ຮອງປະທານປະເທດລົງຢ້ຽມຢາມສູນຜູ້ປະສົບໄພຢູ່ເມືອງສະໜາມໄຊ

- Phankham - ຮອງປະທານປະເທດລົງຢ້ຽມຢາມສູນຜູ້ປະສົບໄພຢູ່ເມືອງສະໜາມໄຊ
- Untitled design - ຮອງປະທານປະເທດລົງຢ້ຽມຢາມສູນຜູ້ປະສົບໄພຢູ່ເມືອງສະໜາມໄຊ

ໃນວັນທີ 5 ກັນຍານີ້, ທ່ານ ພັນຄໍາ ວິພາວັນ ຮອງປະທານປະເທດ ພ້ອມຄະນະ, ໄດ້ລົງໄປຢ້ຽມຢາມສູນຜູ້ປະສົບໄພນໍ້າຖ້ວມຢູ່ເມືອງສະໜາມໄຊ ແຂວງອັດຕະປື, ໂດຍໄດ້ຮັບການຕ້ອນຮັບຈາກອໍານາດການປົກຄອງແຂວງ, ເມືອງ, ພ້ອມຄະນະກໍາມະການຟື້ນຟູແກ້ໄຂຜົນກະທົບຈາກໄພພິບັດນໍ້າຖ້ວມດ້ຍຄວາມອົບອຸ່ນ.

ໃນໂອກາດນີ້, ທ່ານຮອງປະທານປະເທດ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ອໍານາດການປົກຄອງ ທີ່ໄດ້ຈັດສັນພື້ນທີ່ໃຫ້ຜູ້ປະສົບໄພສໍາເລັດຈໍານວນໜຶ່ງ ແລະ ໄດ້ຍົກຍ້າຍປະຊາຊົນໄປຢູ່, ພ້ອມທັງໄດ້ເນັ້ນໃຫ້ຄະນະຮັບຜິດຊອບ ກໍຄືອໍານາດການປົກຄອງແຂວງໃຫ້ຮີບຮ້ອນສືບຕໍ່ຈັດສັນບ່ອນຢູ່ທີ່ພັກອາໃສໃຫ້ປະຊາຊົນທີ່ໄດ້ຮັບຜົນກະທົບໃຫ້ສໍາເລັດໂດຍໄວ ແລະ ໃຫ້ການຊ່ວຍເຫລືອທີ່ພັກປະຊາຊົນໃຫ້ທົ່ວເຖິງ ເປັນຕົ້ນ: ການສ້າງທີ່ພັກອາໃສຊົ່ວຄາວໃຫ້ສໍາເລັດໄວ, ພ້ອມນັ້ນທ່ານຍັງໄດ້ຊີ້ນໍາຄວນໃຫ້ຜູ້ປະສົບໄພໄດ້ມີສ່ວນຮ່ວມໃນການຈັດສັນພື້ນທີ່ພັກອາໃສໃຫ້ມີຄວາມພໍອົກພໍໃຈ ແລະ ເໝາະສົມ. ໃນການຈັດສັນກໍໃຫ້ມີການກໍານົດແຜນຜັງໃຫ້ລະອຽດແຕ່ຕົ້ນໄປເລີຍ ເຊັ່ນ: ກໍານົດເຂດສາທາລະນະ, ຫົນທາງ, ຕະຫລາດ, ສູກສາລາ, ຫ້ອງການບ້ານ, ປ່າຊ້າ ແລະ ອື່ນໆ. ພ້ອມນັ້ນກໍໃຫ້ມີການປັບປຸງລະບົບການຈັດຕັ້ງຂອງບ້ານ ໂດຍໃຫ້ຈັດສັນພະນັກງານເຂົ້າໄປລົງຊີ້ນໍາ-ນໍາພາໃນການຈັດຕັ້ງປະຕິບັດວຽກງານດັ່ງກ່າວໂດຍໄວ.

ຈາກນັ້ນ, ທ່ານຮອງປະທານປະເທດ ໄດ້ໄປຢ້ຽມຢາມສູນພັກຂອງຜູ້ປະ ສົບໄພຢູ່ບ້ານຫາດຍາວ ທີ່ຫາກໍຍົກຍ້າຍປະຊາຊົນເຂົ້າມາຢູ່ໃໝ່, ໄປຢ້ຽມຢາມສູນກອງບັນຊາການກອບກູ້ໄພພິບັດຂອງກອງທັບປະຊາຊົນລາວ ແລະ ສູນພັກຜູ້ປະສົບໄພດົງບາກ, ຊຶ່ງໄດ້ມີການບຸກເບີກ ແລະ ລົງມືກໍ່ສ້າງຄືບໜ້າແລ້ວ 20% ໂດຍມີເນື້ອທີ່ 4,8 ເຮັກຕາ, ມີ 50 ຫລັງ 300 ກວ່າຫ້ອງ. ພ້ອມນີ້ຍັງໄດ້ໄປຢ້ຽມຢາມສູນຜູ້ປະສົບໄພແຫ່ງອື່ນໆຕື່ມອີກ.

- Wave100S AD to Website 2020 0 - ຮອງປະທານປະເທດລົງຢ້ຽມຢາມສູນຜູ້ປະສົບໄພຢູ່ເມືອງສະໜາມໄຊ
- WhatsApp Image 2020 05 27 at 5 - ຮອງປະທານປະເທດລົງຢ້ຽມຢາມສູນຜູ້ປະສົບໄພຢູ່ເມືອງສະໜາມໄຊ
- WhatsApp Image 2020 05 27 at 5 - ຮອງປະທານປະເທດລົງຢ້ຽມຢາມສູນຜູ້ປະສົບໄພຢູ່ເມືອງສະໜາມໄຊ
error: Alert: ເນື້ອຫາຂ່າວມີລິຂະສິດ !!