ອຸຕຸ​ເຕືອນ​ !!! ທຸກ​ພາກ​ກຽມ​ຮັບ​ມືນ້ຳຖ້ວມຫລັງ​ລະດັບ​ນ້ຳສາຍ​ຕ່າງໆ​ຂຶ້ນ​ເກີນ​ເຂດ​ອັນຕະລາຍ​ແລ້ວ

- 40929063 1809985175752601 3849547340222300160 o - ອຸຕຸ​ເຕືອນ​ !!! ທຸກ​ພາກ​ກຽມ​ຮັບ​ມືນ້ຳຖ້ວມຫລັງ​ລະດັບ​ນ້ຳສາຍ​ຕ່າງໆ​ຂຶ້ນ​ເກີນ​ເຂດ​ອັນຕະລາຍ​ແລ້ວ
- Untitled design - ອຸຕຸ​ເຕືອນ​ !!! ທຸກ​ພາກ​ກຽມ​ຮັບ​ມືນ້ຳຖ້ວມຫລັງ​ລະດັບ​ນ້ຳສາຍ​ຕ່າງໆ​ຂຶ້ນ​ເກີນ​ເຂດ​ອັນຕະລາຍ​ແລ້ວ

ກົມ​ອຸ​ຕຸນິຍົມ ​ແລະ ອຸ​ທົກ​ກະສາ​ດ ​ໄດ້​ອອກ​ແຈ້ງ​ເຕືອນ​ປະຊາຊົນ​ທີ່ຢູ່​ລຽບ​ຕາມ​ສາຍ​ນ້ຳຕ່າງໆ​ໃນ​ທົ່ວ​ປະ​ເທດ ​ໃຫ້​ມີ​ສະຕິ​ກຽມພ້ອມ​ຮັບ​ມືນ້ຳຖ້ວມ​ຕະຫລອດ​ເວລາ, ພາຍຫລັງ​ເຫັນ​ວ່າ​ລະດັບ​ນ້ຳຂອງ, ​ແມ່ນ້ຳສາຂາ ​ແລະ ຫ້ວຍ​ຕ່າງໆ​ໃນ​ທົ່ວ​ປະ​ເທດ​ແມ່ນ​ມີ​ປະລິມານ​ສູງ​ຂຶ້ນກາຍ​ເຂດ​ອັນຕະລາຍ​ແລ້ວ ​ແລະ ຍັງ​ຈະ​ສືບ​ຕໍ່​ສູງ​ຂຶ້ນອີກ ​ເນື່ອງ​ຈາກ​ຄວາມ​ກົດ​ດັນ​ອາກາດ​ຕໍ່າ​ຍັງ​ສືບ​ຕໍ່​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ປະ​ເທດ. ປັດຈຸບັນ​ລະດັບ​ແມ່ນ້ຳຂອງ​ຢູ່​ເຂດ​ນະຄອນຫລວງ​ວຽງ​ຈັນ, ນະຄອນ​ໄກສອນ ພົມວິຫານ ຢູ່​ໃນ​ລະດັບ​ໃກ້​ຮອດ​ເຂດ​ລະວັງ​ໄພ, ​ແມ່ນ້ຳງື່ມ​ເຂດ​ບ້ານ​ເວີນ​ຄຳ​ສືບ​ຕໍ່​ສູງ​ຂຶ້ນກາຍ​ເຂດ​ອັນຕະລາຍ, ສະ​ເພາະ​ນ້ຳຂອງ​ຢູ່​ເຂດ​ປາກ​ຊັນ​ແມ່ນ​ຂຶ້ນຮອດ​ເຂດ​ອັນຕະລາຍ, ສ່ວນ​ຢູ່​ທ່າ​ແຂກ ​ແລະ ນະຄອນ​ປາກ​ເຊ​ກໍ​ຂຶ້ນສູ​ງກາຍ​ເຂດ​ລະວັງ​ໄພ​ແລ້ວ. ສຳລັບ​ແມ່ນ້ຳສາຂາ​ເຂດ​ຂົວ​ເຊບັ້ງ​ໄຟ​ແມ່ນ​ສືບ​ຕໍ່​ສູງ​ຂຶ້ນກາຍ​ເຂດ​ອັນຕະລາຍ. ດັ່ງນັ້ນ ຈຶ່ງ​ແຈ້ງ​ເຕືອນ​ເຖິງ​ປະຊາ​ຊົນບັນດາ​ເຜົ່າ, ອຳນາດ​ການ​ປົກຄອງ ​ແລະ ອົງການ​ຈັດຕັ້ງທຸກ​ພາກສ່ວນ​ທີ່​ອາ​ໄສ​ຢູ່​ລຽບ​ຕາມ​ແມ່ນ້ຳຂອງ ​ແລະ ​ແມ່ນ້ຳສາຂາ, ​ເຂດ​ກ້ອງ​ເຂື່ອນ​ນ້ຳງື່ມ, ​ເມືອງ​ບໍລິ​ຄັນ, ປາກ​ຊັນ, ລ່ອງ​ເຊບັ້ງ​ໄຟ, ທ່າ​ແຂກ, ນະຄອນ​ໄກສອນ ພົມວິຫານ ​ແລະ ນະຄອນ​ປາກ​ເຊ ຈົ່ງ​ຕິດຕາມ​ລະດັບ​ນ້ຳຢ່າງ​ໃກ້ຊິດ ​ແລະ ​ເກັບ​ມ້ຽນ, ​ເຄື່ອນ​ຍ້າຍ​ວັດຖຸ​ສິ່ງ​ຂອງ ພ້ອມ​ທັງ​ສັດລ້ຽງ​ໄປ​ໄວ້​ບ່ອນ​ທີ່​ສູງ ​ແລະ ປອດ​ໄພ. ຂໍ​ໃຫ້​ຕິດຕາມ​ຂ່າວ​ພະຍາກອນ​ອາກາດ ​ແລະ ລະດັບ​ນ້ຳຈາກ​ກົມ​ອຸຕຸນິຍົມ ​ແລະ ອຸ​ທົກ​ກະສາ​ດຢ່າງ​ເປັນ​ປະຈຳ.

- Wave100S AD to Website 2020 0 - ອຸຕຸ​ເຕືອນ​ !!! ທຸກ​ພາກ​ກຽມ​ຮັບ​ມືນ້ຳຖ້ວມຫລັງ​ລະດັບ​ນ້ຳສາຍ​ຕ່າງໆ​ຂຶ້ນ​ເກີນ​ເຂດ​ອັນຕະລາຍ​ແລ້ວ
- WhatsApp Image 2020 05 27 at 5 - ອຸຕຸ​ເຕືອນ​ !!! ທຸກ​ພາກ​ກຽມ​ຮັບ​ມືນ້ຳຖ້ວມຫລັງ​ລະດັບ​ນ້ຳສາຍ​ຕ່າງໆ​ຂຶ້ນ​ເກີນ​ເຂດ​ອັນຕະລາຍ​ແລ້ວ
- WhatsApp Image 2020 05 27 at 5 - ອຸຕຸ​ເຕືອນ​ !!! ທຸກ​ພາກ​ກຽມ​ຮັບ​ມືນ້ຳຖ້ວມຫລັງ​ລະດັບ​ນ້ຳສາຍ​ຕ່າງໆ​ຂຶ້ນ​ເກີນ​ເຂດ​ອັນຕະລາຍ​ແລ້ວ
error: Alert: ເນື້ອຫາຂ່າວມີລິຂະສິດ !!