ຊິມບຳເວປະກາດອະຫິວາ ລະບາດໃນເມືອງຫລວງ

- advert banner 728 90 728x90 - ຊິມບຳເວປະກາດອະຫິວາ ລະບາດໃນເມືອງຫລວງ

ຊິ​ມບຳ​ເວ ປະ​ເທ​ດທາງ​ຕອນ​ໃຕ້ຂອງ​ທະວີບອາ​ຟຣິກາ ປະກາດ​ອະຫິ​ວາລະ​ບາດ​ໃນ​ນະຄອນຫລວງ​ຮາຣາ​ເຣ ພາຍຫລັງ​ມີ​ຜູ້​ເສຍ​ຊີວິດ 20 ຄົນ, ຕິດ​ເຊື້ອຫລາຍ​ກວ່າ 2.000 ຄົນ ​ເພາະ​ດື່ມນ້ຳປົນ​ເປື້ອນ​ເຊື້ອອະຫິວາ.

ທ່ານ ​ໂອ​ບາ​ດິອາ ​ໂມ​ໂຍ ລັດຖະມົນຕີ​ສາທາລະນະ​ສຸກ​ຄົນ​ໃໝ່​ຂອງ​ຊິ​ມບຳ​ເວ ກ່າວ​ພາຍຫລັງຢ້ຽມຢາມ​ໂຮງໝໍ​ແຫ່ງ​ໜຶ່ງ​ໃນ​ເມືອງ​ຫລວງ ທີ່​ກຳລັງ​ປິ່ນປົວ​ຜູ້​ປ່ວຍ​ອະຫິ​ວາ​ວ່າ: ​ໄດ້​ປະກາດ​ສະຖານະ​ການ​ສຸກ​ເສີນ​ໃນ​ນະຄອນຫລວງ​ຮາຣາ​ເຣ ​ເພື່ອ​ໃຫ້​ສາມາດ​ຄວບ​ຄຸມ​ອະຫິວາ, ​ໄທ​ຟອຍ ​ແລະ ທຸກ​ພະຍາດ​ທີ່​ກຳລັງ​ລະບາດ ​ເພາະ​ບໍ່​ຕ້ອງການ​ໃຫ້​ມີ​ຜູ້​ເສຍ​ຊີວິດ​ອີກ. ທາງ​ການ​ໄດ້​ສັ່ງ​ຫ້າມ​ພໍ່ຄ້າ​ແມ່​ຄ້ານ​ອກນະຄອນຫລວງ​ຮາຣາ​ເຣທີ່​ພົບ​ການລະບາດ​ຈຳໜ່າຍ​ຊີ້ນ​ສັດ ​ແລະ ປາ ​ໂດຍ​ຂໍ​ໃຫ້​ຕຳຫລວດ​ບັງຄັບ​ໃຊ້​ຄຳ​ສັ່ງ​ນີ້​ຢ່າງ​ເຄັ່ງ​ຂັດ. ນອກຈາກ​ນີ້ ຍັງ​ໄດ້​ສັ່ງ​ຢຸດ​ການ​ຮຽນ-ການ​ສອນ​ຢູ່​​ໂຮງຮຽນ​ບາງ​ແຫ່ງ​ໃນ​ເຂດ​ຊານ​ເມືອງ​ສອງ​ແຫ່ງ​ທີ່​ເປັນ​ສູນ​ກາງ​ການລະບາດ ​ແລະ ​ໄດ້​ຂໍ​ໃຫ້​ສະຫະ​ປະຊາ​ຊາດ ​ແລະ ພາກ​ເອກະ​ຊົນ​ຊ່ວຍ​ຈັດ​ສັນນ້ຳສະອາດ​ໃຫ້​ປະຊາຊົນ.

- 1 1 - ຊິມບຳເວປະກາດອະຫິວາ ລະບາດໃນເມືອງຫລວງ
- Tiger Head 728x90 - ຊິມບຳເວປະກາດອະຫິວາ ລະບາດໃນເມືອງຫລວງ

ຊິ​ມບຳ​ເວ ​ເຄີຍ​ເກີດ​ອະຫິ​ວາລະ​ບາດ​ຄັ້ງ​ໃຫຍ່​ທີ່​ສຸດ​ໃນ​ປີ 2008 ​ເປັນ​ໄລຍະ​ທີ່​ວິ​ກິດ​ການ​ເງິນ​ໂລກ​ປີ 2008-2009 ​ເຖິງ​ຈຸດ​ຮຸນ​ແຮງ​ທີ່​ສຸດ ມີ​ຜູ້​ເສຍ​ຊີວິດ​ຫລາຍ​ກວ່າ 4.000 ຄົນ ​ແລະ ຕິດ​ເຊື້ອອີກ​ກວ່າ 40.000 ຄົນ, ສ່ວນ​ການລະບາດ​ຄັ້ງນີ້​ເກີດ​ຂຶ້ນ​ເພາະ​ທໍ່​ລະບາຍ​ນ້ຳ​ໃນ​ເຂດ​ຊານ​ເມືອງ​ສອງ​ແຫ່ງ​ແຕກ ນ້ຳ​ເປື້ອນ​ໄຫລ​ໄປ​ປົນ​ເປື້ອນຂຸມ​ທີ່​ປະຊາຊົນ​ຂຸດ​ເຈາະ​ລົງ​ໄປ​ຫານ້ຳບາ​ດານ​ ​ແລະ ຫ້ວຍ ​​ເຊິ່ງ​ເປັນ​ແຫ​ລ່ງນ້ຳກິນນ້ຳ​ໃຊ້​ຫລັກ​ຂອງປະຊາຊົນ ​ເພາະ​ເມືອງ​ຫລວງ​ຍັງ​ບໍ່​ມີນ້ຳປະປາ​ໃຊ້​ຢ່າງ​ທົ່ວ​ເຖິງ.

error: Content is protected !!