​ເຈົ້າ​ແຂວງ​ຊຽງຂວາງລົງ​ຢ້ຽມຢາມ​ປະຊາຊົນບ້ານຫາດບໍ່ທີ່​ປະສົບໄພນ້ຳ​ຖ້ວມ

- Xiengkhuang Provincer - ​ເຈົ້າ​ແຂວງ​ຊຽງຂວາງລົງ​ຢ້ຽມຢາມ​ປະຊາຊົນບ້ານຫາດບໍ່ທີ່​ປະສົບໄພນ້ຳ​ຖ້ວມ
- Untitled design - ​ເຈົ້າ​ແຂວງ​ຊຽງຂວາງລົງ​ຢ້ຽມຢາມ​ປະຊາຊົນບ້ານຫາດບໍ່ທີ່​ປະສົບໄພນ້ຳ​ຖ້ວມ

ໃນ​ອາທິດ​ທີ່​ຜ່ານມານີ້, ທ່ານ ບຸນ​ຕົ້ນ ຈັນທະ​ພອນ​ ​ເຈົ້າ​ແຂວງ​ໆ​ຊຽງ​ຂວາງ ພ້ອມດ້ວຍຄະນະ, ໄດ້ນຳເອົາເຄື່ອງຊ່ວຍ​ເຫລືອປະກອບມີ: ເຂົ້າສານຈໍານວນ 4,9 ​ໂຕນ, ​ເຄື່ອງນຸ່ງ​ຫົ່ມ, ​ເຄື່ອງ​ໃຊ້​ໃນ​ຄົວເຮືອນທີ່​ຈໍາ​ເປັນ, ໝີ່, ຜ້າ​ບັດ, ມຸ້ງ ​ແລະ ອື່ນໆ ລວມມູນ​ຄ່າ 41 ລ້ານກີບ ​ໄປ​ມອບ​ໃຫ້ປະຊາຊົນຜູ້​ປະສົບ​ໄພ​ນ້ຳ​ຖ້ວມ​ຢູ່ບ້ານຫາດ​ບໍ່, ​ເມືອງ​ໜອງ​ແຮດ​ແຂວງ​ຂອງຕົນ, ພ້ອມ​ນໍາ​ເອົາ​ກໍາລັງ​ອ້າຍ​ນ້ອງ​ທະຫານ, ​ແພດໝໍ ​ໄປ​ຊ່ວຍ​ເຫລືອແກ້ໄຂຜົນກະທົບດັ່ງກ່າວ.

​​ໄພ​ນ້ຳ​ຖ້ວມ​ຄັ້ງ​ນີ້, ​ໄດ້​ເກີດ​ຂຶ້ນໃນ​​ຄືນ​ວັນ​ທີ 30 ສິງຫາຜ່ານມາ, ເນື່ອງຈາກ ຝົນຕົກ​ໜັກ​ຕິດ​ຕໍ່​ກັນ​ຫລາຍ​ຊົ່ວ​ໂມງ ​ເຮັດ​ໃຫ້​ລະດັບ​ນໍ້າ​​ສູງ​ຂຶ້ນ​​​​ໄຫລເຂົ້າ​ຖ້ວມ​ ​ແລະ ​​ຊຸ​ເອົາ​ເຮືອນ​ຊານ, ຊັບ​ສິນ, ສັດລ້ຽງ ແລະ ເລົ້າເຂົ້າຂອງ​ປະຊາຊົນບ້ານ ດັ່ງກ່າວຈໍານວນ 30 ຫລັງໄດ້ຮັບຄວາມເສຍຫາຍໜັກໜ່ວງ, ​ປະຊາຊົນຂາດເຄື່ອງນຸ່ງຫົ່ມ, ເຂົ້າກິນ ​ແລະ ​ເສັ້ນທາງ​ຖືກ​ຕັດຂາດ​ນັບ​ແຕ່​ກຸ່ມພູ​ຫົວຊ້າງ​ເຖິງ​ກຸ່ມ​​ແກ່ວ​ບອນ, ເຊິ່ງບໍ່​ສາມາດນໍາໃຊ້ລົດ​ສັນຈອນ​ໄປມາໄດ້.

​  ໃນໂອກາດ​ນີ້, ທ່ານເຈົ້າແຂວງ ກໍ​ໄດ້ພົບປະ​ໂອ້​ລົມໃຫ້ກໍາລັງໃຈຕໍ່​​ປະຊາຊົນ​ບ້ານ​ຫາດ​ບໍ່​ໃຫ້​ມີ​ຄວາມ​ອົດທົນ, ມີ​ຄວາ​ມສາມັກຄີ​ຊ່ວຍ​ເຫລືອເຊິ່ງກັນ ​ແລະ ກັນ​, ພິເສດໃຫ້ເອົາໃຈໃສ່​ຮັກສາ​ສຸຂະພາບ ​ແລະ ຊ່ວຍ​ກັນສ້ອມ​ແປງ​ເຮືອນ​ຊານ​ທີ່​ຖືກ​​ເປ່​ເພ, ພ້ອມ​ໃຫ້​ມີ​ຄວາມ​ລະມັດລະວັງ​ຕື່ມ​ອີກຕໍ່​ການ​ດໍາລົງ​ຊີວິດຂອງຕົນ ແລະ ​ຢືນຢັນວ່າຈະ​ຊອກ​ວິທີ​ທາງຊ່ວຍເຫລືອ​ໃຫ້​ປະຊາຊົນ​ມີ​ເຮືອນ​ຢູ່ໂດຍໄວ.

- Wave100S AD to Website 2020 0 - ​ເຈົ້າ​ແຂວງ​ຊຽງຂວາງລົງ​ຢ້ຽມຢາມ​ປະຊາຊົນບ້ານຫາດບໍ່ທີ່​ປະສົບໄພນ້ຳ​ຖ້ວມ
- WhatsApp Image 2020 05 27 at 5 - ​ເຈົ້າ​ແຂວງ​ຊຽງຂວາງລົງ​ຢ້ຽມຢາມ​ປະຊາຊົນບ້ານຫາດບໍ່ທີ່​ປະສົບໄພນ້ຳ​ຖ້ວມ
- WhatsApp Image 2020 05 27 at 5 - ​ເຈົ້າ​ແຂວງ​ຊຽງຂວາງລົງ​ຢ້ຽມຢາມ​ປະຊາຊົນບ້ານຫາດບໍ່ທີ່​ປະສົບໄພນ້ຳ​ຖ້ວມ
error: Alert: ເນື້ອຫາຂ່າວມີລິຂະສິດ !!