ອານຸສອນ ກຽມໄປຝຶກຊ້ອມທີ່ປະເທດໄທຕຸລານີ້

- advert banner 728 90 728x90 - ອານຸສອນ ກຽມໄປຝຶກຊ້ອມທີ່ປະເທດໄທຕຸລານີ້

ທ້າວ ອານຸສອນ ໄຊສາ ນັກກິລາແລ່ນ-ລານທີມຊາດລາວ ກຽມຕົວໄປຝຶກຊ້ອມທີ່ປະເທດໄທໃນຕົ້ນເດືອນຕຸລານີ້  ເພື່ອກຽມຄວາມພ້ອມເຂົ້າຮ່ວມງານມະຫາກໍາກິລາແຫ່ງຊາດຄັ້ງທີ 11 ທີ່ແຂວງຊຽງຂວາງເປັນເຈົ້າພາບ ຈະຈັດຂຶ້ນໃນທ້າຍປີນີ້.

- new3 - ອານຸສອນ ກຽມໄປຝຶກຊ້ອມທີ່ປະເທດໄທຕຸລານີ້

ທ້າວ ອານຸສອນ ໄຊສາ ໃຫ້ສໍາພາດວ່າ: ພາຍຫລັງສໍາເລັດການເຂົ້າຮ່ວມງານມະຫາກໍາກິລາເອຊຽນເກມຄັ້ງທີ 18 ທີ່ປະເທດອິນໂດເນເຊຍໃນທ້າຍເດືອນສິງຫາຜ່ານມານີ້ ເຊິ່ງຕົນເອງໄດ້ເຂົ້າຮ່ວມລາຍການດຽວຄື: ແລ່ນຂ້າມຮົ້ວ 110 ແມັດ ຜ່ານການແຂ່ງຂັນຜົນງານຂອງຕົນເອງບໍ່ດີປານໃດ ຍ້ອນວ່າສະພາບຮ່າງກາຍຍັງບໍ່ທັນພ້ອມ ບວກກັບການຝຶກຊ້ອມຍັງບໍ່ໄດ້ດີພໍ. ດັ່ງນັ້ນ, ຈຶ່ງເຮັດໃຫ້ຜົນງານອອກມາບໍ່ຄອຍພໍໃຈປານໃດ. ແນວໃດກໍຕາມ ຕົນເອງກໍຈະສືບຕໍ່ຝຶກຊ້ອມຢູ່ເລື້ອຍໆ ເພື່ອໃຫ້ສະພາບຮ່າງກາຍມີຄວາມພ້ອມຢູ່ສະເໝີ. ຫລ້າສຸດ ຕົນເອງຈະເຂົ້າສູນຝຶກຊ້ອມຮ່ວມກັບປະເທດໄທ ໃນຕົ້ນເດືອນຕຸລານີ້ ເພື່ອກຽມຄວາມພ້ອມເຂົ້າຮ່ວມການແຂ່ງຂັນໃນງານມະຫາກໍາກິລາແຫ່ງຊາດຄັ້ງທີ 11 ທີ່ແຂວງຊຽງຂວາງເປັນເຈົ້າພາບ ເຊິ່ງຈະຈັດຂຶ້ນລະຫວ່າງທ້າຍເດືອນພະຈິກ 2018. ສໍາລັບການເຂົ້າຮ່ວມງານມະຫາກໍາກິລາແຫ່ງຊາດຄັ້ງນີ້ ຕົນເອງຈະຮັບຫລິ້ນໃຫ້ແຂວງຊຽງຂວາງເຈົ້າພາບ ເພາະອີງຕາມການແນະນໍາທາງຂັ້ນເທິງ.

- lattana 1 - ອານຸສອນ ກຽມໄປຝຶກຊ້ອມທີ່ປະເທດໄທຕຸລານີ້

ການແຂ່ງຂັນໃນງານມະຫາກໍາກິລາ ຊຽງຂວາງເກມ 2018 ມີ 28 ປະເພດການແຂ່ງຂັນຄື: ບານ​ເຕະ, ແລ່ນ-ລານ, ບານບ້ວງ, ເທັນນິດ, ດອກປີກໄກ່, ກະຕໍ້, ປິ່ງປ໋ອງ, ເທຄວັນໂດ, ບານສົ່ງ, ຄາຣາເຕໂດ, ຢູໂດ, ປັນຈັກສີລັດ, ວູຊູ, ໝາກແລ້, ໝາກເສີກ, ເຮືອຊ່ວງ, ໝາກຂາງ, ໜ້າເກັກ, ຍິງທະນູ, ລົດຖີບ, ລອຍນໍ້າ, ເປຕັງ, ໂບລິ້ງ, ກ໋ອບ, ຍິງປືນ, ມວຍລາວ, ມວຍສາກົນ ແລະ ກິລາສະນຸກເກີ.

error: Content is protected !!