ຜູ້​ປະສົບ​ໄພ​ນ້ຳຖ້ວມ​ຢູ່​ເມືອງ​ສະໜາມ​ໄຊຈະ​ໄດ້​ຮັບ​ເງິນ​ແຮ່ 1 ​ແສນ​ກີບ​ຕໍ່​ຄົນ​ຕໍ່​ເດືອນ

- Untitled design - ຜູ້​ປະສົບ​ໄພ​ນ້ຳຖ້ວມ​ຢູ່​ເມືອງ​ສະໜາມ​ໄຊຈະ​ໄດ້​ຮັບ​ເງິນ​ແຮ່ 1 ​ແສນ​ກີບ​ຕໍ່​ຄົນ​ຕໍ່​ເດືອນ

​ໃນ​ວັນ​ທີ 5 ກັນຍາ​ນີ້, ທ່ານ​ເຈົ້າ​ແຂວງ​ອັດ​ຕະປື ​ໄດ້​ອອກ​ຂໍ້​ຕົກລົງ​ວ່າ​ດ້ວຍ​ການ​ອະນຸມັດ​ຈ່າຍ​ເງິນ​ແຮ່​ຖົງ​ໃຫ້​ປະຊາຊົນ​ຜູ້​ປະສົບ​ໄພ​ນ້ຳຖ້ວມ​ຢູ່​ເມືອງ​ສະໜາມ​ໄຊ ​ແຂວງ​ອັດ​ຕະປື ຈຳນວນ 6 ບ້ານ, ມີ 7 ພັນ​ກວ່າ​ຄົນ ​ເຊິ່ງ​ເຫັນ​ດີ​ຕົກລົງ​ຈ່າຍ​ເງິນ​ແຮ່​ໃຫ້​​ຜູ້​ລະ 1 ​ແສນ​ກີບ​ຕໍ່​ເດືອນ ​ໂດຍ​ມອບ​ໃຫ້​ອະນຸ​ກຳມະການ​ເສດຖະກິດ​ປະສານ​ສົມທົບ​ກັບ​ເມືອງ​ສະໜາມ​ໄຊ ​ແລະ ຄະນະ​ຄຸ້ມ​ຄອງ​ສູນ ​ເພື່ອ​ຈັດຕັ້ງປະຕິບັດ​ການ​ເບີກ​ຈ່າຍ​ໃຫ້​ຖືກຕ້ອງ​ຕາມ​ລະບຽບ​ການ, ພ້ອມ​ທັງ​ມອບ​ໃຫ້​ຄະນະ​ສຶກສາ​ອົບຮົມ​ສືບ​ຕໍ່​ອະທິບາຍ ​ແລະ ສ້າງ​ຄວາມ​ເຂົ້າ​ໃຈ​ໃຫ້​ປະຊາຊົນ ກໍ​ຄື​ຜູ້​ປະສົບ​ໄພ​ຮັບ​ຊາບ​ຕໍ່​ການ​ແຈກ​ຢາຍ​ເງິນ​ດັ່ງກ່າວ, ສ່ວນ​ງົບປະມານ​ແມ່ນ​ນຳ​ໃຊ້​ເງິນ​ທີ່​ສັງຄົມ​ບໍລິຈາກ ​ແລະ ຊ່ວຍ​ເຫລືອ​ໃນ​ຜ່ານ​ມາ ​ແລະ ການ​ແຈກ​ຢາຍ​ເງິນ​ດັ່ງກ່າວ​ແມ່ນ​ຈະ​ປະຕິບັດ​ທຸກໆ​ເດືອນ​ຈົນ​ກວ່າ​ຈະ​ມີ​ຄຳ​ສັ່ງ​ປ່ຽນ​ແປງ​ຈາກ​ສູນ​ກາງ.

ສຳລັບ​ການ​ຟື້ນຟູ​ຊ່ວຍ​ເຫລືອ​ປະຊາຊົນ​ທີ່​ໄດ້​ຮັບ​ຜົນ​ກະທົບ​ ມາ​ຮອດ​ປັດຈຸບັນ​ເຫັນ​ວ່າ​ມີ​ຄວາມ​ຄືບ​ໜ້າ​ເປັນ​ລຳດັບ ​ໂດຍ​ສະ​ເພາະ​ການ​ຕິດຕັ້ງ​ເຕັ້ນ​ໃຫ້​ຜູ້​ປະສົບ​ໄພ​ສຳ​ເລັດ​ແລ້ວ​ກວ່າ 850 ຫລັງ, ອອກ​ບັດ​ໃຫ້​ຜູ້​ປະສົບ​ໄພ​ສຳ​ເລັດ 4.360 ກວ່າ​ຄົນ, ​ເອົາ​ໃຈ​ໃສ່​ກວດ​ສຸຂະພາບ​ຂອງ​ຜູ້​ປະສົບ​ໄພ ​ໂດຍ​ສະ​ເພາະ​ແມ່ຍິງ ​ແລະ ​ເດັກນ້ອຍ. ສ່ວນ​ການ​ບໍລິຈາກ​ຊ່ວຍ​ເຫລືອ​ຈາກ​ສັງຄົມ​ຢູ່​ແຂວງ​ໄດ້​ຫລາຍ​ກວ່າ 110 ຕື້ກີບ, ​ໃນ​ນັ້ນ ​ເງິນສົດ 40 ກວ່າ​ຕື້ກີບ ​ແລະ ​​ວັດຖຸຕົກ​ເປັນ ມູນຄ່າ 69 ຕື້ກວ່າ​ກີບ.

- Wave100S AD to Website 2020 0 - ຜູ້​ປະສົບ​ໄພ​ນ້ຳຖ້ວມ​ຢູ່​ເມືອງ​ສະໜາມ​ໄຊຈະ​ໄດ້​ຮັບ​ເງິນ​ແຮ່ 1 ​ແສນ​ກີບ​ຕໍ່​ຄົນ​ຕໍ່​ເດືອນ
- WhatsApp Image 2020 05 27 at 5 - ຜູ້​ປະສົບ​ໄພ​ນ້ຳຖ້ວມ​ຢູ່​ເມືອງ​ສະໜາມ​ໄຊຈະ​ໄດ້​ຮັບ​ເງິນ​ແຮ່ 1 ​ແສນ​ກີບ​ຕໍ່​ຄົນ​ຕໍ່​ເດືອນ
- WhatsApp Image 2020 05 27 at 5 - ຜູ້​ປະສົບ​ໄພ​ນ້ຳຖ້ວມ​ຢູ່​ເມືອງ​ສະໜາມ​ໄຊຈະ​ໄດ້​ຮັບ​ເງິນ​ແຮ່ 1 ​ແສນ​ກີບ​ຕໍ່​ຄົນ​ຕໍ່​ເດືອນ
error: Alert: ເນື້ອຫາຂ່າວມີລິຂະສິດ !!