ແຂ່ງຂັນກ໋ອບລາວຄັບ ແຊມປ້ຽນຊິບ 2018 ຈະຈັດຂຶ້ນທ້າຍເດືອນຕຸລານີ້

- advert banner 728 90 728x90 - ແຂ່ງຂັນກ໋ອບລາວຄັບ ແຊມປ້ຽນຊິບ 2018 ຈະຈັດຂຶ້ນທ້າຍເດືອນຕຸລານີ້

ໃນວັນທີ 7 ກັນຍາຜ່ານມາ ທີ່ສະໜາມກິລາກ໋ອບຄັນທຣີຄຣັບ ນະຄອນຫລວງວຽງຈັນ ໄດ້ມີພິທີຖະແຖງຂ່າວ ກຽມຈັດການແຂ່ງຂັນກ໋ອບລາວ ຄຣັບ ແຊ້ມປຽນຊິບ 2018 ຈະຈັດຂຶ້ນໃນທ້າຍເດືອນຕຸລານີ້ ໂດຍມີທ່ານ ບົວລານ ສີລິປັນຍາ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ສູນທອນ ສີຣິສັກ ປະທານສະຫະພັນກິລາກ໋ອບ ແຫ່ງຊາດລາວ ພ້ອມດ້ວຍພາກສ່ວນທີ່ກ່ຽວຂ້ອງ ແລະ ນັກກິລາເຂົ້າຮ່ວມ.

ທ່ານ ພົງໄຊຊະນະ ໄຊຍະເສນາ ຜູ້ປະຈໍາການກອງເລຂາສະຫະພັນກິລາກ໋ອບແຫ່ງຊາດລາວ ກ່າວວ່າ: ເພື່ອປະຕິບັດຕາມແຜນການເຄື່ອນໄຫວ ປະຈໍາປີ 2017-2018 ຂອງສະຫະພັນພວກເຮົາ ເຊິ່ງແຕ່ລະປີຕ້ອງມີການຈັດແຂ່ງຂັນ ໂດຍຫມູນວຽນແຂ່ງຂັນແຕ່ລະປີ ຢູ່ຕາມສະໜາມກ໋ອບຕ່າງໆທົ່ວປະເທດ, ພ້ອມທັງຊຸກຍູ້ການແຂ່ງຂັນກ໋ອບ ປະກອບສ່ວນຊຸກຍູ້ການເຄື່ອນໄຫວທຸລະກິດຂອງບັນດາສະກ໋ອບ. ສໍາລັບການແຂ່ງຂັນຄັ້ງນີ້ ໄດ້ຮັບການສະໜັບສະໜູນຈາກບໍລິສັດ ໂຄລາວ ກຣຸບ ແລະ ສະຫະພັນກິລາກ໋ອບແຫ່ງຊາດລາວ ຈຶ່ງຈັດການແຂ່ງຂັນຂຶ້ນຢູ່ສະໜາມກິລາກ໋ອບຄັນທຣີ. ຖ້າທ່ານໃດສົນໃຈແມ່ນສາມາດລົງທະບຽນແຕ່ມື້ນີ້ຈົນເຖິງວັນທີ 15 ຕຸລາ ແລະ ຈະປະກາດຕາຕະລາງຈັດກຸ່ມໃນວັນທີ 17 ຕຸລາ. ຂະນະທີ່ການແຂ່ງຂັນຈະເລີ່ມຂຶ້ນໃນວັນທີ 20-21 ຕຸລາ.

- Tiger Head 728x90 - ແຂ່ງຂັນກ໋ອບລາວຄັບ ແຊມປ້ຽນຊິບ 2018 ຈະຈັດຂຶ້ນທ້າຍເດືອນຕຸລານີ້
- 1 1 - ແຂ່ງຂັນກ໋ອບລາວຄັບ ແຊມປ້ຽນຊິບ 2018 ຈະຈັດຂຶ້ນທ້າຍເດືອນຕຸລານີ້
error: Content is protected !!