ກະຕໍ້ລາວ ກຽມເຂົ້າຮ່ວມຊີງ ແຊ້ມໂລກຄັ້ງທີ 33 ທີ່ປະເທດໄທ

- 41074520 1049711195206140 301797851422261248 n - ກະຕໍ້ລາວ ກຽມເຂົ້າຮ່ວມຊີງ ແຊ້ມໂລກຄັ້ງທີ 33 ທີ່ປະເທດໄທ
- Untitled design - ກະຕໍ້ລາວ ກຽມເຂົ້າຮ່ວມຊີງ ແຊ້ມໂລກຄັ້ງທີ 33 ທີ່ປະເທດໄທ

ສະຫະພັນກິລາກະຕໍ້ແຫ່ງຊາດລາວ ກຽມສົ່ງນັກກິລາກະຕໍ້ທີມຊາດລາວ ເຂົ້າຮ່ວມການແຂ່ງຂັນຊີງແຊ້ມໂລກ ຄັ້ງທີ 33 ທີ່ປະເທດໄທ ຈະຈັດຂຶ້ນທ້າຍເດືອນນີ້.

ທ່ານ ອານຸສອນ ເຄນຕິສັກ ຮອງປະທານສະຫະພັນກິລາກະຕໍ້ແຫ່ງຊາດລາວ ໄດ້ໃຫ້ສໍາພາດທ້າຍອາທິດຜ່ານມາວ່າ: ພາຍຫລັງສໍາເລັດການແຂ່ງຂັນໃນງານມະຫາກໍາເອຊຽນເກມຄັ້ງທີ 18 ທີ່ປະເທດອິນໂດເນເຊຍ ຈັດຂຶ້ນທ້າຍເດືອນສິງຫາຜ່ານມານີ້ ເຊິ່ງນັກກິລາກະຕໍ້ທີມຊາດຂອງພວກເຮົາສາມາດຍາດໄດ້ 1 ຫລຽນເງິນ ແລະ 1 ຫລຽນທອງ ສິ່ງດັ່ງກ່າວໄດ້ສະແດງໃຫ້ເຫັນວ່າ ພວກເຮົາຕ້ອງມີການເຄື່ອນໄຫວ ແລະ ຝຶກຊ້ອມຕະຫລອດເວລາ. ດັ່ງນັ້ນ ທາງຄະນະສະຫະພັນຂອງພວກເຮົາຈຶ່ງໄດ້ປຶກສາຫາລືກັນ ເພື່ອກຽມຄວາມພ້ອມຂອງນັກກິລາເຂົ້າຮ່ວມການແຂ່ງຂັນກະຕໍ້ຊີງແຊ້ມໂລກຄັ້ງທີ 33 ທີ່ປະເທດໄທ ເຊິ່ງຈະຈັດຂຶ້ນລະຫວ່າງວັນທີ 23-30 ກັນຍານີ້ ໂດຍຈະສົ່ງເຂົ້າຮ່ວມທັງໝົດຍິງ 4 ລາຍການ ແລະ ຊາຍ 4 ລາຍການຄື: ກະຕໍ້ລອດຮວງ, ທີມຊຸດ, ທີມ 4 ຄົນ ແລະ ທີມຄູ່.

ທ່ານຮອງປະທານ ຍັງເວົ້າອີກວ່າ: ປັດຈຸບັນ ພວກເຮົາໄດ້ຝຶກຊ້ອມນັກກິລາຢູ່ສູນກິລາໃນຮົ່ມ ແລັມໂອເປເຊຍ ເຂດດົງໂດກ ເມືອງໄຊທານີ ນະຄອນຫລວງວຽງຈັນ ເວລາ 14:30-18:00 ໂມງທຸກໆມື້ ເພື່ອກຽມຄວາມພ້ອມສ້າງຜົນງານໂດດເດັ່ນໃນເວທີພາກພື້ນ ແລະ ສາກົນອີກຄັ້ງ.

- Wave100S AD to Website 2020 0 - ກະຕໍ້ລາວ ກຽມເຂົ້າຮ່ວມຊີງ ແຊ້ມໂລກຄັ້ງທີ 33 ທີ່ປະເທດໄທ
- WhatsApp Image 2020 05 27 at 5 - ກະຕໍ້ລາວ ກຽມເຂົ້າຮ່ວມຊີງ ແຊ້ມໂລກຄັ້ງທີ 33 ທີ່ປະເທດໄທ
- WhatsApp Image 2020 05 27 at 5 - ກະຕໍ້ລາວ ກຽມເຂົ້າຮ່ວມຊີງ ແຊ້ມໂລກຄັ້ງທີ 33 ທີ່ປະເທດໄທ
error: Alert: ເນື້ອຫາຂ່າວມີລິຂະສິດ !!