ຫວຽດນາມຮຽກຮ້ອງ ປະຊາຊົນຢຸດກິນຊີ້ນໝາ

- advert banner 728 90 728x90 - ຫວຽດນາມຮຽກຮ້ອງ ປະຊາຊົນຢຸດກິນຊີ້ນໝາ

ທາງ​ການ​ຫວຽດນາມ​​ໃນ​ນະຄອນຫລວງ​ຮ່າ​ໂນ້ຍອອກ​ມາ​ຮຽກຮ້ອງ​ໃຫ້​ປະຊາຊົນ​ຢຸດ​ກິນ​ຊີ້ນ​ໝາ ​ເພາະ​ກະທົບ​ພາບ​ພົດ​ຂອງ​ເມືອງ. ນອກຈາກ​ນັ້ນ ການ​ລ້ຽງ ​ແລະ ຂ້າ​ໝາ ຖ້າ​ບໍ່​ຖືກ​ສຸຂະ​ລັກສະນະ​ອາດ​ແຜ່​ເຊື້ອຫວໍ້.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຫວງຽນ ຟານ ຊູ ຮອງ​ເຈົ້າຄອງ​ນະຄອນຫລວງ​ຮ່າ​ໂນ້ຍ ກ່າວ​ຮຽກຮ້ອງ​ໃຫ້​ປະຊາຊົນ​ຢຸດ​ການ​ບໍລິ​ໂພ​ກຊີ້ນ​ໝາ ​ເຊິ່ງຊາວ​ຫວຽດນາມ​ຫລາຍ​ຄົນ​ຍັງ​ມີ​ຄວາມ​ເຊື່ອ​ວ່າ: ຖ້າ​ຮັບ​ປະທານ​ຊີ້ນ​ໝາ​ແລ້ວ​ຈະ​ເຮັດ​ໃຫ້​ສຸຂະພາບ​​ແຂງ​ແຮງ, ​ແຕ່​ການ​ຂ້າ ​ແລະ ບໍລິ​ໂພ​ກຊີ້ນ​ໝາ ລວມທັງ​ຊີ້ນ​ແມວ​ນັ້ນ ສ້າງ​ຄວາມ​ລຳບາກ​ໃຈ​ໃຫ້​ຊາວ​ຕ່າງປະ​ເທດ ​ແລະ ຍັງ​ກະທົບ​ຕໍ່​ພາບ​ພົດ​ຂອງ​ເມືອງ​ຫລວງ​ຫວຽດນາມ ​ໃນ​ຖານະ​ເມືອງ​ຫລວງ​ທີ່​ນຳ​ສະ​ໄໝ ​ແລະ ມີ​ອາ​ລິ​ຍະ​ທຳ. ນອກຈາກ​ນັ້ນ ຮອງ​ເຈົ້າຄອງ ຍັງ​ໄດ້​ສັ່ງ​ໃຫ້​ເຈົ້າໜ້າ​ທີ່​ທ້ອງ​ຖິ່ນ​ເລັ່ງປຸກລະດົມ​ໃຫ້​ປະຊາຊົນ​ໄດ້​ຮັບ​ຮູ້​ເຖິງ​ອັນຕະລາຍ​ຂອງ​ພະຍາດ​ຫວໍ້ ຖ້າ​ການ​ລ້ຽງ ​ແລະ ຂ້າ​ເພື່ອ​ບໍລິ​ໂພ​ກຊີ້ນ​ບໍ່​ຖືກ​ສຸຂະ​ລັກສະນະ ​ເຊິ່ງການ​ປຸກລະດົມ​ຂອງ​ທາງ​ການ​ຫວຽດນາມ ​ເພື່ອ​ມຸ່ງ​ກຳຈັດ​ພະຍາດ​ຫວໍ້​ໃຫ້​ໝົດ​ໄປ​ພາຍ​ໃນ​ປີ 2021.

- 1 1 - ຫວຽດນາມຮຽກຮ້ອງ ປະຊາຊົນຢຸດກິນຊີ້ນໝາ
- Tiger Head 728x90 - ຫວຽດນາມຮຽກຮ້ອງ ປະຊາຊົນຢຸດກິນຊີ້ນໝາ

​ເຈົ້າໜ້າ​ທີ່​ຫວຽດນາມ​ລະບຸ​ວ່າ: ມີ​ໝາ ​ແລະ ​ແມວ 493.000 ​ໂຕ​ ​ໃນ​ນະຄອນຫລວງ​ຮ່າ​ໂນ້ຍ ​ແລະ ຫລາຍ​ກວ່າ 10% ລ້ຽງ​ເພື່ອ​ຈຸດປະສົງ​ດ້ານ​ການ​ນຳ​ມາ​ບໍລິ​ໂພ​ກ​ເປັນ​ອາຫານ.

error: Content is protected !!