ເມືອງຈຳພອນແຂ່ງຂັນຊ່ວງເຮືອ ໃນງານບຸນຫໍ່ເຂົ້າປະດັບດິນຢ່າງຄຶກຄື້ນ

- 3104 - ເມືອງຈຳພອນແຂ່ງຂັນຊ່ວງເຮືອ ໃນງານບຸນຫໍ່ເຂົ້າປະດັບດິນຢ່າງຄຶກຄື້ນ
- Untitled design - ເມືອງຈຳພອນແຂ່ງຂັນຊ່ວງເຮືອ ໃນງານບຸນຫໍ່ເຂົ້າປະດັບດິນຢ່າງຄຶກຄື້ນ

ງານ​ແຂ່ງຂັນ​ຊ່ວງ​ເຮືອ​ໃນ​ງາ​ນບຸນ​ຫໍ່​ເຂົ້າປະດັບ​ດິນ​ຂອງ​ເມືອງ​ຈຳ​ພອນ ​ແຂວງ​ສະຫວັນ​ນະ​ເຂດ ​ໄດ້​ຈັດ​ຂຶ້ນ​ໃນ​ລະຫວ່າງ​ວັນ​ທີ 8-9 ກັນຍາ​ນີ້ ທີ່​ສາຍ​ນ້ຳ​ເຊ​ຈຳ​ພອນ ​ໂດຍ​ມີ​ເຮືອ​ຊ່ວງ​ເຂົ້າຮ່ວມ​ແຂ່ງຂັນ​ທັງ​ໝົດ 34 ລຳ ​ແບ່ງ​ເປັນ 3 ປະ​ເພດ ​ໄດ້​ແກ່ປະ​ເພດ​ເຮືອ​ໃຫຍ່ 25-35 ສີພາຍ ມີ​ເຮືອ​ເຂົ້າຮ່ວມ 7 ລຳ, ປະ​ເພດ​ເຮືອ​ນ້ອຍ (ຊາຍ) 10-12 ສີພາຍ ມີ 24 ລຳ ​ແລະ ປະ​ເພດ​ເຮືອ​ນ້ອຍ (ຜູ້ຍິງ) 10-12 ສີພາຍ ມີ 3 ລຳ ທີ່​ມາ​ຈາກ​ເມືອງ​ຕ່າງໆ​ຄື: ນະຄອນ​ໄກສອນ ພົມວິຫານ, ​ເມືອງ​ສອງ​ຄອນ, ອຸທຸມພອນ, ​ເມືອງ​ພີນ, ຊົນນະ​ບູລີ, ​ໄຊ​ບູລີ ​ແລະ ​ເມືອງ​ອາດ​ສະພັງ​ທອງ. ຈາກ​ນີ້​ກໍ​ຍັງ​ມີ​ເຮືອ​ທີ່​ມາ​ຈາກ​ຕ່າງ​ແຂວງ​ຄື: ຄຳ​ມ່ວນ ​ແລະ ​ແຂວງ​ສາລະ​ວັນ.

ຜ່ານ​ການ​ແຂ່ງຂັນ​ຜົນ​ປາກົດ​ວ່າ: ປະ​ເພດ​ເຮືອ​ໃຫຍ່ 25-35 ສີພາຍ ອັນ​ດັບ 1 ​ໄດ້​ແກ່​ເຮືອ​ເຈົ້າ​ແມ່​ມັງກອນ (​ແຂວງ​ສາລະ​ວັນ) ​ໄດ້​ຮັບ​ຂັນ​ເງິນ 1 ໜ່ວຍ ພ້ອມ​ເງິນ 5 ລ້ານ​ກີບ, ອັນ​ດັບທີ 2 ​ເຮືອ​ໜຸ່ມ​ສາລະ​ວັນ (​ແຂວງ​ສາລະ​ວັນ) ​ໄດ້​ຮັບ​ຂັນ​ລາງວັນ ພ້ອມ​ເງິນ 3 ລ້ານ​ກີບ, ອັນ​ດັບ​ທີ 3 ​ແມ່ນ​ເຮືອ​ແກ້ວ​ຄູນ​ເມືອງ (​ເມືອງ​ຈຳ​ພອນ) ​ໄດ້​ຮັບ​ຂັນ​ລາງວັນ ພ້ອມ​ເງິນ 2 ລ້ານ​ກີບ, ອັນ​ດັບ 4 ​ໄດ້​ແກ່​ເຮືອ​ຂຸນ​ຊ້າງ ​ເມືອງ​ພີນ ​ໄດ້​ຮັບ​ຂັນ​ລາງວັນ ພ້ອມ​ເງິນສົດ 1,5 ລ້ານ​ກີບ; ປະ​ເພດ​ເຮືອ​ນ້ອຍ (ຊາຍ) 10-12 ສີພາຍ ຊະນະ​ເລີດ​ໄດ້​ແກ່​ເຮືອ 5 ​ເມສາ ປກສ ​ເມືອງ​ຈຳ​ພອນ ​ໄດ້​ຮັບ​ຂັນ ພ້ອມ​ເງິນ 3 ລ້ານ​ກີບ, ອັນ​ດັບ​ທີ 2 ​ແມ່ນ​ເຮືອ​ພອນ​ພິສິດ​ໄຊ ບ້ານ​ແກ້ງ​ກອກ​ເໜືອ ​ໄດ້​ຮັບ​ຂັນ​ລາງວັນ ພ້ອມ​ເງິນ 2 ລ້ານ​ກີບ, ອັນ​ດັບ​ທີ 3 ​ໄດ້​ແກ່​ເຮືອ​ໜຸ່ມ​ເຊ​ທ່າ​ມວກ ​ເມືອງ​ພີນ ​ໄດ້​ຮັບ​ຂັນ​ລາງວັນ ພ້ອມ​ເງິນ 1 ລ້ານ​ກີບ, ອັນ​ດັບ​ທີ 4 ຄື​ເຮືອ​ນາງ​ຄຳ​ໄຫລ ບ້ານ​ຫ້ວຍ​ຂຽວ ​ເມືອງ​ຫີນ​ບູນ ​ໄດ້​ຮັບ​ຂັນ​ລາງວັນ ພ້ອມ​ເງິນ 7 ​ແສນ​ກີບ, ສ່ວນ​ການ​ແຂ່ງຂັນ​ປະ​ເພດ​ເຮືອ​ນ້ອຍ (ຍິງ) 10-12 ສີພາຍ ຊະນະ​ເລີດ​ໄດ້​ແກ່​ເຮືອ​ແກ້ງ​ກອກດວງ​ໃຈ​ສາທາ ​ເມືອງ​ຈຳ​ພອນ ​ໄດ້​ຮັບ​ຂັນ​ລາງວັນ ພ້ອມ​ເງິນສົດ 3 ລ້ານ​ກີບ, ອັນ​ດັບ​ທີ 2 ​ແມ່ນ​ເຮືອ​ສາວ​ສວຍ​ຈຳ​ພອນ ບ້ານ​ແກ້ງ​ກອກ​ທົ່ງ ​ໄດ້​ຮັບ​ຂັນ​ລາງວັນ ພ້ອມ​ເງິນສົດ 2 ລ້ານ​ກີບ, ອັນ​ດັບ​ທີ 3 ຄື​ເຮືອ​ສາວ​ແມ່ຮ້າງ​ນ້ອຍ ​ໄດ້​ຮັບ​ຂັນ​ລາງວັນ ພ້ອມ​ເງິນສົດ 1 ລ້ານ​ກີບ.

- Wave100S AD to Website 2020 0 - ເມືອງຈຳພອນແຂ່ງຂັນຊ່ວງເຮືອ ໃນງານບຸນຫໍ່ເຂົ້າປະດັບດິນຢ່າງຄຶກຄື້ນ
- WhatsApp Image 2020 05 27 at 5 - ເມືອງຈຳພອນແຂ່ງຂັນຊ່ວງເຮືອ ໃນງານບຸນຫໍ່ເຂົ້າປະດັບດິນຢ່າງຄຶກຄື້ນ
- WhatsApp Image 2020 05 27 at 5 - ເມືອງຈຳພອນແຂ່ງຂັນຊ່ວງເຮືອ ໃນງານບຸນຫໍ່ເຂົ້າປະດັບດິນຢ່າງຄຶກຄື້ນ
error: Alert: ເນື້ອຫາຂ່າວມີລິຂະສິດ !!