ຄູຝຶກຄາຣາເຕໂດສີໂຄດຕະບອງ ພໍໃຈຜົນງານທີ່ຍາດໄດ້ແຊ້ມອີກ 1 ສະໄໝ

- 41506465 232414830787356 2447002190343045120 n - ຄູຝຶກຄາຣາເຕໂດສີໂຄດຕະບອງ ພໍໃຈຜົນງານທີ່ຍາດໄດ້ແຊ້ມອີກ 1 ສະໄໝ
- AGL banner - ຄູຝຶກຄາຣາເຕໂດສີໂຄດຕະບອງ ພໍໃຈຜົນງານທີ່ຍາດໄດ້ແຊ້ມອີກ 1 ສະໄໝ

ຄູຝຶກສະໂມສອນ ຄາຣາເຕໂດສີໂຄດຕະບອງ ພໍໃຈຜົນງານທີ່ນັກກິລາຂອງຕົນເອງສາມາດຍາດ 9 ຫລຽນຄໍາ, 8 ຫລຽນເງິນ, 18 ຫລຽນທອງ ໃນການແຂ່ງຂັນຄາຣາເຕໂດຊີງແຊ້ມຂັນເຈົ້າຄອງນະຄອນຫລວງວຽງຈັນ ອາທິດຜ່ານມານີ້ ສົ່ງຜົນໃຫ້ໄດ້ແຊ້ມອີກ 1 ສະໄໝຕໍ່ຈາກປີ 2014.

ນາງ ຈັນສຸດາ ເພັດສີຣີແສງ ຄູຝຶກຄາຣາເຕໂດສະໂມສອນສີໂຄດຕະບອງ ໃຫ້ສໍາພາດວ່າ: ຕົວເອງໃນນາມຫົວໜ້າສະໂມສອນ ແລະ ເປັນທັງຄູຝຶກມີຄວາມດີໃຈ ແລະ ພູມໃຈທີ່ສະໂມສອນສີໂຄດຕະບອງຂອງພວກເຮົາສາມາດຄອງຂັນທ່ານເຈົ້າຄອງນະຄອນຫລວງວຽງຈັນອີກຄັ້ງ. ຫລັງຈາກທີ່ພາດໃນການແຂ່ງຂັນຄັ້ງທີ 3 ຜ່ານມາ ເຊິ່ງຜົນສຳເລັດນີ້ເປັນຍ້ອນຄວາມສາມາດຂອງນັກກິລາ, ຄູຝຶກ ແລະ ຜູ້ບໍລິຫານສະໂມສອນໄດ້ມີຄວາມເອົາໃຈໃສ່ໃນການກະກຽມການແຂ່ງຂັນ ແລະ ທີ່ດີໃຈໄປກວ່ານັ້ນກໍຄືໄດ້ເຫັນເຖິງຄວາມສາມັກຄີ, ຄວາມຮັກແພງ, ຊ່ວຍເຫລືອເຊິ່ງກັນ ແລະ ກັນຂອງນ້ອງໆນັກກິລາພາຍໃນສະໂມສອນ. ເຖິງຢ່າງໃດກໍຕາມ, ຄວາມສຳເລັດຄັ້ງນີ້ເປັນພຽງບາດກ້າວໜຶ່ງໃຫ້ນັກກິລາໄດ້ທົດສອບຄວາມສາມາດຂອງຕົນເອງ. ດັ່ງນັ້ນ ຈຶ່ງຢາກໃຫ້ທຸກຄົນຖືເອົາປະສົບການແຂ່ງຂັນໃນຄັ້ງນີ້ ເປັນບົດຮຽນອັນລໍ້າຄ່າເພື່ອແກ້ໄຂຈຸດອ່ອນ ແລະ ຂໍ້ຜິດພາດໄປພັດທະນາຕົວເອງຂຶ້ນຕື່ມ ເພື່ອກ້າວສູ່ເວທີສາກົນ ແລະ ສ້າງຊື່ສຽງໃຫ້ກັບປະເທດຊາດໃນອະນາຄົດ.

ການແຂ່ງຂັນຄາຣາເຕໂດຊີງແຊ້ມເຈົ້າຄອງນະຄອນຫລວງວຽງຈັນ ສະໂມສອນຄາຣາເຕໂດສີໂຄດຕະບອງ ສາມາດຍາດໄດ້ແຊ້ມ 3 ສະໄໝຄື: ແຊ້ມປີ 2010, 2012 ແລະ 2018; ສ່ວນປີ 2016 ແມ່ນ ທີມລາວເຈກາເອ ຄອງແຊ້ມສະໄໝນັ້ນ.

- Wave100S AD to Website 2020 0 - ຄູຝຶກຄາຣາເຕໂດສີໂຄດຕະບອງ ພໍໃຈຜົນງານທີ່ຍາດໄດ້ແຊ້ມອີກ 1 ສະໄໝ
- WhatsApp Image 2020 05 27 at 5 - ຄູຝຶກຄາຣາເຕໂດສີໂຄດຕະບອງ ພໍໃຈຜົນງານທີ່ຍາດໄດ້ແຊ້ມອີກ 1 ສະໄໝ
- WhatsApp Image 2020 05 27 at 5 - ຄູຝຶກຄາຣາເຕໂດສີໂຄດຕະບອງ ພໍໃຈຜົນງານທີ່ຍາດໄດ້ແຊ້ມອີກ 1 ສະໄໝ
- WhatsApp Image 2020 05 27 at 5 - ຄູຝຶກຄາຣາເຕໂດສີໂຄດຕະບອງ ພໍໃຈຜົນງານທີ່ຍາດໄດ້ແຊ້ມອີກ 1 ສະໄໝ
- WhatsApp Image 2020 05 27 at 5 - ຄູຝຶກຄາຣາເຕໂດສີໂຄດຕະບອງ ພໍໃຈຜົນງານທີ່ຍາດໄດ້ແຊ້ມອີກ 1 ສະໄໝ
error: Alert: Content is protected !!