ຢາກອີ່ມປາກອີ່ມທ້ອງໄວ ແມ່ນຮຽນວິຊາຊີບ

- 21034154 10208088560526846 5179790591309239634 n - ຢາກອີ່ມປາກອີ່ມທ້ອງໄວ ແມ່ນຮຽນວິຊາຊີບ
- AGL banner - ຢາກອີ່ມປາກອີ່ມທ້ອງໄວ ແມ່ນຮຽນວິຊາຊີບ

ໂດຍ: ທິດກ່ຳ

ການສອບເສັງນັກຮຽນໃນ ມະຫາວິທະຍາໄລແຫ່ງຊາດ ຫາກໍຈົບລົງໝາດໆຍັງບໍ່ທັນ ຮອດເດືອນ, ສະເພາະປີນີ້ມີ ນັກສຶກສາສະໝັກເຂົ້າສອບ ເສັງເຖິງ 14 ພັນກວ່າຄົນແຕ່ ມີໃນແຜນຈະຮັບເອົາພຽງ 7 ພັນຄົນເທົ່ານັ້ນ.

 

ຝຶກອົບຮົມວິຊາຊີບປຸງແຕ່ງ, ຕັດຫຍິບ ແລະ ເສີມສວຍໃຫ້ແມ່ຍິງ

ລາວຈະ​ສົ່ງວິຊາ​ຊ່າງຮ່ວມແຂ່ງຂັນສີມື​ແຮງ​ງານ​ອາ​ຊຽນ

ສ່ວນທີ່ເຫລືອກໍອາດຍັງ, ກະແຈກກະຈາຍເຂົ້າຮຽນໃນ ບັນດາໂຮງຮຽນວິທະຍາໄລ, ໂຮງຮຽນວິຊາຊີບຕ່າງໆ ຫລື ໄປຊອກວຽກເຮັດງານ ທຳຕາມເງື່ອນໄຂຄວາມສາ ມາດຂອງຄອບຄົວ ແລະ ຂອງ ຕົນເອງເຊັ່ນ: ເປັນກຳມະກອນ ໃນໂຮງຈັກໂຮງງານ ຫລື ເຮັດ ວຽກຊ່ວຍພໍ່ແມ່ຈົນກວ່າມີ ຄວາມພ້ອມເມື່ອໃດແລ້ວຈຶ່ງ ເລີ່ມຕັ້ງຕົວໃໝ່.

ແນວໃດກໍດີ, ຕາມທິດ ກ່ຳວ່າໃນຍຸກສະໄໝນີ້ເວົ້າ ເຖິງ ການຮ່ຳການຮຽນສິ່ງທີ່ ປະຕິເສດບໍ່ໄດ້ກໍຄືຕ້ອງມີ ເງິນເບີກທາງ, ຂີ້ຮ້າຍສຸດກໍ ແມ່ນເງິນເສຍຄ່າເທີມ, ຊື້ເຈ້ຍ ຊື້ສໍ ແລະ ອຸປະກອນການຮຽນ ຕ່າງໆ, ນັບທັງຄ່າກິນຄ່າຢູ່.

ນອກຈາກບັນຫາທີ່ກ່າວ ມານີ້ແລ້ວ, ສິ່ງທີ່ຫລີກຕົ້ນ ບໍ່ໄດ້ກໍມີບາງຄົນ, ບາງຄອບ ຄົວທີ່ຢູ່ຕ່າງແຂວງ, ເຂດຊົນ ນະບົດຫ່າງໄກສອກຫລີກ ໄດ້ຫລິງເຫັນອານາຄົດຂອງ ລູກເຕົ້າຍັງໄດ້ຕັດສິນໃຈເຊົ່າ ເຮືອນ, ເຊົ່າຫ້ອງຫລາຍໝື່ນ, ຫລາຍແສນຢູ່ຕາມຕົວເມືອງ ເພື່ອສ້າງເງື່ອນໄຂໃຫ້ລູກເຕົ່າ ໄດ້ຮ່ຳໄດ້ຮຽນຫວັງຮຽນຈົບ ມາມີວຽກເຮັດງານທຳ, ໄດ້ ເປັນພະນັກງານຜູ້ທີ່ດີ, ມີອາ ຊີບໝັ້ນຄົງ ແລະ ເປັນເຈົ້າເປັນ ນາຍ ໃນພາຍໜ້າ.

ແຕ່ວ່າໄປຄຽງ ຄຸ່ກັນນັ້ນ, ມີຫລາຍຄົນ, ຫລາຍຄອບຄົວ ທີ່ມີລາຍຮັບຂ້ອຍຂ້າງຫຍຸ້ງ ຍາກກໍບໍ່ສາມາດ ສະໜອງເງິນ ຄຳໃຫ້ລູກເຕົ້າໄດ້ຮ່ຳຮຽນກະ ໂຕຜູ້ເປັນລູກເອງກໍຕ້ອງໄດ້ສູ້ ຊົນບຸກບືນທັງຮຽນ, ທັງເຮັດ ວຽກຫາເງິນຈ້າງຮຽນດ້ວຍ ເຫື່ອແຮງຕົນເອງກໍບໍ່ອືດ ບໍ່ຢາກ.

- Wave100S AD to Website 2020 0 - ຢາກອີ່ມປາກອີ່ມທ້ອງໄວ ແມ່ນຮຽນວິຊາຊີບ

ເທົ່າທີ່ທິດກ່ຳເຫັນ ໃນສັງ ຄົມຍຸກປັດຈຸບັນ, ຊາວໜຸ່ມນັກ ຮຽນນັກສຶກສາສ່ວນຫລາຍ ໃຜກໍໄຝ່ຝັນຢາກເປັນເຈົ້າເປັນ ນາຍ, ການຮຽນກໍເຫີກັນ ໄປ ຮຽນແຕ່ຂົງເຂດເສດຖະກິດ ເຊັ່ນ: ບັນຊີ-ການເງິນ, ການ ທະນາຄານ, ບໍລິຫານທຸລະ ກິດ, ຢາກຢູ່ອາກອນ, ຢາກເປັນ ພາສີ ແລະ ອື່ນໆ.

ສ່ວນວ່າໃນຂົງເຂດການ ເມືອງ ແລະ ວິຊາການເພິ່ນ ກໍປາດຖະໜາຢາກເປັນແພດ ເປັນໝໍ, ຢາກເປັນທະຫານ, ຕຳຫລວດ, ເປັນນັກກົດໝາຍ, ເປັນຄູ-ອາຈານ ແລະ ພະນັກ ງານໃນຂັ້ນລະດັບສູງ, ແຕ່ເມື່ອ ຮຽນຈົບໄປແລ້ວ ຈະຊອກວຽກ ເຮັດງານທຳມັນກໍຍາກປານ ຊອກເຂັມໃນທະເລ, ບາງຄົນ ຮຽນຈົບປະລິນຍາມາແລ້ວຍັງ ເຕະຝຸ່ນເລາະບ້ານຊ້ຳບໍ່ໜຳ ບາງຄົນຮຽນຈົບວິຊາໜຶ່ງ ພັດດັນໄປເຮັດວຽກໜຶ່ງ ຍ້ອນເງື່ອນໄຂ ແລະ ສະພາບ ແວດລ້ອມ.

ແນວໃດກໍດີ, ຕາມທິດກ່ຳ ວ່າເວົ້າເລື່ອງການຮ່ຳການ ຮຽນຂອງລູກຫລານສະໄໝ ນີ້ມີຫລາຍທາງໃຫ້ເລືອກ ສຸດແລ້ວແຕ່ຜູ້ມັກ, ແຕ່ບາງ ຄັ້ງໃນວິຊາທີ່ຕົນມັກເມື່ອ ຮຽນຈົບມາແລ້ວພັດບໍ່ມີ ວຽກເຮັດ, ກົງກັນຂ້າມມີບາງ ວິຊາເມື່ອຮຽນຈົບມາແລ້ວ ຂໍແຕ່ວ່າເຮົາດຸໝັ່ນເຊັ່ນ: ຮຽນ ໃນຂະແໜງວິຊາຊີບຕ່າງໆ ທີ່ສັງຄົມພວມຕ້ອງການ ເປັນຕົ້ນ.

ຮຽນວິຊາການກະເສດ ປູກຝັງ, ລ້ຽງສັດ, ປ່າໄມ້, ປຸງແຕ່ງ, ກົນຈັກ, ຕັດຫຍິບ ແລະ ບັນດາຂະແໜງການ ອື່ນໆ ທີ່ເຫັນວ່າສັງຄົມພວມ ຕ້ອງການ ແລະ ລັດຖະບານເຮົາ ກໍມີນະໂຍບາຍຊຸກຍູ້ສົ່ງເສີມ ເຊັ່ນ: ກ່ຽວກັບການ ຜະລິດ ແບບຍືນຍົງເປັນມິດກັບສິ່ງ ແວດລ້ອມ, ເຮັດການຜະລິດ ທຸລະກິດຂະໜາດນ້ອຍທີ່ຈະ ກາຍເປັນອາຊີບໝັ້ນຄົງ.

ການປູກຝັງ, ລ້ຽງສັດ, ກົນຈັກ, ປຸງແຕ່ງ ແລະ ອື່ນໆ ໃນບັນດາວິຊາຊີບທີ່ກ່າວມານີ້, ເວລາເຮົາຮຽນ ຈົບມາເຖິງວ່າ ສັງຄົມບໍ່ທັນຕ້ອງການເຮົາກໍ ສາມາດເຮັດຢູ່ໃນຄອບຄົວ ເພື່ອຫາລ້ຽງຕົນເອງເພິ່ງຕົນ ເອງໄດ້ໃນລະດັບທີ່ແນ່ນອນ.

ທິດກ່ຳ ເຄີຍໄປຫລາຍ ທ້ອງຖິ່ນ, ໂດຍສະເພາະຜູ້ມີພື້ນ ຖານ, ມູນມັງສັງຂະຫຍາ, ມີດິນ ດອນຕອນຫຍ້າກວ້າງຂວາງ ໄດ້ພາກັນເຮັດນາ, ເຮັດສວນ ປູກພືດຜັກປອດສານພິດ, ຂຸດ ໜອງປາ, ລ້ຽງເປັດ, ລ້ຽງໄກ່, ລ້ຽງງົວ, ລ້ຽງແບ້ແບບປະສົມ ປະສານເກີນວ່າມີຄວາມສຸກ ໃນຊີວິດ.

ເວົ້າມາຮອດຈຸດນີ້, ທິດກ່ຳ ຍັງເປັນຫວ່ງນຳລູກຫລານ ຊາວໜຸ່ມຍິງຊາຍຈຳນວນບໍ່ ໜ້ອຍບໍ່ວ່າໃນຕົວເມືອງ ແລະ ຊົນນະບົດໃນສະໄໝນີ້ພາກັນ ຂີ້ຄ້ານນອນເດີກຕື່ນສວາຍ, ຊ້ຳບໍ່ໜຳຕິດຢາບ້າຄ້າຢາ ເມົາ, ດື່ມເຫລົ້າດື່ມເບຍ.

ແມ່ຍິງລາວຈຳນວນ ບໍ່ ໜ້ອຍກາງຄືນເປັນຕົວເຫງັນ, ກາງເວັນເປັນນົກເຄົ້າ ນັ່ງເຂົ່າ ເມົ້າຢູ່ຮ້ານເຫລົ້າ ຮ້ານເບຍ, ຕິດໄພສັງຄົມ, ເຫີ່ນຳແສງສີ, ເປັນແກ້ງກວນເມືອງອັນເປັນ ການສ້າງຄວາມບໍ່ສະຫງົບ ໃຫ້ແກ່ສັງຄົມບ້ານເມືອງ, ນີ້ຄື ການເດີນທາງຜິດອຸ້ມເອົາຊີ ວິດກ້າວໄປສູ່ເຫວເລິກຕະ ຫລິ່ງຊັນຖ້າແກ້ບໍ່ທັນກໍຈິບ ຫາຍວາຍວອດ./.

- 21034154 10208088560526846 5179790591309239634 n - ຢາກອີ່ມປາກອີ່ມທ້ອງໄວ ແມ່ນຮຽນວິຊາຊີບ
(ພາບປະກອບ)
- WhatsApp Image 2020 05 27 at 5 - ຢາກອີ່ມປາກອີ່ມທ້ອງໄວ ແມ່ນຮຽນວິຊາຊີບ
- WhatsApp Image 2020 05 27 at 5 - ຢາກອີ່ມປາກອີ່ມທ້ອງໄວ ແມ່ນຮຽນວິຊາຊີບ
- WhatsApp Image 2020 05 27 at 5 - ຢາກອີ່ມປາກອີ່ມທ້ອງໄວ ແມ່ນຮຽນວິຊາຊີບ
- WhatsApp Image 2020 05 27 at 5 - ຢາກອີ່ມປາກອີ່ມທ້ອງໄວ ແມ່ນຮຽນວິຊາຊີບ
error: Alert: Content is protected !!