ສປປ ເກົາຫລີ ມຸ້ງພັດທະນາເສດຖະກິດ ແທນອາວຸດນິວເຄຼຍ

- advert banner 728 90 728x90 - ສປປ ເກົາຫລີ ມຸ້ງພັດທະນາເສດຖະກິດ ແທນອາວຸດນິວເຄຼຍ

ສປປ ​ເກົາຫລີ ຫັນ​​ໄປ​ເນັ້ນນະ​ໂຍບາຍ​ສ້າງ​ເສດຖະກິດ​​​ໃຫ້​ແຂງ​ແກ່ນ ​ແທນ​ການ​ພັດທະນາ​ອາວຸດ​ນິວ​ເຄຼຍ ​ໃນ​ການສະ​ເຫລີ​ມສະຫລອງ​ການ​ສ້າງຕັ້ງປະ​ເທດ​ຄົບຮອບ 70 ປີ.

- new3 - ສປປ ເກົາຫລີ ມຸ້ງພັດທະນາເສດຖະກິດ ແທນອາວຸດນິວເຄຼຍ

ນອກຈາກ​ຂະ​ບວນ​ແຫ່​ກ້ອນ​ກຳລັງ​ຂອງ​ກອງທັບ​ເພື່ອ​ສະຫລອງ 70 ປີການ​ສ້າງຕັ້ງປະ​ເທດ​​ແລ້ວ, ສປປ ​ເກົາຫລີ ຍັງ​ຈັດການ​ສະ​ແດງ​ກາ​ຍະ​ກຳ​ໝູ່ຄັ້ງ​ໃຫຍ່​ນຳ​ອີກ ​ໂດຍ​ທັງ​ການ​ເດີນ​ສວນສະໜາມ ​ແລະ ການສະ​ແດງ​ກາ​ຍະ​ກຳ​ຕ່າງໆ​ມຸ້ງ​ເນັ້ນນະ​ໂຍບາຍ​ໃໝ່​ຂອງ​ທ່ານ ກິມ ຈອງ​ອຸນ ຜູ້ນຳ ສປປ ​ເກົາຫລີ ທີ່​ໃຫ້​ຄວາມ​ສຳຄັນ​ຕໍ່​ການ​ພັດທະນາ​ເສດຖະກິດ​ຂອງ​ປະ​ເທດ​ແທນ​ການ​ພັດທະນາ​ອາວຸດ​ນິວ​ເຄຼຍຄື​ທີ່​ເຄີຍ​ເປັນ​ມາ ​ແລະ ​ເຖິງ​ວ່າຂະ​ບວນ​ແຫ່​ກ້ອນ​ກຳລັງ​ຂອງ​ກອງທັບ ສປປ ​ເກົາຫລີ ຈະ​ມີ​ການ​ນຳ​ເອົາ​ລົດ​ຕັງ​ຮຸ່ນ​ໃໝ່​ມາສະ​ແດງ​, ​ແຕ່ບໍ່​ມີ​ການສະ​ແດງລູກ​ສອນ​ໄຟ​ໄລຍະ​ໄກ ທີ່​ມີ​ອຳນາດ​ທຳລາຍ​ໄດ້​ໄກ​ເຖິງ​ອາ​ເມ​ລິ​ກາ. ນອກຈາກ​ນີ້ ການສະ​ແດງ​ກາ​ຍະ​ກຳ​ໝູ່ຄັ້ງ​ໃຫຍ່​ທີ່​ໃຊ້​ນັກສະ​ແດງ​ຫລາຍ​ພັນ​ຄົນ ຍັງ​ເປັນ​ການສະ​ແດງ​ເທື່ອ​ທຳ​ອິດ ຫລັງ​ງົດ​ການສະ​ແດງ​ໃນ​ວັນ​ຄົບຮອບ​ການ​ສ້າງຕັ້ງປະ​ເທດ​ໄປ​ເຖິງ 5 ປີ, ອີກ​ທັງ​ຍັງ​ມີ​ການ​ໃຊ້​ຄົນ​ອີກ​ເກືອບ 20.000 ຄົນ ​ເພື່ອ​ແປ​ຕົວ​ອັກສອນ​ນຳ​ອີກ.

- lattana 1 - ສປປ ເກົາຫລີ ມຸ້ງພັດທະນາເສດຖະກິດ ແທນອາວຸດນິວເຄຼຍ

ສ່ວນ​ປະທານາທິບ​ໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ໄດ້​ສະ​ແດງ​ຄວາມ​ຂອບ​ໃຈ​ທ່ານ ກິມ ຈອງ​ອຸນ ຜູ້ນຳ ສປປ ​ເກົາຫລີ ທີ່​ບໍ່​ນຳ​ເອົາ​ລູກ​ສອນ​ໄຟ​ໄລຍະ​ໄກ​ຂ້າມ​ທະວີບ​ມາ​ຮ່ວມ​ການສະ​ແດງ​ຄັ້ງນີ້ ​ໃນ​ວັນ​ທີ 9 ກັນຍາ ​ເຊິ່ງທ່ານ ທຣຳ ລະບຸ​ວ່າ: ​ເລື່ອງ​ດັ່ງກ່າວ​ເປັນ​ການສະ​ແດງ​ອອກ​ໃນ​ທາງ​ທີ່​ດີ​ຂອງ ສປປ ​ເກົາຫລີ. ທ່ານ ທຣຳ ກ່າວ​ອີກ​ວ່າ: ທ່ານ ​ແລະ ຜູ້ນຳ ສປປ ​ເກົາຫລີ ຈະ​ພິສູ​ດ​ໃຫ້​ເຫັນ​ວ່າ: ທຸກ​ຄົນ​ຄິດ​ຜິດ ​ແລະ ບໍ່​ມີ​ການ​ເຈລະຈາ​ເທື່ອ​ໃດ​ທີ່​ດີ​ເທົ່າ​ກັບ​ການ​ເຈລະຈາ​ລະຫວ່າງ​ທ່ານ ​ແລະ ຜູ້ນຳ ສປປ ​ເກົາຫລີ.

error: Content is protected !!