ລັດວິສາຫະກິດ ຫວຍພັດທະນາມອບພັນທະເຂົ້າງົບປະມານ 19,68 ຕື້ກວ່າກີບ

- Lao lottery - ລັດວິສາຫະກິດ ຫວຍພັດທະນາມອບພັນທະເຂົ້າງົບປະມານ 19,68 ຕື້ກວ່າກີບ
- Untitled design - ລັດວິສາຫະກິດ ຫວຍພັດທະນາມອບພັນທະເຂົ້າງົບປະມານ 19,68 ຕື້ກວ່າກີບ

ລັດວິສາຫະກິດຫວຍພັດທະນາ (LAO LOTTERY) ແມ່ນຫົວໜ່ວຍທຸລະກິດໜຶ່ງຂອງລັດຂຶ້ນກັບກະຊວງການເງິນໂດຍກົງ, ມີໜ້າທີ່ເຄື່ອນໄຫວດຳເນີນທຸລະກິດຫວຍພັດທະນາທຸກປະເພດ, ມີການຄຸ້ມຄອງຕິດຕາມກວດກາແຕ່ຂັ້ນສູນກາງຮອດທ້ອງຖິ່ນ, ໂດຍມີຄະນະກຳມະການຄຸ້ມຄອງການອອກເລກລາງວັນປະຈຳຢູ່ແຕ່ລະແຂວງ ແລະ ເມືອງ.

ສ່ວນການອອກເລກລາງວັນຫວຍພັດທະນາ ແມ່ນລວມສູນຢູ່ບໍລິສັດ ລັດວິສາຫະກິດຫວຍພັດທະນາ ບ່ອນດຽວ 1 ຄັ້ງ/ ອາທິດ ໂດຍກຳນົດເອົາທຸກໆວັນພຸດເປັນມື້ອອກເລກລາງວັນ, ເລີ່ມແຕ່ເວລາ 20:00 ໂມງເປັນຕົ້ນໄປ ແລະ ເພື່ອຮັບປະກັນຄວາມໂປ່ງໃສໃຫ້ແກ່ຜູ້ສ່ຽງໂຊກການອອກເລກລາງວັນແຕ່ລະຄັ້ງ ແມ່ນມີຄະນະກຳມະການຄຸ້ມຄອງການອອກເລກລາງວັນທີ່ມາຈາກ 7 ພາກສ່ວນອ້ອມຂ້າງສູນກາງ, ໄດ້ມີການຖ່າຍທອດສົດທາງວິທະຍຸ, ໂທລະພາບ ແລະ ທາງສື່ສັງຄົມອອນລາຍ. ນອກນັ້ນ ຍັງແຈ້ງຜ່ານໂທລະສັບມືຖືລະບົບຂໍ້ຄວາມສັ້ນ (SMS) ແລະ ລົງໂຄສະນາແຈ້ງຜົນທາງສື່ໜັງສືພິມໃນມື້ຕໍ່ໄປນຳອີກ.

ຕາມການເປີດເຜີຍຜົນການດຳເນີນທຸລະກິດຫວຍພັດທະນາໃນໄລຍະ 6 ເດືອນຕົ້ນປີ 2018 ທີ່ໄດ້ຈັດຂຶ້ນໃນຫວ່າງບໍ່ດົນມານີ້, ພ້ອມທັງພິຈາລະນາ ແລະ ຮັບຮອງແຜນການດຳເນີນທຸລະກິດງວດ III (ເດືອນ 7,8,9) ແລະ 6 ເດືອນທ້າຍປີ 2018 ແລະ ບາງວຽກງານອັນຈຳເປັນຮີບດ່ວນຈຳນວນໜຶ່ງ.

ສິ່ງທີ່ພົ້ນເດັ່ນໃນການເຄື່ອນໄຫວທຸລະກິດໄລຍະ 6 ເດືອນຕົ້ນປີ 2018  ລວມຍອດລາຍຮັບປະຕິບັດໄດ້ 30,51 ຕື້ກວ່າກີບ ເທົ່າກັບ 149, 26% ຂອງແຜນການ, ກຳໄລລວມ 22,39 ຕື້ກວ່າກີບ ເທົ່າກັບ 240,79% ຂອງແຜນການ, ສາມາດມອບພັນທະງົບປະມານໃຫ້ລັດໄດ້ 19,68 ຕື້ກວ່າກີບ ເທົ່າກັບ 222,84% ຂອງແຜນການ. ນອກນັ້ນ, ບໍລິສັດ ລັດວິສາຫະກິດ ຫວຍພັດທະນາ ຍັງໄດ້ປະກອບສ່ວນຊື້ພັນທະບັດຄັງເງິນແຫ່ງຊາດເພື່ອດຸ່ນດ່ຽງງົບປະມານເປັນເງິນ 100 ຕື້ກີບ, ໂດຍສະເລ່ຍແລ້ວປີໜຶ່ງໆສາມາດສ້າງລາຍຮັບເຂົ້າງົບປະມານໄດ້ຫຼາຍຕື້ກີບ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ, ປະກອບສ່ວນຊຸກຍູ້ຄືນຜົນປະໂຫຍດໃຫ້ແກ່ສັງຄົມດ້ວຍການປະກອບສ່ວນສ້າງ ແລະ ສ້ອມແປງໂຮງຮຽນ, ຊ່ວຍເຫຼືອ ອຸປະກອນການສຶກສາ, ອຸປະກອນກິລາແກ່ບັນດາໂຮງຮຽນ, ມອບອຸປະກອນການແພດ ແລະ ເຄື່ອງໃຊ້ທີ່ຈຳເປັນໃຫ້ແກ່ໂຮງໝໍທີ່ຍັງຂາດເຂີນທຶນຮອນ, ຜູ້ປະສົບອຸທົກກະໄພ ແລະ ສິ່ງສາທາລະນະປະໂຫຍດລວມອື່ນໆເປັນມູນຄ່າຫຼາຍຕື້ກີບ.

- Wave100S AD to Website 2020 0 - ລັດວິສາຫະກິດ ຫວຍພັດທະນາມອບພັນທະເຂົ້າງົບປະມານ 19,68 ຕື້ກວ່າກີບ

ສຳລັບໃນງວດ III (ເດືອນ 7,8,9) ແລະ 6 ເດືອນທ້າຍປີ 2018 ຫວຍພັດທະນາຈະສືບຕໍ່ສູ້ຊົນຈັດຕັ້ງປະຕິບັດການດຳເນີນທຸລະກິດໃຫ້ໄດ້ຕາມແຜນການວາງໄວ້ຄື: ດ້ານການຈຳໜ່າຍໃຫ້ມີຄວາມທັນສະໄໝສາມາດຄຸ້ມຄອງໄດ້ຢ່າງລວມສູນ, ສົ່ງເສີມພັດທະນາດ້ານບຸກຄະລາກອນໃຫ້ມີຄວາມຮູ້ຄວາມສາມາດ, ຄົ້ນຄວ້າປັບປຸງນິຕິກຳຄຸ້ມຄອງການເຄື່ອນໄຫວໃຫ້ສອດຄ່ອງແຕ່ລະໄລຍະ, ຂະ ຫຍາຍຕະຫລາດຈຳໜ່າຍໃຫ້ທົ່ວເຖິງໃນຂອບເຂດທົ່ວປະເທດ, ປະຕິບັດພັນທະເຂົ້າງົບປະມານໃຫ້ໄດ້ຕາມແຜນການ.

- WhatsApp Image 2020 05 27 at 5 - ລັດວິສາຫະກິດ ຫວຍພັດທະນາມອບພັນທະເຂົ້າງົບປະມານ 19,68 ຕື້ກວ່າກີບ
- WhatsApp Image 2020 05 27 at 5 - ລັດວິສາຫະກິດ ຫວຍພັດທະນາມອບພັນທະເຂົ້າງົບປະມານ 19,68 ຕື້ກວ່າກີບ
error: Alert: ເນື້ອຫາຂ່າວມີລິຂະສິດ !!