ຍີ່ປຸ່ນພົບການລະບາດຂອງໄຂ້ຫວັດໃຫຍ່ໝູ ເທື່ອທຳອິດໃນຮອບ 26 ປີ

- advert banner 728 90 728x90 - ຍີ່ປຸ່ນພົບການລະບາດຂອງໄຂ້ຫວັດໃຫຍ່ໝູ ເທື່ອທຳອິດໃນຮອບ 26 ປີ

ທາງ​ການ​ຍີ່ປຸ່ນ​ກວດ​ພົບການ​ແຜ່​ລະບາດ​ຂອງ​ໄວຣັສ​ໄຂ້ຫວັດ​ໃຫຍ່​ໝູ​ເປັນ​ເທື່ອ​ທຳ​ອິດ​ນັບ​ແຕ່​ປີ 1992, ​ແຕ່​ຢືນຢັນ​ບໍ່​ແມ່ນ​ພະຍາດ​ອະຫິວາ​ໝູ​ອາ​ຟຣິກາ.

- lattana 1 - ຍີ່ປຸ່ນພົບການລະບາດຂອງໄຂ້ຫວັດໃຫຍ່ໝູ ເທື່ອທຳອິດໃນຮອບ 26 ປີ
- 1 1 - ຍີ່ປຸ່ນພົບການລະບາດຂອງໄຂ້ຫວັດໃຫຍ່ໝູ ເທື່ອທຳອິດໃນຮອບ 26 ປີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ກະສິກຳຂອງ​ຍີ່ປຸ່ນ​ອອກ​ຖະ​ແຫລ​ງການ​ໃນ​ວັນ​ທີ 9 ກັນຍາ ພົບ​ການ​ແຜ່​ລະບາດ​ຂອງ​ເຊື້ອ​ໄວຣັສ​ໄຂ້ຫວັດ​ໃຫຍ່​ໝູ ຢູ່​ຟາ​ມໝູ​​ແຫ່ງ​ໜຶ່ງ ​ໃນ​ເມືອງ​ກິຟຸ ​ເຊິ່ງ​ເປັນ​ເມືອງ​ເອກ​ຂອງ​ແຂວງ​ກິ​ຟຸ ຕັ້ງຢູ່​ທາງ​ຕອນ​ກາງຂອງ​ປະ​ເທດ ຖື​ເປັນ​ເທື່ອ​ທຳ​ອິດ​ໃນ​ຮອບ 26 ປີ ທີ່​ມີ​ການ​ພົບ​ເຊື້ອ​ໄວຣັສຊະນິດ​ດັ່ງກ່າວ​ໃນ​ປະ​ເທດ.

​ເຖິງ​ຢ່າງ​ໃດ​ກໍ​ຕາມ, ລັດຖະບານ​ຍີ່ປຸ່ນ​ຢືນຢັນ​ວ່າ: ​ເຊື້ອ​ພະຍາດ​ເຊິ່ງພົບ​ຢູ່​ຟາ​ມ​ໃນ​ແຂວງ​ກິ​ຟຸ​ເປັນ​ຄົນ​ລະ​ສາຍ​ພັນ​ກັບ​ທີ່​ເຮັດ​ໃຫ້​ເກີດ​ການ​ແຜ່​ລະບາດ​ຂອງ​ພະຍາດ​ອະຫິວາ​ໝູ​ອາ​ຟຣິກາ (ASF) ​ໃນ​ຢ່າງ​ໜ້ອຍ 6 ​ແຂວງ​ຂອງ​ຈີນ ນັບ​ແຕ່​ເດືອນ​ຜ່ານ​ມາ ຈົນ​ຕ້ອງ​ມີ​ການ​ຂ້າ​ໝູ​ຈາກ​ຟາ​ມ 18 ​ແຫ່ງ ລວມຫລາຍ​ກວ່າ 38.000 ​ໂຕ ​ເພື່ອຈຳກັດ​ການ​ແຜ່​ລະບາດ​ຂອງ​ພະຍາດ​ໃນ​ຈີນ. ຂະນະ​ທີ່ ອົງການ​ອາຫານ ​ແລະ ກະສິກຳ​ແຫ່ງ​ສະຫະ​ປະຊາ​ຊາດ (FAO) ອອກ​ລາຍ​ງານ​ໃນ​ທ້າຍ​ເດືອນ​ຜ່ານ​ມາ ​ເຕືອນ​ວ່າ: ສະຖານະ​ການ​ການ​ແຜ່​ລະບາດ​ຂອງ​ພະຍາດ ASF ​ໃນ​ຈີນ​ອາດ​ຂ້າມ​ຊາຍ​ແດນ​ສູ່​ອີກ​ຫລາຍ​ປະ​ເທດ​ໃນ​ອາຊີ​ຕາ​ເວັນ​ອອກ ​ແລະ ອາຊີ​ຕາ​ເວັນ​ອອກສຽງ​ໃຕ້.

error: Content is protected !!