ທີມຊາດລາວເດີນທາງເກັບຕົວທີ່ປະເທດສະເປນ

- advert banner 728 90 728x90 - ທີມຊາດລາວເດີນທາງເກັບຕົວທີ່ປະເທດສະເປນ

​ໃນ​ວັນ​ທີ 6 ກັນຍານີ້ ທີ່​ສະໜາມ​ບິນ​ວັດ​ໄຕ, ນັກ​ກິລາ​ບານ​ເຕະ​ທີ​ມຊາດ​ລາວ ​ໄດ້​ເດີນທາງ​ໄປ​ຝຶກ​ຊ້ອມ ​ແລ​ະ ​ເກັບ​ຕົວ ຢູ່​ປະ​ເທດສະ​ເປ​ນ ​ເຊິ່ງນໍາ​ໂດຍທ່ານ ຄຳແພງ ວົງຂັນຕີ ຮອງ​ປະທານ​ສະຫະພັນ​ບານ​ເຕະ​ແຫ່ງ​ຊາດລາວ, ພ້ອມ​ດ້ວຍ​ຄະນະ​ຄູ​ຝຶກ ​ເພື່ອ​ກຽມ​ຄວາມ​ພ້ອມ​ເຂົ້າ​ຮ່ວມການ​ແຂ່ງຂັນ Bangabandhu Gold Cup 2018 ທີ່ປະເທດບັງກະລາເທດ ລະຫວ່າງຕົ້ນ​ເດືອນຕຸລາ ນີ້  ​ແລະ  ການ​ແຂ່ງຂັນ ຊູ​ຊຸ​ກິ ຄັບ 2018.

ການ​ເດີນທາງ​​ໄປ​ເກັບ​ຕົວ​ຝຶກ​ຊ້ອມ​ທີ່​ປະ​ເທດສະ​ເປ​ນຄັ້ງ​ນີ້ ນັກ​ກິລາທີ​ມຊາດ​ຈະ​ໄດ້​ລົງ​ສະໜາມ​ອຸ່ນ​ເຄື່ອງ​ກັບ​ທີ​ມຊາດ UAE ​ໃນ​ວັນ​ທີ 11 ກັນຍາ​ນີ້ ​ແລະ ຫລັງຈາກນັ້ນ ຈະໄດ້ເດີນທາງເຂົ້າຮ່ວມລາຍການແຂ່ງຂັນ Bangabandhu Gold Cup 2018 ທີ່ປະເທດບັງກະລາເທດ ລະຫວ່າງວັນທີ 1-12 ຕຸລາ 2018 ເຊິ່ງມີ 6 ປະເທດ ແບ່ງອອກເປັນ 2 ກຸ່ມຄື: ກຸ່ມ ເອ: ເນປານ, ປາແລສຕິນ ແລະ ທາຈິກິດສະຖານ; ກຸ່ມ ບີ: ບັງກະລາເທດ, ລາວ, ຟີລິບປິນ.

- 1 1 - ທີມຊາດລາວເດີນທາງເກັບຕົວທີ່ປະເທດສະເປນ
- lattana 1 - ທີມຊາດລາວເດີນທາງເກັບຕົວທີ່ປະເທດສະເປນ

ສຳລັບຕາຕະລາງການແຂ່ງຂັນ ທີມຊາດລາວ ໃນລາຍການແຂ່ງຂັນ Suzuki Cup 2018 ຢູ່ຮ່ວມກຸ່ມ ເອ ປະກອບມີ: ຫວຽດນາມ, ມາເລເຊຍ, ມຽນມາ, ກຳປູເຈຍ ແລະ ລາວ  ​ແລະ ຈະ​ໄດ້​ລົງ​ສະໜາມ 4 ຄັ້ງ​ຄື: ວັນທີ 8 ພະຈິກ 2018 ນີ້ ພົບ ທີມຊາດຫວຽດນາມ ແຂ່ງຂັນຢູ່ສະໜາມກິລາແຫ່ງຊາດຫລັກ 16, ວັນທີ 12 ພະຈິກ ນີ້​ພົບ​ທີມຊາດມາເລເຊຍ ແຂ່ງຂັນຢູ່ສະໜາມ Bukit Jalil National Stadium, ວັນທີ 16 ພະຈິກ ພົບ ທີມຊາດມຽນມາ ແຂ່ງຂັນຢູ່ສະໜາມກິລາແຫ່ງຊາດຫລັກ 16, ວັນທີ 20 ພະຈິກ ພົບ ທີມຊາດກຳປູເຈຍ ແຂ່ງຂັນຢູ່ສະໜາມ National Olympic Stadium, Phnom Penh.

error: Content is protected !!