ເບິ່ງຄືນບາງຢ່າງໃນງານບຸນເຂົ້າປະດັບດິນ

- advert banner 728 90 728x90 - ເບິ່ງຄືນບາງຢ່າງໃນງານບຸນເຂົ້າປະດັບດິນ

ໂດຍ: ທ່ຽງທຳ 

ສະບາຍດີ, ເພື່ອນຜູ້ອ່ານ ທີ່ຮັກແພງ, ກໍດັ່ງພວກເຮົາ ໄດ້ຮ່ວມເຮັດບຸນເຂົ້າປະດັບ ດິນຮ່ວມກັນມາແລ້ວ.
ໃນມື້ວັນທິດຜ່ານມານີ້, ເຊິ່ງເປັນງານບຸນປະເພນີອັນ ດີງາມໜຶ່ງໃນ-ຮີດ 12 ຊາວ ພຸດເຮົາທີ່ເຄີຍປະຕິບັດກັນມາ ແຕ່ບູຮານນະການໃນທຸກໆ ປີພໍຮອດມື້ແຮມ 13 ຄ່ຳຂອງ ເດືອນ 9 ລາວ, ຊາວພຸດເຮົາ ກໍຈະໄດ້ພ້ອມກັນຫ້າງຫາ ກະກຽມເຂົ້າປາ, ອາຫານ, ເຄື່ອງສົ້ມຂອງຫວານ, ເຂົ້າ ຕົ້ມເຂົ້າໜົມ, ຄຳໝາກ, ກອກ ຢາ ແລະ ອື່ນໆ ຕາມເງື່ອນໄຂ ຂອງທ້ອງຖິ່ນ, ສ່ວນໜຶ່ງກໍ ແບ່ງໄວ້ເຮັດພິທີຖະຫວາຍ ຢູ່ ເຮືອນໃຜເຮືອນລາວ ແລະ ອີກສ່ວນໜຶ່ງແມ່ນກະໄວ້ເພື່ອ ນຳເຂົ້າວັດຕັກບາດຍາດນ້ຳ ຖວາຍແດ່ພະສົງ, ພ້ອມນັ້ນ ສ່ວນໜຶ່ງເພິ່ນກໍຈະແບ່ງໄວ້ ດ້ວຍການຫໍ່ໃສ່ໃບຕອງ, ໃສ່ ກັບ,ໃສ່ຖ້ວຍຫລືເຮັດແບບ ກະໂທງກໍໄດ້, ເມື່ອຮອດຮຸ່ງ ເຊົ້າເວລາປະມານ 3-4 ໂມງ ຂອງມື້ແຮມ 14 ຄ່ຳ, ແຕ່ລະ ຄົວເຮືອນກໍຈະຈັດແບ່ງກັນ ເພື່ອເອົາເຂົ້າຂອງດ່ັງກ່າວ ໄປຫ້ອຍໃສ່ຫົວໄຮ່ປາຍນາ, ໃສ່ແຄມຮົ່ວແຄມສວນ ຫລື ແຄມວັດ, ປະໄວ້ຕາມທາງ 3 ແຍກ 4 ແຍກ ເຊິ່ງເພິ່ນຖືວ່າ ເປັນສ່ວນບຸນກຸສົນໃຫ້ແກ່ ຜູ້ລວງລັບໄປ ແລ້ວເຊິ່ງຂາດ ທີ່ເພິ່ງພາອາໄສໃຫ້ມາກິນ ມາເອົາ, ແຕ່ເຕັມທີ, ກໍດັ່ງບູ ຮານເພິ່ນວ່າ: ຜີກິນອາຍຄົນ ບາຍຕ່ອນ, ແຕ່ໃນຕົວຈິງ ແລ້ວມັນບໍ່ເປັນເຊັ່ນນັ້ນສ່ວນ ສິ່ງຂອງນຳໄປປະໄປຫ້ອຍ ໄວ້ນັ້ນແກ່ຍາວມາ 2 ມື້-3ມື້ຫລາຍອັນເກີດກິນເໝັ້ນ ເໝົາ, ມີຫລາຍບ່ອນຢູ່ໃກ້ ວັດກໍເກີດເປັນເສດອາຫານ ຖິ້ມຊະໄປຢ່າງບໍ່ມີໃຜອານາ ໄມ, ໂດຍສະເພາະຢູ່ຕາມ ແຄມທາງກໍເຕັມແຕ່ສິ່ງເສດ ເຫລືອຂອງສັງຂະທານ ເຫລົ່ານັ້ນແລ້ວເຮັດໃຫ້ຕົວ ເມືອງຂາດອານາໄມໃນຈຸດ ນີ້, ເບື້ອງອຳນາດການປົກ ຄອງຄວນມີມາດຕະການ ຄວບຄຸມ ແລະ ຜູ້ເຮັດວຽກ ອານາໄມຕົວເມືອງກໍຕ້ອງ ເປັນເຈົ້າການເມື່ອຮອດມື້ ດັ່ງກ່າວແລ້ວກໍຮີບຮ້ອນ ປັດກວາດອະນາໄມ, ຈິ່ງຈະ ເຮັດໃຫ້ງານບຸນປະເພນີນີ້ ງົດງາມຍິ່ງຂຶ້ນ./.

ເຂົ້າພັນສາຕັ້ງໃຈສ້າງຄວາມດີ

- 1 1 - ເບິ່ງຄືນບາງຢ່າງໃນງານບຸນເຂົ້າປະດັບດິນ
- Tiger Head 728x90 - ເບິ່ງຄືນບາງຢ່າງໃນງານບຸນເຂົ້າປະດັບດິນ

ປະເພນີຫໍ່ເຂົ້າປະດັບດິນ

- 452 - ເບິ່ງຄືນບາງຢ່າງໃນງານບຸນເຂົ້າປະດັບດິນ
(ພາບປະກອບ)
error: Content is protected !!