ເຢຍລະມັນສືບຕໍ່ໃຫ້ການຊ່ວຍເຫລືອວຽກງານບໍລິຈາກເລືອດ 950,000 ເອີໂຣ

- german continue - ເຢຍລະມັນສືບຕໍ່ໃຫ້ການຊ່ວຍເຫລືອວຽກງານບໍລິຈາກເລືອດ 950,000 ເອີໂຣ
- Untitled design - ເຢຍລະມັນສືບຕໍ່ໃຫ້ການຊ່ວຍເຫລືອວຽກງານບໍລິຈາກເລືອດ 950,000 ເອີໂຣ

ພິທີລົງນາມບົດບັນທຶກຄວາມເຂົ້າໃຈ ໃນໂຄງການ ສ້າງຄວາມເຂັ້ມແຂງໃຫ້ແກ່ລະບົບວຽກງານບໍລິຈາກເລືອດ ຢູ່ບັນດາແຂວງເປົ້າໝາຍທີ່ສຳຄັນຂອງການພັດທະນາວຽກງານເລືອດໃນລາວ ລວມມີມູນຄ່າມູນຄ່າ 950.000 ເອີໂຣ, ໄດ້ຈັດຂຶ້ນໃນວັນທີ 7 ກັນຍານີ້, ທີ່ນະຄອນຫຼວງວຽງຈັນ ລະຫວ່າງ ທ່ານ ທອງພະຈັນ ສອນນະສິນ ຮອງປະທານອົງການກາແດງລາວ ແລະ ທ່ານ ທິມເບຼ ຜູ້ຕາງໜ້າກາແດງເຢຍລະມັນ ປະຈໍາລາວ, ໂດຍການເຂົ້າຮ່ວມຂອງ ທ່ານ ຄໍາຮຸ່ງ ເຮືອງວົງສີ ປະທານອົງການກາແດງລາວ ແລະ ທ່ານ ໄມໂຄ ຣີເລີ ອຸປະທູດເຢຍລະມັນ ປະຈຳລາວ.

ໂຄງການປັບປຸງວຽກງານບໍລິຈາກເລືອດອົງການກາແດງລາວໄດ້ຮັບຫານຊ່ວຍເຫຼືອຈາກສະພາກາແດງເຢຍລະມັນ ມາແຕ່ປີ 2011 ແລະ ສ່ວນໄລຍະທີ 3 ນີ້ແມ່ນຈະເລີ່ມຈັດຕັ້ງແຕ່ປີ 2018-2020 ຢູ່ 5 ແຂວງຄື: ບໍລິຄໍາໄຊ, ຈໍາປາສັກ, ຫົວພັນ, ຄໍາມ່ວນ ແລະ ສະຫວັນນະເຂດ ແລະ ຈະໄດ້ຂະຫຍາຍໄປອີກສອງແຂວງຄື: ຜົ້ງສາລີ ແລະ ໄຊສົມບູນ ໂດຍຈະໄດ້ສ້າງສູນບໍລິຈາກເລືອດໃຫ້ສອງແຂວງດັ່ງກ່າວ. ເພື່ອແນ່ໃສ່ປັບປຸງວຽກງານເລືອດຂອງລາວກໍຄືການໃຫ້ມີເລືອດພຽງພໍ, ປອດໄພ ແລະ ມີຄຸນນະພາບ ດີຂຶ້ນ. ແນໃສ່ສ້າງພື້ນຖານໃຫ້ວຽກງານເລືອດຂອງລາວມີຄວາມເຂັ້ມແຂງ ແລະ ຍືນຍົງ ແລະ ພັດທະນາຄວາມສາມາດຂອງພະນັກງານກາແດງທີ່ເຮັດວຽກກ່ຽວກັບວຽກງານເລືອດໃນຂອບເຂດທົ່ວປະເທດ ເພື່ອໃຫ້ມີເລືອດສະຫນອງໃຫ້ໂຮງຫມໍຕ່າງໆ ທົ່ວປະເທດໄດ້ພຽງພໍ ໂດຍສະເພາະຢູ່ເຂດຊົນນະບົດຈະສາມາດປະກອບສ່ວນອັນໃຫຍ່ຫລວງຕໍ່ການຫລຸດຜ່ອນອັດຕາການຕາຍຂອງແມ່, ຂອງເດັກ ແລະ ເດັກແດງ ແລະ ສ້າງຄວາມເຂັ້ມແຂງໃຫ້ແກ່ລະບົບວຽກງານການບໍລິການເລືອດໃນເຂດເປົ້າໝາຍຂອງລາວ. ພ້ອມເລັ່ງໃສ່ປຸກລະດົມການບໍລິຈາກເລືອດ ແລະ ການສ້າງຕັ້ງຫນ່ວຍເກັບຮັກສາເລືອດຢູ່ຂັ້ນເມືອງ, ສະໜອງອຸປະກອນການແພດ, ຂໍ້ມູນຂ່າວສານແລະ  ການຂົນສົ່ງ, ທັງສ້າງຄວາມສາມາດໃຫ້ພະນັກງານດ້ານເຕັກນິກ ວິຊາການ, ການປະຕິບັດການ ແລະ ການຄຸ້ມຄອງບໍລິຫານວຽກງານເລືອດມີປະສິດທິຜົນດີຂຶ້ນ.

ໃນໂອກາດນີ້, ລັດຖະບານລາວຍັງໄດ້ມອບຫຼຽນກາິດຕະພາບໃຫ້ທ່ານ ທິມເບຼ ທີ່ມີຜົນງານດີເດັ່ນໃນການປະກອນສ່ວນຊ່ວຍເຫຼືອອົງການກາແດງລາວນັບມື້ີມີຄວາມແຂງແຮງ.

- Wave100S AD to Website 2020 0 - ເຢຍລະມັນສືບຕໍ່ໃຫ້ການຊ່ວຍເຫລືອວຽກງານບໍລິຈາກເລືອດ 950,000 ເອີໂຣ
- WhatsApp Image 2020 05 27 at 5 - ເຢຍລະມັນສືບຕໍ່ໃຫ້ການຊ່ວຍເຫລືອວຽກງານບໍລິຈາກເລືອດ 950,000 ເອີໂຣ
- WhatsApp Image 2020 05 27 at 5 - ເຢຍລະມັນສືບຕໍ່ໃຫ້ການຊ່ວຍເຫລືອວຽກງານບໍລິຈາກເລືອດ 950,000 ເອີໂຣ
error: Alert: ເນື້ອຫາຂ່າວມີລິຂະສິດ !!