ເຮັດວຽກໄປພ້ອມກັບຟັງດົນຕີຊ່ວຍເພີ່ມປະສິດທິພາບການເຮັດວຽກ

- 011209 2018 - ເຮັດວຽກໄປພ້ອມກັບຟັງດົນຕີຊ່ວຍເພີ່ມປະສິດທິພາບການເຮັດວຽກ
- Untitled design - ເຮັດວຽກໄປພ້ອມກັບຟັງດົນຕີຊ່ວຍເພີ່ມປະສິດທິພາບການເຮັດວຽກ

ຢູ່ບ່ອນເຮັດວຽກມີຫລາຍສິ່ງຫລາຍຢ່າງທີ່ເຮັດໃຫ້ທ່ານເສຍສະມາທິໄດ້ງ່າຍໆ, ແຕ່ທ່ານຮູ້ບໍ່ວ່າມີສິ່ງໜຶ່ງທີ່ສາມາດຊ່ວຍທ່ານຈັດການກັບບັນຫາເຫລົ່ານີ້ໄດ້ ແລະ ເຮັດໃຫ້ທ່ານມີປະສິດທິພາບໃນການເຮັດວຽກຫລາຍຂຶ້ນໄດ້ ສິ່ງນັ້ນກໍແມ່ນ ດົນຕີ.

ວຽກງານວິໄຈຈາກມະຫາວິທະຍາໄລ ເບີມິງແຮມ ປະເທດອັງກິດ ສະແດງໃຫ້ເຫັນວ່າ : ດົນຕີມີບົດບາດສຳຄັນໃນການຊ່ວຍໃຫ້ທ່ານມີສະມາທິ ແລະ ມີປະສິດທິ ພາບໃນການເຮັດວຽກໄດ້ເປັນຢ່າງດີ. ສະນັ້ນ ຫາກທ່ານກຳລັງເບື່ອທີ່ຕ້ອງເຮັດວຽກຊຳ້ໆ, ນັ່ງກວດອີເມລໄປແຕ່ລະມື້ ການລອງເພີ່ມສຽງດົນຕີເຂົ້າໄປກໍອາດຈະຊ່ວຍໃຫ້ທ່ານເຮັດວຽກໄດ້ດີ ແລະ ໄວຂຶ້ນໄດ້.

ແຕ່ຖ້າວຽກຂອງທ່ານເປັນວຽກທີ່ຕ້ອງໃຊ້ສະໝອງເປັນສ່ວນຫລາຍ ການເລືອກດົນຕີ ຫລື ເພງໃຫ້ເໝາະສົມກໍອາດບໍ່ແມ່ນເລື່ອງງ່າຍ, ແຕ່ໂຊກດີທີ່ວິທະຍາສາດໄດ້ຫາຄຳຕອບມາໃຫ້ທ່ານແລ້ວ ແລະ ຕໍ່ໄປນີ້ກໍໍຈະເປັນປະເພດຂອງດົນຕີທີ່ຈະຊ່ວຍໃຫ້ທ່ານເຮັດວຽກໄດ້ຢ່າງມີປະສິດທິພາບ ເທື່ອຕໍ່ໄປກໍລອງເປີດເພງປະເພດນີ້ ພ້ອມກັບນັ່ງເຮັດວຽກໄປນຳ ເຊິ່ງອາດເຮັດໃຫ້ທ່ານມີສະມາທິເພີ່ມຂຶ້ນຢ່າງໜ້າປະຫລາດໃຈ.

     – ຟັງດົນຕີທີ່ມີສຽງທຳມະຊາດ : ການເພີ່ມສຽງທຳມະຊາດເຂົ້າມາເປັນສ່ວນໜຶ່ງຂອງການເຮັດວຽກຈະຊ່ວຍໃຫ້ທ່ານມີອາ ລົມທີ່ດີ ແລະ ມີສະມາທິຫລາຍຍິ່ງຂຶ້ນ ທັງຍັງຊ່ວຍໃຫ້ຂະບວນການທາງຄວາມຄິດເຮັດວຽກໄດ້ດີຂຶ້ນ, ມີສະມາທິຫລາຍຂຶ້ນ ແລະ ມີຄວາມເພິງພໍໃຈໃນການເຮັດວຽກຫລາຍຂຶ້ນນຳ ເຊິ່ງສຽງທີ່ນັກວິໄຈໃຊ້ໃນການວິໄຈແມ່ນສຽງນຳ້ຈາກແມ່ນຳ້ລຳທານ ໂດຍຜົນກໍຄື ສຽງນຳ້ຈາກແມ່ນຳ້ລຳທານນີ້ບໍ່ໄດ້ເຮັດໃຫ້ກຸ່ມໂຕຢ່າງເສຍສະມາທິແຕ່ຢ່າງໃດ.

     – ຟັງເພງທີ່ທ່ານມັກ : ການຟັງດົນຕີທີ່ທ່ານມັກສາມາດເຮັດໃຫ້ທ່ານຮູ້ສຶກດີຂຶ້ນໄດ້ Teresa Lesiuk  ຜູ້ຊ່ວຍສາດສະດາຈານດ້ານດົນຕີບຳບັດ ຈາກມະຫາວິທະຍາໄລ ໄມອາມີ ພົບວ່າ : ການມີຄວາມມັກສ່ວນໂຕກ່ຽວກັບດົນຕີເປັນເລື່ອງສຳຄັນ ໂດຍສະເພາະຄົນທີ່ມີທັກສະໃນສາຂາອາຊີບຂອງຕົນ ໂດຍກຸ່ມໂຕຢ່າງຂອງການວິໄຈນີ້ແມ່ນບຸກຄົນທີ່ມັກຟັງເພງທີ່ຕົນເອງມັກໃນຂະນະເຮັດວຽກ ເຊິ່ງຜົນທີ່ໄດ້ແມ່ນວຽກຈະສຳເລັດໄວຂຶ້ນ ທັງຍັງມີໄອເດຍໃນການເຮັດວຽກທີ່ດີກ່ວາກຸ່ມຄົນທີ່ບໍ່ໄດ້ຟັງ ເນື່ອງຈາກເພງທີ່ມັກສາມາດເຮັດໃຫ້ຄົນອາລົມດີຂຶ້ນ ເຊິ່ງເມື່ອທ່ານເຄັ່ງຄຽດ ທ່ານມັກຈະຕັດສິນໃຈເຮັດຫຍັງໄວກ່ວາປົກກະຕິ ຍ້ອນທ່ານບໍ່ມີສະມາທິຢູ່ກັບສິ່ງນັ້ນ ແລະ ເມື່ອທ່ານອາລົມດີ ທ່ານຈະເບິ່ງເຫັນທາງເລືອກໄດ້ຫລາກຫລາຍກ່ວາ, ແຕ່ກໍໍຢ່າເພີດ ເພີນກັບມັນເກີນໄປ. ແນວໃດກໍຕາມ ຍັງມີວຽກງານວິໄຈທີ່ຂັດແຍ່ງວ່າ ດົນຕີທີ່ທ່ານບໍ່ໄດ້ຮູ້ສຶກມັກພໍປານໃດຈະໃຫ້ຜົນດີກ່ວາດົນ ຕີທີ່ທ່ານມັກແຮງ ໂດຍນັກວິໄຈມະຫາວິທະຍາໄລ Fu Jen  Catholic  ໃນເມືອງຊິນຈວງ ປະເທດໄຕ້ຫວັນ ໄດ້ສຶກສາວ່າຄວາມ ມັກໃນດົນຕີຈະສາມາດສົ່ງຜົນຕໍ່ສະມາທິຂອງເຮົາໄດ້ ໂດຍພົບວ່າ: ເມື່ອຄົນເຮົາຟັງເພງທີ່ມັກຫລາຍໆ ຫລື ຊັງຫລາຍໆໃນຂະນະທີ່ເຮັດວຽກຈະເຮັດໃຫ້ເສຍສະມາທິໄດ້.

- Wave100S AD to Website 2020 0 - ເຮັດວຽກໄປພ້ອມກັບຟັງດົນຕີຊ່ວຍເພີ່ມປະສິດທິພາບການເຮັດວຽກ

     – ຟັງດົນຕີທີ່ບໍ່ມີເນື້ອຮ້ອງ : ການວິໄຈຈາກ Cambridge Sound Management ພົບວ່າ ເນື້ອຮ້ອງແມ່ນສິ່ງທີ່ເຮັດໃຫ້ເຮົາ ເສຍສະມາທິ ເນື່ອງຈາກເຮົາມັກຈະໃຫ້ຄວາມສົນໃຈກັບເນື້ອຮ້ອງຫລາຍກ່ວາວຽກທີ່ເຮົາກຳລັງເຮັດຢູ່ ຄືກັບເວລາທີ່ທ່ານໄດ້ຍິນສຽງຄົນເວົ້າ ທ່ານມັກຈະຢຸດການເຮັດວຽກ ແລະ ຫັນໄປຟັງວ່າເຂົາເວົ້າຫຍັງ. ວຽກງານວິໄຈຂອງ Cambridge ໃນປີ 2008  ລະບຸວ່າ : 48% ຂອງຄົນເຮັດວຽກຈະຖືກທຳລາຍສະມາທິໄດ້ງ່າຍຈາກຄຳເວົ້າ ຫລື ການຟັງຄົນອື່ນລົມກັນ ທ່ານມັກຈະບໍ່ມີສະມາທິເທົ່າທີ່ຄວນຫາກທ່ານຟັງເພງທີ່ມີເນື້ອຮ້ອງຄຽງຄູ່ໄປນຳ ເພາະສະມາທິຂອງທ່ານມັກຈະໄປຢູ່ກັບເນື້ອຮ້ອງຫລາຍກ່ວາ. ດັ່ງນັ້ນ ຫາກທ່ານຢາກເຮັດວຽກຢ່າງມີປະສິດທິພາບ ການຟັງເພງທີ່ບໍ່ມີເນື້ອຮ້ອງອາດເປັນທາງເລືອກທີ່ດີສຸດ.

     – ຟັງເພງທີ່ມີຈັງຫວະເໝາະສົມກັບທ່ານ : ຈັງຫວະຂອງເພງສາມາດເປັນໂຕກະຕຸ້ນທີ່ດີ ວຽກງານວິໄຈໜຶ່ງຂອງນັກວິໄຈການາດາ ລະບຸວ່າ : ກຸ່ມໂຕຢ່າງທີ່ຟັງເພງທີ່ມີຈັງຫວະໄວໃນຂະນະທີ່ເຮັດແບບທົດລອງວັດແທກໄອຄິວ ຈະໄດ້ຜົນອອກມາດີກ່ວາ ຖ້າວຽກຂອງທ່ານຕ້ອງການຄວາມຫ້າວຫັນ ລອງຟັງເພງທີ່ມີຈັງຫວະໄວໆ ເຊັ່ນ : ດົນຕີບາໂຣກ (Baroque Music) ກໍເປັນໂຕເລືອກທີ່ດີ ຖ້າຕ້ອງການໃຫ້ວຽກສຳເລັດຢ່າງໄວວາ. ນອກຈາກນີ້ ການວິໄຈຈາກມະຫາວິທະຍາໄລແມຣີແລນ ແລະ ໂຮງໝໍຮາເບີ ລວມເຖິງມະຫາວິທະຍາໄລ Pennsylvania Health System ໄດ້ສະຫລຸບວ່າ : ການຟັງດົນຕີບາໂຣກ ຈະຊ່ວຍໃຫ້ວຽກດຳເນີນໄປໄດ້ສະດວກຂຶ້ນ ທັງຍັງມີອາລົມທີ່ດີຂຶ້ນ.

     – ຟັງເພງທີ່ມີລະດັບຄວາມດັງທ່ີພໍດີ : ລະດັບຄວາມດັງຂອງເພງກໍມີຜົນຕໍ່ການເຮັດວຽກຄືກັນ ຜົນການວິໄຈຈາກ 3 ມະຫາວິທະຍາໄລ University of Illinois, University of British Columbia ແລະ University of Virginia ໄດ້ຂໍ້ສະຫລຸບທີ່ກົງກັນວ່າ : ສຽງທີ່ພໍດີຈະຊ່ວຍໃຫ້ຄົນເຮັດວຽກມີຄວາມຄິດສ້າງສັນຫລາຍຂຶ້ນ ທັງສຽງດັງ ຫລື ສຽງປົກກະຕິລ້ວນແຕ່ມີຜົນເຮັດໃຫ້ຄວາມຄິດຂອງທ່ານເປີດກ້ວາງຂຶ້ນ, ແຕ່ຖ້າສຽງດັງເກີນໄປກໍອາດເຮັດໃຫ້ສະໝອງເຮັດວຽກບໍ່ດີເທົ່າທີ່ຄວນ. ຍົກໂຕຢ່າງ ຖ້າເພງທີ່ທ່ານເປີດດັງຈົນບໍ່ໄດ້ຍິນສຽງຈາກພາຍນອກໄດ້ເລີຍ ນັ້ນສະແດງວ່າເພງຂອງທ່ານດັງເກີນໄປ ແລະ ຫາກເພງຂອງທ່ານຄ່ອຍຈົນບໍ່ສາມາດລົບສຽງບົດສົນທະນາຂອງຄົນຂ້າງໆທ່ານໄດ້ເລີຍ ກໍສະແດງວ່າເພງທີ່ທ່ານຟັງຢູ່ນັ້ນຄ່ອຍເກີນໄປ.

- WhatsApp Image 2020 05 27 at 5 - ເຮັດວຽກໄປພ້ອມກັບຟັງດົນຕີຊ່ວຍເພີ່ມປະສິດທິພາບການເຮັດວຽກ
- WhatsApp Image 2020 05 27 at 5 - ເຮັດວຽກໄປພ້ອມກັບຟັງດົນຕີຊ່ວຍເພີ່ມປະສິດທິພາບການເຮັດວຽກ
error: Alert: ເນື້ອຫາຂ່າວມີລິຂະສິດ !!