມວນຊົນເຂົ້າຮ່ວມເປັນຈໍານວນຫລາຍ.

- 1 1 - ງານ​ຕະຫລາດນັດ​ເຕັກ​ໂນ​ໂລ​ຊີລາວ 2018 ຈະ​ຈັດ​ຂຶ້ນ​ໃນ​ກາງເດືອນຕຸລານີ້
- lattana 1 - ງານ​ຕະຫລາດນັດ​ເຕັກ​ໂນ​ໂລ​ຊີລາວ 2018 ຈະ​ຈັດ​ຂຶ້ນ​ໃນ​ກາງເດືອນຕຸລານີ້

ທ່ານ ບໍ່ວຽງຄຳ ວົງດາລາ ​​ກ່າວ​ວ່າ: ງານ​ວາງສະ​ແດງ​ຄັ້ງນີ້, ຈະ​ມີ​ຫລາກ​ຫລາຍ​ກິດຈະກຳ​ທີ່​ປິ່ນ​ອ້ອມ ເປັນ​ຕົ້ນ​ ກອງປະຊຸມສຳ​ມະ​ນາສຳ ລັບ​ຜູ້​ປະກອບ​ກິດຈະການ​ໃໝ່, ປະ​ກວດ​ສິ່ງ​ປະດິດ​ສ້າງ​ຈາກ​ສິ່ງ​ເສດ​ເຫລືອ​, ງານ​ຄອນ​ເສີດ, ​ຖາມ-ຕອບຊີງ​ລາງວັນ ​ແລະ ກິດຈະກຳ​ອື່ນໆ ຊຶ່ງຈະ​ເປັນ​ການ​ແລກ​ປ່ຽນ​ການ​ຮ່ວມ​ມື ​ທາງ​ດ້ານ​ການ​ຄົ້ນຄວ້າ ​ແລະ ການ​ຮ່ວມ​ມື​ລົງທຶນ​ ທາງ​ດ້ານ​ວິທະຍາສາດ ​ແລະ ​ເຕັກ​ໂນ​ໂລຊີ ​ລະຫວ່າງ​ ພາກ​ລັດ, ​ເອກະ​ຊົນ, ສະ​ຖາ​ບັນ, ມະຫາວິທະຍາ​ໄລ, ພາກ​ທຸ​ລະ​ກິດ ​ແລະ ຜູ້​ປະກອບ​ການທັງ​ພາຍ​ໃນ ​ແລະ ຕ່າງປະ​ເທດ, ​ແນ​ໃສ່​ເຮັດ​ໃຫ້​ວຽກ​ງານ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ເປັນ​ກຳລັງ​ຂັບ​ເຄື່ອນ​ທີ່​ເຂັ້ມ​ແຂງ ​ໃຫ້​ແກ່​ການ​ພັດທະນາ​ເສດ​ຖະກິດ​-ສັງຄົມ ​ແລະ ຫັນ​ປະ​ເທດ​ໃຫ້​ເປັນ​ອຸດສາຫະກຳ ​ແລະ ທັນ​ສະ​ໄໝ. ​ໃນ​ໂອກາດ​ດຽວກັນ, ບໍລິສັດ ທີ່​ປຶກສາ ​ແລະ ກໍ່ສ້າງ​ເຂື່ອນ​ໄຟຟ້າ ຈຳກັດ​ ຜູ້​ດຽວ ​ໄດ້​ມອບ​ເງິນ​ອຸປະຖຳ​ ງານ​ວາງສະ​ແດງ​ດັ່ງກ່າວ​, ເປັນ​ມູນ​ຄ່າ 76 ລ້ານ​ກວ່າ​ກີບຕື່ມອີກ.

error: Content is protected !!