ເອດີ​ບີ ສະໜອງ​ທຶນຫລາຍກວ່າ 40 ລ້ານ​ໂດ​ລາ​ສົ່ງ​ເສີມ​ທຸລະ​ກິດກະສິກຳ​ແບບ​ຍືນ​ຍົງ

- ADB signing Aids - ເອດີ​ບີ ສະໜອງ​ທຶນຫລາຍກວ່າ 40 ລ້ານ​ໂດ​ລາ​ສົ່ງ​ເສີມ​ທຸລະ​ກິດກະສິກຳ​ແບບ​ຍືນ​ຍົງ
- Untitled design - ເອດີ​ບີ ສະໜອງ​ທຶນຫລາຍກວ່າ 40 ລ້ານ​ໂດ​ລາ​ສົ່ງ​ເສີມ​ທຸລະ​ກິດກະສິກຳ​ແບບ​ຍືນ​ຍົງ

ທະນາຄານ​ພັດທະນາ​ອາຊີ​ (​ເອດີ​ບີ) ໄດ້ຕົກລົງສະໜອງທຶນ ​40,5 ລ້ານ​ໂດ​ລາ​ສະຫະລັດໃຫ້ລາວເຮົາ ເພື່ອນໍາໃຊ້ເຂົ້າໃນ​ໂຄງການ​ສົ່ງ​ເສີມ​ລະບົບ​ຕ່ອງ​ໂສ້​ການ​ຜະລິດ​ກະສິກຳເປັນ​ສິນຄ້າທີ່​ເປັນ​ມິດ​ກັບ​ສິ່ງ​ແວດ​ລ້ອມ, ຊຶ່ງພິທີລົງນາມຮັບ​ທຶນ​ຊ່ວຍ​ເຫລືອລ້າດັ່ງກ່າວໄດ້ມີຂຶ້ນໃນວັນທີ 6 ກັນຍານີ້ລະຫວ່າງ ທ່ານນາງ ທິບ​ພະ​ກອນ ຈັນທະ​ວົງສາ ຮອງ​ລັດຖະມົນຕີກະຊວງ​ການ​ເງິນ ​ແລະ ທ່ານ ຢາ​ຊູ​ຊິ ​ເນ​ກິ​ຊິ ຜູ້ຕາງໜ້າທະນາຄານ​ພັດທະນາ​ອາຊີ​ປະຈຳລາວ.

​ໂຄງ​ການ​ດັ່ງ​ກ່າວຈະ​ຊ່ວຍ​ຊາວ​ກະສິກອນ ​ແລະ ​ຜູ້​ປະ​ກອບການ​ທຸລະ​ກິດ​ກະສິກຳ​ໃນ​ການ​ປັບປຸງ​ລະບົບ​ຕ່ອງ​ໂສ້ການ​ຜະລິດທີ່​ເປັນມິດ​ກັບ​ສະພາບ​ແວດ​ລ້ອມ ​ແລະ ຍືນ​ຍົງ ​ແມ່ນ​ຄວາມ​ພະຍາຍາມ​ຮ່ວມ​ກັນ​ລະຫວ່າງ​ລັດຖະບານ​ລາວ ​ແລະ ​ເອດີ​ບີ ​ເພື່ອ​ຫັນ​ການ​ຜະລິດ​ກະສິກຳ​ໃຫ້​ເປັນ​ສິນຄ້າ, ມີ​ຄວາມ​ຍືນ​ຍົງ ​ແລະ ແທດເໝາະກັບ​ສະພາບ​ແວດ​ລ້ອມ ແລະ ​ຈະ​ຊ່ວຍ​ສ້າງສະມັດ​ຕະພາບ​ຂອງ​ການ​ຜະລິດ​ພືດ​ສິນຄ້າ, ສ້າງ​ຜະລິດ​ຕະພັນ​ກະສິກຳ​ໃຫ້​ມີ​ຄວາມຫລາກຫລາຍ, ພ້ອມທັງເປັນ​ການ​ສົ່ງ​ເສີມ​ການ​ນຳ​ໃຊ້​ຝຸ່ນ​ຊີວະ​ພາບ ​ແລະ ການ​ເຮັດ​ກະສິກຳ​ອິນ​ຊີ, ການສະໜອງ​ແນວ​ພັນ​ພືດ​ສິນຄ້າ​ທີ່​ທົນ​ຕໍ່ສະພາບ​ນ້ຳຖ້ວມ ​ແລະ ​ແຫ້ງ​ແລ້ງ. ພ້ອມນັ້ນກໍ​ຈະ​ສະໜັບສະໜູນການ​ສ້າງ​ນະ​ໂຍບາຍ​ສົ່ງ​ເສີມ​ການ​ລົງທຶນ​ຂອງ​ພາກ​ເອກະ​ຊົນເຂົ້າ​ໃນ​ຂະ​ແໜງກະສິກຳ​, ໂດຍ​ຜ່ານ​ຮູບ​ແບບ​ການ​ລົງທຶນ​ຮ່ວມລະຫວ່າງ​ພາກ​ລັດ ​ແລະ ພາກ​ເອກະ​ຊົນ ​ແລະ ການ​ສ້າງຕັ້ງກຸ່ມ​ການ​ລົງທຶນ​ຮ່ວມ​ເພື່ອ​ຜະລິດ​ກະ​ສິກຳ​ເປັນ​ສິນຄ້າ.

- Wave100S AD to Website 2020 0 - ເອດີ​ບີ ສະໜອງ​ທຶນຫລາຍກວ່າ 40 ລ້ານ​ໂດ​ລາ​ສົ່ງ​ເສີມ​ທຸລະ​ກິດກະສິກຳ​ແບບ​ຍືນ​ຍົງ

ທ່ານ ​ເນ​ກິ​ຊິ ໃຫ້ຮູ້ວ່າ: ຕາມການຄາດ​ຄະ​ເນແລ້ວຢ່າງໜ້ອຍຈະມີປະມານ​ ປະຊາຊົນ​ 1 ​ແສ​ນຄົນ ຫລື 20 ພັນ​ຄອບຄົວໃນ​ລາວຈະ​ໄດ້ຮັບ​ຜົນ​ປະ​ໂຫຍ​ດຈາກ​ໂຄງການ​ດັ່ງກ່າວ, ​ເຊິ່ງຈະ​ຊ່ວຍ​ໃຫ້​ເຂົາ​ເຈົ້າມີ​ລາຍ​ຮັບ​ເພີ່ມ​ຂຶ້ນຢ່າງໜ້ອຍ 30% ​ແລະ ​ທັງ​ສົ່ງ​ເສີມການ​ເຊື່ອມ​ໂຍງໃນ​ອານຸພາກພື້ນ​ແມ່​ນ້ຳຂອງ ແລະ ສະໜັບສະໜູນບັນດາ​ຂໍ້​ຕົກລົງ​ຕ່າງໆກັບ​​ການ​ຄ້າ​ແນວ​ພັນ​ອານຸພາກພື້ນ​ແມ່ນ້ຳຂອງ.

- WhatsApp Image 2020 05 27 at 5 - ເອດີ​ບີ ສະໜອງ​ທຶນຫລາຍກວ່າ 40 ລ້ານ​ໂດ​ລາ​ສົ່ງ​ເສີມ​ທຸລະ​ກິດກະສິກຳ​ແບບ​ຍືນ​ຍົງ
- WhatsApp Image 2020 05 27 at 5 - ເອດີ​ບີ ສະໜອງ​ທຶນຫລາຍກວ່າ 40 ລ້ານ​ໂດ​ລາ​ສົ່ງ​ເສີມ​ທຸລະ​ກິດກະສິກຳ​ແບບ​ຍືນ​ຍົງ
error: Alert: ເນື້ອຫາຂ່າວມີລິຂະສິດ !!