ນາຍົກລັດຖະມົນຕີ ທອງ​ລຸນ ສີ​ສຸ​ລິດ ລົງ​ຕິດຕາມສະພາບ​ນ້ຳຖ້ວມ​ຢູ່​ແຂວງ​ວຽງ​ຈັນ

- PM Thongloun visit southern - ນາຍົກລັດຖະມົນຕີ ທອງ​ລຸນ ສີ​ສຸ​ລິດ ລົງ​ຕິດຕາມສະພາບ​ນ້ຳຖ້ວມ​ຢູ່​ແຂວງ​ວຽງ​ຈັນ
- Untitled design - ນາຍົກລັດຖະມົນຕີ ທອງ​ລຸນ ສີ​ສຸ​ລິດ ລົງ​ຕິດຕາມສະພາບ​ນ້ຳຖ້ວມ​ຢູ່​ແຂວງ​ວຽງ​ຈັນ

​ໃນ​ວັນ​ທີ 6 ກັນຍາ​ນີ້, ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ພ້ອມ​ຄະນະ ​ໄດ້​ລົງ​ຕິດຕາມ​ເບິ່ງ​ສະພາບ​ນ້ຳຖ້ວມ​ຢູ່​ເມືອງ​ທຸລະຄົມ ​ແຂວງ​ວຽງ​ຈັນ ​ໂດຍ​ມີ​ຄະນະ​ນຳ​ແຂວງ-​ເມືອງ​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ.

​ໃນ​ໂອກາດ​ນີ້, ທ່ານ​ເຈົ້າ​ແຂວງ​ວຽງ​ຈັນ ວິ​ດົງ ​ໄຊ​ຍະ​ສອນ ​ໄດ້​ລາຍ​ງານ​ວ່າ: ພາຍຫລັງ​ເກີດ​ຝົນຕົກ​ຕິດ​ຕໍ່​ຫລາຍ​ວັນ ​ເຮັດ​ໃຫ້​ລະດັບ​ໃນ​ອ່າງ​ນ້ຳງື່ມສູງ​ຂຶ້ນຢ່າງ​ໄວວາ ​ແລະ ​ໄດ້​ມີ​ການ​ປ່ອຍ​ນ້ຳຈາກ​ເຂື່ອນ​ດັ່ງກ່າວ​ມາ​ແຕ່​ກາງ​ເດືອນ​ສິງຫາ​ເປັນຕົ້ນມາ ​ເຮັດ​ໃຫ້​ນ້ຳງື່ມມີ​ປະລິມານ​ສູງ​ຂຶ້ນກາຍ​ເຂດ​ອັນຕະລາຍ​ແລ້ວ​ໄຫລ​ເຂົ້າຖ້ວມ 16 ບ້ານ​ທີ່ຢູ່​ກ້ອງ​ເຂື່ອນ​ຄື: ບ້ານ​ຫາດ​ສວນ, ຕານ​ປ່ຽວ, ສຸກສາລາ, ບ້ານ​ຈຸ້ມ, ບ້ານ​​ແຈ້ງ, ຫາດ​ສ້ຽວ, ​ໂພນ​ແພງ, ລິ່ງຊັນ, ບຸ່ງ​ພ້າວ, ຫາດ​ໄຊ, ນາ​ຄອງ, ຖິນຄຳ, ​ໂພນ​ແຮ່, ​ເກີນ​ໃຕ້, ​ເກີນ​ກາງ ​ແລະ ​ເກີນ​ເໜືອ, ມີ 1.430 ຄອບຄົວ​ໄດ້​ຮັບ​ຜົນ​ກະທົບ ​ແລະ ມີ​ໂຮງຮຽນ 12 ​ແຫ່ງ​ແມ່ນ​ໄດ້​ປິດ​ການ​ຮຽນ-ການ​ສອນ​ຊົ່ວຄາວ ​ເນື່ອງ​ຈາກ​ຖືກ​ນ້ຳຖ້ວມ, ​ເນື້ອທີ່​ການ​ຜະລິດ​ກວ່າ 2.800 ​ເຮັກຕາ, ສັດລ້ຽງ​ປ​ະ​ເພດ​ຄວາຍ 9.000 ​ໂຕ, ງົວ 29.700 ກວ່າ​ໂຕ, ໝູ 14.950 ກວ່າ​ໂຕ, ​ແບ້+​ແກະ 5.200 ກວ່າ​ໂຕ, ສັດ​ປີກ 552 ພັນ​ກວ່າ​ໂຕ ​ແມ່ນ​ຂາດ​ອາຫານ ​ແລະ ມີ​ຈຳນວນ​ໜຶ່ງ​ແມ່ນ​ໄດ້​ຕາຍ​ແລ້ວ. ນອກ​ນີ້ ໜອງ​ປາ 125 ​ເຮັກຕາ​ເສຍ​ຫາຍ. ຕໍ່​ສະພາບ​ດັ່ງກ່າວ ອຳນາດ​ການ​ປົກຄອງ​ແຂວງ, ​ເມືອງ ​ໄດ້​ສົມທົບ​ກັບ​ຂະ​ແໜງ​ກ່ຽວຂ້ອງ ​ແລະ ກຳລັງ​ທະຫານ-ຕຳຫລວດ, ຊາວ​ໜຸ່ມ​ໄດ້​ນຳ​ອຸ​ປະກອນ​ກູ້​ໄພ​ລົງ​ຊ່ວຍ​ເຫລືອ​ປະຊາຊົນ​ຜູ້​ໄດ້​ຮັບ​ຜົນ​ກະທົບ, ພ້ອມ​ທັງ​ຍົກຍ້າຍ​ວັດຖຸ​ສິ່ງ​ຂອງ​ທີ່​ມີຄ່າ ​ແລະ ສັດລ້ຽງ​ມາ​ໄວ້​ບ່ອນ​ປອດ​ໄພ ​ແລະ ​ໄດ້​ນຳ​ເອົາ​ເຄື່ອງ​ຊ່ວຍ​ເຫລືອ​ອຸປະ​ໂພ​ກ-ບໍລິ​ໂພ​ກຈຳນວນ​ໜຶ່ງ​ໄປ​ແຈກ​ຢາຍ​ໃຫ້​ຜູ້​ປະສົບ​ໄພ, ພ້ອມ​ທັງ​ໄດ້​ລະດົມ​ກຳລັງ​ຊາວ​ໜຸ່ມ​ຈາກ​ພາກສ່ວນ​ຕ່າງໆ​ມາ​ຮ່າຍ​ດິນຊາຍ​ໃສ່​ເປົາ ​ເພື່ອ​ໄປ​ວາງ​ເປັນ​ກຳ​ແພງ​ປ້ອງ​ກັນນ້ຳ​ໃນ​ຈຸດ​ທີ່​ຕໍ່າ ​ເພື່ອ​ປ້ອງ​ກັນ​ບໍ່​ໃຫ້​ນ້ຳ​ໄຫລ​ຖ້ວມ​ຂຶ້ນສູງ ​ແລະ ມາ​ຮອດ​ປັດຈຸບັນ ການ​ສັນຈອນດ້ວຍ​ລົດ​ໄປ​ຫາ​ບັນດາ​ບ້ານ​ທີ່​ຖືກ​ນ້ຳຖ້ວມ​ແມ່ນ​ຖືກ​ຕັດຂາດ.

​ໃນ​ໂອກາດ​ນີ້, ທ່າ​ນນາຍົກລັດຖະມົນຕີ ​ໄດ້​ເນັ້ນ​ໃຫ້​ອຳນາດ​ການ​ປົກຄອງ​ແຂວງ-​ເມືອງ ​ແລະ ໜ່ວຍ​ງານ​ກ່ຽວຂ້ອງ​ເອົາ​ໃຈ​ໃສ່​ຕິດຕາມ ​ແລະ ​ເຝົ້າລະວັງ​ລະດັບ​ນ້ຳຢ່າງ​ໃກ້ຊິດ, ພ້ອມ​ທັງ​ເອົາ​ໃຈ​ໃສ່​ປົກ​ປັກ​ຮັກສາ​ສິ່ງ​ຂອງ​ປະຊາຊົນ​ທີ່​ຍົກຍ້າຍ​ມາ​ຢູ່​ບ່ອນ​ປອດ​ໄພ​ນັ້ນ ​ເພື່ອ​ບໍ່​ໃຫ້​ຕົກ​ເຮ່ຍ​ເສຍ​ຫາຍ. ຈາກ​ນັ້ນ ທ່ານ​ນາຍົກລັດຖະມົນຕີ ​ໄດ້​ຂຶ້ນ​ເຮືອ​ໄປ​ຢ້ຽມຢາມ​ປະຊາຊົນ​ທີ່​ໄດ້​ຮັບ​ຜົນ​ກະທົບ​ນ້ຳຖ້ວມ​ຢູ່​ບ້ານ​ຫາດ​ສວນ, ຫາດ​ສ້ຽວ, ລິ່ງຊັນ, ຫາດ​ໄຊ ​ແລະ ​ໄປ​ເຂື່ອນ​ນ້ຳງື່ມ ​ເພື່ອ​ຕິດຕາມ​ເບິ່ງ​ການ​ລະບາຍ​ນ້ຳຂອງ​ເຂື່ອນ​ດັ່ງກ່າວ.

- Wave100S AD to Website 2020 0 - ນາຍົກລັດຖະມົນຕີ ທອງ​ລຸນ ສີ​ສຸ​ລິດ ລົງ​ຕິດຕາມສະພາບ​ນ້ຳຖ້ວມ​ຢູ່​ແຂວງ​ວຽງ​ຈັນ
- WhatsApp Image 2020 05 27 at 5 - ນາຍົກລັດຖະມົນຕີ ທອງ​ລຸນ ສີ​ສຸ​ລິດ ລົງ​ຕິດຕາມສະພາບ​ນ້ຳຖ້ວມ​ຢູ່​ແຂວງ​ວຽງ​ຈັນ
- WhatsApp Image 2020 05 27 at 5 - ນາຍົກລັດຖະມົນຕີ ທອງ​ລຸນ ສີ​ສຸ​ລິດ ລົງ​ຕິດຕາມສະພາບ​ນ້ຳຖ້ວມ​ຢູ່​ແຂວງ​ວຽງ​ຈັນ
error: Alert: ເນື້ອຫາຂ່າວມີລິຂະສິດ !!