ຊາວຝຣັ່ງທົ່ວໂລກໄປປ່ອນບັດລົງຄະແນນເລືອກຕັ້ງ

- 1494128995790 960x0 - ຊາວຝຣັ່ງທົ່ວໂລກໄປປ່ອນບັດລົງຄະແນນເລືອກຕັ້ງ
- Untitled design - ຊາວຝຣັ່ງທົ່ວໂລກໄປປ່ອນບັດລົງຄະແນນເລືອກຕັ້ງ

- 1494128995790 960x0 300x169 - ຊາວຝຣັ່ງທົ່ວໂລກໄປປ່ອນບັດລົງຄະແນນເລືອກຕັ້ງ     7 ພຶດສະພາ: ຊາວ​ຝຣັ່ງທີ່​ອາ​ໄສ​ຢູ່​ອົດ​ສະຕຣາລີ​ພາກັນ​ໄປ​ປ່ອນ​ບັດ​ລົງ​ຄະ​ແນນ​ເລືອກ​ຕັ້ງປະທານາທິບ​ດີ​ຮອບ​ຊີ້​ຂາດ ​ເພື່ອ​ຫາ​ຜູ້​ຊະນະ​ລະຫວ່າງ​ທ່ານ ​ເອມມາ​ນູ​ເອລ ມາກຣົງ ນັກ​ການ​ເມືອງ​ອິດ​ສະລະ​ສາຍ​ກາງ ​ເຊິ່ງ​ເປັນ​ຕົວ​ເກັງ​ ກັບ​ທ່ານ​ນາງ ມາຣີນ ​ເລີ ​ເປ​ນ ຜູ້​ສະໝັກ​ຂວາ​ຈັດ ຕົວ​ແທນ​ພັກ​ແນວ​ແຫ່ງ​ຊາດ, ສ່ວນ​ສະຖານທູດ​ຝຣັ່ງຢູ່​ນະຄອນຫລວງ​ໂຕ​ກຽວ​ຂອງ​ຍີ່ປຸ່ນ​ກໍ​ມີ​ຊາວ​ຝຣັ່ງ​ໄປ​ລຽນ​ແຖວ ​ເພື່ອ​ລົງ​ຄະ​ແນນ​ຢ່າງ​ໜາ​ແໜ້​ນ​ເຊັ່ນ​ກັນ. ​ເຊັ່ນ​ດຽວ​ກັບ​ຢູ່​ເມືອງ​ມອນ​ທຣີອໍ​ຂອງ​ກາ​ນາ​ດາ ຜູ້​ມີ​ສິດ​ລົງ​ຄະ​ແນນ​ມາ​ປ່ອນ​ບັດ​ເລືອກ​ຕັ້ງຄັ້ງປະຫວັດສາດ​ກັນ​ຢ່າ​ງຄຶກຄັກ. ​ເຊັ່ນ​ດຽວ​ກັບ​ຫລາຍ​ປະ​ເທດ​ທົ່ວ​ໂລກ​ທີ່​ຊາວ​ຝຣັ່ງອອກ​ໄປ​ປ່ອນ​ບັດ​ລົງ​ຄະ​ແນນ​ກັນ​ແລ້ວ ກ່ອນ​ການ​ເລືອກ​ຕັ້ງ​ໃນ​ປະ​ເທດ​ຝຣັ່ງຈະ​ເລີ່​ມ​ເປີດ​ຫີບ​ລົງ​ຄະ​ແນນ​ໃນ​ເວລາ 13:00 ​ໂມງ​ວັນ​ທີ 7 ພຶດສະພາ​ນີ້ ​ຕາມ​ເວລາ​ຢູ່​ລາວ.

ສູນ​ວິ​ໄຈ​ໂອ​ພີ​ນຽນ​ລາຍ​ງານ​ຄາດ​ວ່າ: ຜູ້​ມີ​ສິດ​ເລືອກ​ຕັ້ງປະທານາທິບໍດີ​ຝຣັ່ງຈະ​ລົງ​ຄະ​ແນນ​ໃຫ້​ທ່ານ ມາກຣົງ ອາຍຸ 39 ປີ ​ແລະ ອະດີດ​ລັດຖະມົນຕີ​ເສດຖະກິດ ​ເຊິ່ງມີ​ນະ​ໂຍບາຍ​ປະສານ​ຄວາມ​ຂັດ​ແຍ່ງ​ລະຫວ່າງ​ຝ່າຍ​ຊ້າຍ​ກັບ​ຝ່າຍ​ຂວາ ​ແລະ ສະໜັບສະໜູນ​ການ​ເປັນ​ສະມາຊິກ​ໃນ EU ຕໍ່​ໄປ. ຜົນສຳ​ຫລວດຝຣັ່ງພົບ​ວ່າ: ທ່ານ ມາກຣົງ ມີ​ຄະ​ແນນ​ນຳ​ທ່ານ​ນາງ ​ເລີ ​ເປ​ນ 23-26 ຈຸດ ຈາກ​ຜົນສຳ​ຫລວດ​​ໃນ​ຫລາຍ​ສຳນັກ. ຜົນສຳ​ຫລວດ​ຝຣັ່ງຄາດຄະ​ເນ​ໄດ້​ຢ່າງ​ແນ່ນອນ​ຈາກ​ຜົນ​ການ​ເລືອກ​ຕັ້ງປະທານາທິບໍດີ​ຮອບ​ທຳ​ອິດ​ໃນ​ເດືອນ​ຜ່ານ​ມາ. ຕະຫລາດ​ເງິນ​ຕະຫລາດ​ທຶນ​ຕ່າງ​ປັບ​ຂຶ້ນຕອບ​ຮັບ​ຂ່າວ​ທ່ານ ມາກຣົງ ມີ​ຄະ​ແນນ​ນິຍົມ​ເໜືອ​ຄູ່​ແຂ່ງ​ຫລັງ​ການ​ໂຕ້​ວາທີ​ວິ​ໄສ​ທັດ​ຖ່າຍ​ທອດ​ສົດ​ທາງ​ໂທລະສັບ​ໃນ​ວັນ​ທີ 3 ພຶດສະພາ.

- Wave100S AD to Website 2020 0 - ຊາວຝຣັ່ງທົ່ວໂລກໄປປ່ອນບັດລົງຄະແນນເລືອກຕັ້ງ
- WhatsApp Image 2020 05 27 at 5 - ຊາວຝຣັ່ງທົ່ວໂລກໄປປ່ອນບັດລົງຄະແນນເລືອກຕັ້ງ
- WhatsApp Image 2020 05 27 at 5 - ຊາວຝຣັ່ງທົ່ວໂລກໄປປ່ອນບັດລົງຄະແນນເລືອກຕັ້ງ
error: Alert: ເນື້ອຫາຂ່າວມີລິຂະສິດ !!