ທາບທາມຄວາມຄິດເຫັນໃສ່ຮ່າງກົດໝາຍວ່າດ້ວຍການປະກັນໄພ ສະບັບປັບປຸງໃໝ່

- Assurance Law - ທາບທາມຄວາມຄິດເຫັນໃສ່ຮ່າງກົດໝາຍວ່າດ້ວຍການປະກັນໄພ ສະບັບປັບປຸງໃໝ່
- Untitled design - ທາບທາມຄວາມຄິດເຫັນໃສ່ຮ່າງກົດໝາຍວ່າດ້ວຍການປະກັນໄພ ສະບັບປັບປຸງໃໝ່

ໃນວັນທີ 12 ກັນຍານີ້, ກົມຄຸ້ມຄອງ ພັດທະນາລັດວິສາຫະກິດ ແລະ ການປະກັນໄພ ກະຊວງການເງິນ, ໄດ້ຈັດກອງປະຊຸມ ທາບທາມຄວາມຄິດເຫັນກ່ຽວກັບຮ່າງກົດໝາຍວ່າດ້ວຍ ການປະກັນໄພ ສະບັບປັບປຸງໃໝ່, ໂດຍການເປັນປະທານຂອງທ່ານ ບຸນເຫຼືອ ສິນໄຊວໍຣະວົງ ຫົວໜ້າກົມນະໂຍບາຍການເງິນ ແລະ ນິຕິກໍາ, ຫົວໜ້າຄະນະຊີ້ນຳການປັບປຸງກົດໝາຍດັ່ງກ່າວ ແລະ ມີຜູ້ຕາງໜ້າຈາກກະຊວງຕ່າງໆເຂົ້າຮ່ວມນໍາດ້ວຍ.

ກົດໝາຍວ່າດ້ວຍ ການປະກັນໄພ ສະບັບທຳອິດຂອງລາວ ຖືກຮັບຮອງໃນປີ 1990 ເພື່ອເປັນນິຕິກຳພື້ນຖານ ແລະ ເປັນບ່ອນອີງໃນການຄຸ້ມຄອງທຸລະກິດປະກັນໄພຂອງລາວ ໃນເວລານັ້ນ, ເຊິ່ງມີພຽງແຕ່ ບໍລິສັດປະກັນໄພລາວ (AGL) ທີ່ເປັນບໍລິສັດ ຮ່ວມທຶນລະຫວ່າງ ລັດຖະບານລາວ ແລະ ບໍລິສັດ ອາລີອັນ. ໃນໄລຍະຕໍ່ມາ ເຫັນວ່າຫຼາຍບໍລິສັດປະກັນໄພຕ່າງປະເທດ ເລີ່ມມາດຳເນີນທຸລະກິດຢູ່ລາວຫຼາຍຂຶ້ນ ຈຶ່ງຮຽກຮ້ອງໃຫ້ ມີການປັບປຸງກົດໝາຍປະກັນໄພ ໃນປີ 2011 ແລະ ນໍາໃຊ້ຈົນຮອດປັດຈຸບັນ. ນັບແຕ່ປີ 2016 ເປັນຕົ້ນມາ ເຫັນວ່າ ບໍລິສັດປະກັນໄພຢູ່ລາວ ເພີ່ມຂຶ້ນແບບກ້າວກະໂດດຈາກ 11 ບໍລິສັດ ມາເປັນ 24 ບໍລິສັດໃນປັດຈຸບັນ, ແຕ່ລັດຖະບານ ຍັງບໍ່ມີນິຕິກໍາຢ່າງພຽງພໍສໍາລັບ ການຄຸ້ມຄອງໃຫ້ມີປະສິດທິຜົນ, ດັ່ງນັ້ນຈຶ່ງມີຄວາມຈຳເປັນໃນການປັບປຸງກົດໝາຍດັ່ງກ່າວໃຫ້ມີຄວາມຮັດກຸມ ແລະ ສອດຄ່ອງກັບສະພາບການຄຸ້ມຄອງວຽກງານປະກັນໄພໃນປັດຈຸບັນ ແລະ ອະນາຄົດ ແລະ ສອດຄ່ອງກັບຫຼັກການຄຸ້ມຄອງວຽກງານປະກັນໄພສາກົນ ເພື່ອເປັນບ່ອນອີງໃຫ້ແກ່ ກະຊວງການເງິນ ໃນການຄຸ້ມຄອງ ກວດກາ ແລະ ຕິດຕາມການດຳເນີນທຸລະກິດປະກັນໄພ ໃຫ້ມີປະສິດທິຜົນ ແລະ ຮັກສາໄດ້ສິດຜົນປະໂຫຍດອັນຊອບທຳຂອງ ຜູ້ຊື້-ຜູ້ຂາຍປະກັນໄພ ແລະ ພາກສ່ວນທີ່ກ່ຽວຂ້ອງ. ພ້ອມນັ້ນ, ຜູ້ເຂົ້າຮ່ວມໄດ້ຊ່ວຍກັນຄົ້ນຄວ້າ ແລະ ປະກອບຄຳເຫັນຢ່າງກົງໄປກົງມາ ເພື່ອເຮັດໃຫ້ກົດໝາຍປະກັນໄພ ສະບັບປັບປຸງໃໝ່ນີ້ ມີເນື້ອໃນຄົບຖ້ວນສົມບູນ ແລະ ສ່ອດຄ່ອງກັບກົດໝາຍ ແລະ ລະບຽບການກ່ຽວຂ້ອງຂອງລາວ.

- Wave100S AD to Website 2020 0 - ທາບທາມຄວາມຄິດເຫັນໃສ່ຮ່າງກົດໝາຍວ່າດ້ວຍການປະກັນໄພ ສະບັບປັບປຸງໃໝ່
- WhatsApp Image 2020 05 27 at 5 - ທາບທາມຄວາມຄິດເຫັນໃສ່ຮ່າງກົດໝາຍວ່າດ້ວຍການປະກັນໄພ ສະບັບປັບປຸງໃໝ່
- WhatsApp Image 2020 05 27 at 5 - ທາບທາມຄວາມຄິດເຫັນໃສ່ຮ່າງກົດໝາຍວ່າດ້ວຍການປະກັນໄພ ສະບັບປັບປຸງໃໝ່
error: Alert: ເນື້ອຫາຂ່າວມີລິຂະສິດ !!