ແລ່ນ-ລານລາວ ຍັງເຮັດບໍ່ໄດ້ຕາມເປົ້າ ໃນເອຊຽນເກມຄັ້ງທີ 18

- 40924667 323466241757153 8633835342518026240 n - ແລ່ນ-ລານລາວ ຍັງເຮັດບໍ່ໄດ້ຕາມເປົ້າ ໃນເອຊຽນເກມຄັ້ງທີ 18
- Untitled design - ແລ່ນ-ລານລາວ ຍັງເຮັດບໍ່ໄດ້ຕາມເປົ້າ ໃນເອຊຽນເກມຄັ້ງທີ 18

ສະຫະພັນ​ແລ່ນ-​ລານ​ແຫ່ງ​ຊາດ​ລາວ ​​ໄດ້​ສົ່ງ​ນັກ​ກິລາ​ທີ​ມຊາດ​ເຂົ້າ​ຮ່ວມ​ງານ​ມະຫາກໍາ​ເອຊຽນ​ເກ​ມຄັ້ງ​ທີ 18 ທີ່​ປະ​ເທດ​ອິນ​ໂດ​ເນ​ເຊຍ ທີ່​ຈັດ​ຂຶ້ນ​ທ້າຍ​ເດືອນ​ສິງຫາ​ຜ່ານ​ມາ ​ແຕ່​ຍັງ​ສ້າງ​ຜົນງານ​ບໍ່​ໄດ້​ຕາມ​ເປົ້າ​ໝາຍ​ທີ່​ຕັ້ງ​ເອົາ​ໄວ້.

ທ່ານ ສິດທິ​ໄຊ ສັກ​ປະ​ເສີດ ​ເລ​ຂາ​ສະຫະພັນ​ແລ່ນ-​ລານ​ແຫ່ງ​ຊາດ​ລາວ ທັງ​ເປັນ​ຄະນະ​ນໍາພາ​ນັກ​ກິລາ​ແລ່ນ-​ລານ​ເຂົ້າ​ຮ່ວມ​ງານ​ມະຫາກໍາ​ເອຊຽນ​ເກ​ມຄັ້ງ​ທີ 18 ​ໃຫ້​ສໍາພາດ​ວ່າ: ການ​ແຂ່ງຂັນ​ມະຫາກໍາ​ເອຊຽນ​ເກ​ມຄັ້ງ​ທີ 18 ທີ່ປະ​ເທດ​ອິນ​ໂດ​ເນ​ເຊຍ ທີ່​ຈັດ​ຂຶ້ນ​ລະຫວ່າ​ງວັນ​ທີ 10 ສິຫາ -1 ກັນຍາ 2018 ຜ່ານ​ມາ​ນີ້ ພວກ​ເຮົາ​ໄດ້​ສົ່ງ​ນັກ​ກິລາ​ເຂົ້າ​ຮ່ວມ​ທັງ​ໝົດ 4 ຄົນຄື: ນາງ​ ສີລີນາ ພະ​ອາ​ໄພ ​ແລະ ທ້າວ ອັກສອນສາດ ລາດ​ຊະ​ວົງ ​ເຂົ້າ​ຮ່ວມ 2 ລາຍການ​ແລ່ນ 100 ​ແມັດ ​ແລະ 200 ແມັດ,  ສ່ວນ​ທ້າວ ອານຸສອນ ​ໄຊ​ສາ ​​ເຂົ້າ​ຮ່ວມລາຍການດຽວ ​ແລ່ນ 110 ແມັດຂ້າມຮ້າວ,  ຂະນະ​ທີ່​ນາງ ລົດແກ້ວ ອິນທະ​ກຸມມານ ​ເຂົ້າ​ຮ່ວມ 2 ລາຍການ ​ແລ່ນ 800 ​ແລະ 1.500 ແມັດ. ການ​​ແຂ່ງຂັນ​ຄັ້ງນີ້ພວກ​ເຮົາ​ຕັ້ງ​ຄວາ​ມຫວັງ​ໃນ 4 ລາຍການ​ຂອງທ້າວ ອານຸສອນ ​ໄຊ​ສາ ​ແລະ ນາງ​ ລົດ​ແກ້ວ ອິນທະ​ກຸມມານ ​ແຕ່​ຜ່ານ​ການ​ແຂ່ງຂັນ ທັງ 4 ລາຍການ​ແມ່ນ​ບໍ່​ສາມາດ​ຍາດ​ໄດ້​ຫລຽນ ​ແຕ່​ນາງ ​ລົດ​ແກ້ວ ອິນທະ​ກຸມມານ ​ໄດ້​ຜ່ານ​ເຂົ້າ​ຮອບ​ພຽງ​ແຕ່ 20 ຄົນ ​ແລະ ຈົບ​ຢູ່​ອັນ​ດັບ​ທີ 13 ​ເທົ່າ​ນັ້ນ ​ໃນ​ລາຍການ​ແລ່​ນ 1.500 ​ແມັດ. ສໍາລັບ​ນາງ ສີ​ລີ​ນາ ພະ​ອາ​​ໄພ ກໍ​ສາມາດ​ທໍາລາຍ​ສະຖິຕິ​ຂອງ​ຕົນ​ເອງ​ໃນ​ການ​ແລ່ນ​ປີ​ນີ້. ​ແນວ​ໃດ​ກໍ​ຕາມ, ​​ເຖິງ​ວ່າການ​ແຂ່ງຂັນ ນັກ​ກິລາ​ຂອງ​ຕົນ​ເອງ​ບໍ່​ສາມາດ​ເຮັດ​ໄດ້​ຕາມ​ທີ່​ຕັ້ງ​ເປົ້າ​ໝາຍ​ໄວ້​ແລ້ວ​ກໍ​ຕາມ ​ແຕ່​ກໍ​ເຮັດ​ສຸດ​ຄວາມ​ສາມາດ​ແລ້ວ.

- Wave100S AD to Website 2020 0 - ແລ່ນ-ລານລາວ ຍັງເຮັດບໍ່ໄດ້ຕາມເປົ້າ ໃນເອຊຽນເກມຄັ້ງທີ 18

ການ​ແຂ່ງຂັນ​ງານ​ມະຫາກໍາ​ເອຊຽນ​ເກ​ມຄັ້ງ​ທີ 18 ທີ່​ປະ​ເທດ​ອິນ​ໂດ​ເນ​ເຊຍ ທີ​ມຊາດ​ລາວ​ຍາດ​ໄດ້ 2 ຫລຽນ​ເງິນ, 3 ຫລຽນ​ທອງ ​ໄດ້​ຈາກ​ປະ​ເພດ​ກິລາກະຕໍ້ ​ແລະ ປັນ​ຈັກ​ສີ​ລັດ ຈັດ​ຢູ່​ອັນ​ດັບ​ທີ 31 ຂອງ​ຕາຕະລາງ​ຫລຽນ.

- WhatsApp Image 2020 05 27 at 5 - ແລ່ນ-ລານລາວ ຍັງເຮັດບໍ່ໄດ້ຕາມເປົ້າ ໃນເອຊຽນເກມຄັ້ງທີ 18
- WhatsApp Image 2020 05 27 at 5 - ແລ່ນ-ລານລາວ ຍັງເຮັດບໍ່ໄດ້ຕາມເປົ້າ ໃນເອຊຽນເກມຄັ້ງທີ 18
error: Alert: ເນື້ອຫາຂ່າວມີລິຂະສິດ !!