ນັກຮຽນດີຮຽນເກັ່ງກໍຍ້ອນຄູ-ອາຈານສອນດີສອນເກັ່ງ

- 2411 1 - ນັກຮຽນດີຮຽນເກັ່ງກໍຍ້ອນຄູ-ອາຈານສອນດີສອນເກັ່ງ
- Untitled design - ນັກຮຽນດີຮຽນເກັ່ງກໍຍ້ອນຄູ-ອາຈານສອນດີສອນເກັ່ງ

ໂດຍ: ທິດກ່ຳ

ມາຮອດປັດຈຸບັນ, ຖືວ່າ ການຮຽນ-ການສອນຂອງນັກຮຽນ, ຄູ-ອາຈານປະຈຳສົກຮຽນ 2018-2019 ຂອງໂຮງຮຽນສາຍສາມັນໃນທົ່ວປະ ເທດກໍພວມດຳເນີນໄປດ້ວຍ ບັນຍາກາດອັນດີ.

ນັກຮຽນລາວ ຊະນະເລີດການປະກວດຮູບແຕ້ມທີ່ຍີ່ປຸ່ນ

ນັກຮຽນລາວ​ເຂົ້າຮ່ວມໂຄງການແລກປ່ຽນໄວໜຸ່ມຍີ່ປຸ່ນ-ອາຊີ ດ້ານວິທະຍາສາດ

ແຕ່ໄປຄຽງຄູ່ກັນນັ້ນ, ກໍຍັງມີໂຮງຮຽນສາມັນຫລາຍ ແຫ່ງໃນບາງທ້ອງຖິ່ນຍັງບໍ່ ທັນສາມາດເປີດ ການຮຽນ- ການສອນໄດ້ຍ້ອນວ່າປະສົບ ບັນຫາໄພນ້ຳຖ້ວມ ເຊິ່ງມາ ຮອດປັດຈຸບັນມີໂຮງຮຽນຫລາຍແຫ່ງກໍຍັງຟູມນ້ຳຢູ່, ໂດຍສະເພາະແມ່ນແຖວລ່ອງ ນ້ຳ, ລ່ອງເຊ ແລະ ຢູ່ແຄມຂອງ ໃນຫລາຍເມືອງຫລາຍແຂວງ ໃນທົ່ວປະເທດ.

ແນວໃດກໍດີ, ຕາມທິດກ່ຳ ວ່າບັນຫາອຸຫົກກະໄພຢູ່ບ້ານ ເຮົາໃນປີນີ້ກໍຖືວ່າໜັກໜ່ວງ ພໍສົມຄວນ, ແຕ່ກໍຄິດວ່າ ມັນ ບໍ່ອາດເກີດຂຶ້ນໃນທຸກໆປີ, ຕາມປະຫວັດສາດສຳລັບ ບ້ານເຮົາຜ່ານມາມັນກໍຍັງມີ ປີແລ້ງປີຖ້ວມຕາມສະພາບ ການປ່ຽນແປງຂອງດິນຟ້າ ອາກາດໃນແຕ່ລະປີ.

ເມື່ອອ່ວາຍໜ້າມາ ເວົ້າ ເລື່ອງການຮຽນ-ການສອນ ຂອງເຫລົ່ານັກຮຽນ ແລະ ຄູ- ອາ ຈານໃນສົກຮຽນປີນີ້ມີຫລາຍ ໂຮງຮຽນກໍໄດ້ຕັ້ງເປົ້າວ່າ ຈະພັດທະນາໂຮງຮຽນຂອງ ຕົນໃຫ້ກ້າວສູ່ຄວາມເປັນມາດ ຕະຖານຂຶ້ນເລື້ອຍໆ, ອັນສຳ ຄັນແມ່ນເລັ່ງໃສ່ຄຸນນະພາບ ແລະ ຈະດຳເນີນການສິດສອນ ໄປຕາມ 5 ຫລັກ ມູ ແລະ 3 ລັກ ສະນະທີ່ທາງກະຊວງສຶກສາ ໄດ້ວາງອອກຢ່າງເຄັ່ງຄັດ, ເພື່ອ ກ້າວໄປເຖິງຈຸດໝາຍປາຍທາງທີ່ວາງໄວ້.

- Wave100S AD to Website 2020 0 - ນັກຮຽນດີຮຽນເກັ່ງກໍຍ້ອນຄູ-ອາຈານສອນດີສອນເກັ່ງ

ບາງໂຮງຮຽນກໍໄດ້ວາງ ກົດເຫລັກອອກຢ່າງຈິງຈັງ ແລະ ເຂັ້ມງວດເປັນຕົ້ນຄື: ໂຮງຮຽນມັດທະຍົມສົມບູນ ວຽງຈັນກໍໄດ້ວາງຄາດໝາຍ ຈະພັດທະນາໂຮງຮຽນຂອງ ຕົນໃຫ້ເປັນຕົວແບບຄື: ໜຶ່ງ ບໍ່ໃຫ້ນັກຮຽນໃຊ້ສະມາດໂຟນ ເຂົ້າໄປໃນໂຮງຮຽນຢ່າງເດັດ ຂາດ, ສອງສ້າງໂຮງຮຽນ ປອດ ສິ່ງເສບຕິດ ແລະ ປະກົດການ ຫຍໍ້ທໍ້, ສາມສິດສອນໃຫ້ມີ ຄຸນນະພາບ.
ສ່ວນວ່າໂຮງຮຽນອື່ນໆ ນັ້ນໂດຍລວມແລ້ວໃນທົ່ວປະ ເທດຕ່າງກໍວາງຄາດໝາຍໃຫ້ ຜົນການສອບເສັງໃນສິ້ນປີ ຮຽນຕ້ອງໃຫ້ໄດ້ໃນລະດັບ 95 ຫາ 100%.

ນອກຈາກນັ້ນ, ບັນດາ ໂຮງຮຽນເອກະຊົນທີ່ມີຢູ່ໃນ ນະຄອນຫລວງ, ຕາມຕົວເມືອງ ໃຫຍ່ໆ ກໍຍິ່ງໄດ້ ເອົາໃຈໃສ່ຕໍ່ ມາດ ຕະຖານຂອງໂຮງຮຽນ ບໍ່ວ່າໃນດ້ານລະບຽບວິໄນ, ການຮຽນຂອງນັກຮຽນ ແລະ ການສິດສອນຂອງຄູອາຈານ ກໍຕ້ອງຢູ່ໃນຂັ້ນມາດຕະຖານ ເປັນເລີດ.

ໃນຄວາມເປັນຈິງ ແລ້ວ, ນັບແຕ່ລັດຖະບານເຮົາກໍຄືກະ ຊວງສຶກສາໄດ້ປັບປຸງລະບົບ ການສຶກສາ ແລະ ໂຄງການ ສຶກສາໂດຍຫັນເອົາຄຸນນະພາບ ເປັນຫລັກໃນຫລາຍປີຜ່ານ ມານີ້, ຍິ່ງເຮັດໃຫ້ຄຸນນະພາບ ການສຶກສາໃນປະເທດເຮົາ ນັບມື້ດີຂຶ້ນເທື່ອລະກ້າວ.
ສິ່ງທີ່ສະແດງອອກໃຫ້ ເຫັນຢ່າງເປັນຮູບປະທຳກໍຄື ມີນັກຮຽນ, ນັກສຶກສາໃນຫລາຍ ໂຮງຮຽນ ແລະ ຫລາຍສະຖາ ບັນເວລາໄປຮ່ວມແຂ່ງຂັນ ນັກຮຽນດີ, ນັກຮຽນເກັ່ງໃນ ແຕ່ລະສາຂາວິຊາຢູ່ພາກພື້ນ ແລະ ຢູ່ ໃນໂລກກໍສາມາດຍາດ ໄດ້ຄະແນນດີມີລາງວັນມາ ອ້າງໜ້າອ້າງຕາໃຫ້ຕົນເອງ, ຜູ້ ປົກຄອງພໍ່ແມ່ ແລະ ປະເທດ ຊາດຫລາຍສິບຫລາຍຮ້ອຍຄົນ ມາແລ້ວ.

ເຖິງຢ່າງໃດກໍດີ, ຕາມທິດ ກ່ຳວ່າຖ້າເວົ້າເຖິງການສຶກສາ ຮ່ຳຮຽນຂອງລູກຂອງຫລານ ໃນຍຸກສະໃໝ່ນີ້ຖ້າຢາກໃຫ້ ນັກຮຽນດີ, ມີນັກຮຽນເກັ່ງ ຫລາຍໆ ມັນກໍຕ້ອງຂຶ້ນຢູ່ກັບ ຄູ-ອາຈານເປັນຜູ້ສິດສອນເວົ້າ ມາຮອດຈຸດນີ້ກໍໝາຍວ່າຕ້ອງ ມີຄູ-ອາຈານສອນດີສອນ ເກັ່ງ ຈຶ່ງສາມາດສ້າງເອົານັກ ຮຽນດີຮຽນເກັ່ງໄດ້, ເທົ່າທີ່ ທິດກ່ຳ ໄດ້ຕິດຕາມໃນສີ່ຫ້າ ປີຜ່ານມານີ້, ເຫັນວ່າ ຈຳນວນ ນັກຮຽນເກັ່ງໃນຂັ້ນປະຖົມ ແລະ ມັດທະຍົມທີ່ໄດ້ເຂົ້າຮ່ວມ ການສອບເສັງນັກຮຽນເກັ່ງ ໃນແຕ່ລະປີໄດ້ເພີ່ມຂຶ້ນເລື້ອຍໆ ອັນທີ່ໜ້າຊົມເຊີຍຍົກຍ້ອງ ແລະ ຍົກໂປ້ໃຫ້ນັ້ນ, ໃນປັດຈຸ ບັນຖ້ານັກຮຽນນັກສຶກສາຄົນ ໃດຮຽນດີຮຽນເກັ່ງເສັງໄດ້ອັນ ດັບທີໜຶ່ງຂອງຊາດແມ່ນຜູ້ນັ້ນ ທັງໄດ້ຫລຽນກາຫລຽນໄຊ ແລະ ໄດ້ທຶນການສຶກສາ ເຊິ່ງ ລັດຖະບານກໍຄືກະຊວງສຶກສາ ໄດ້ມອບໃຫ້ຢ່າງສົມກຽດ ແລະ ເພິ່ງພໍໃຈ./.

- 2411 1 - ນັກຮຽນດີຮຽນເກັ່ງກໍຍ້ອນຄູ-ອາຈານສອນດີສອນເກັ່ງ
(ພາບປະກອບ)
- WhatsApp Image 2020 05 27 at 5 - ນັກຮຽນດີຮຽນເກັ່ງກໍຍ້ອນຄູ-ອາຈານສອນດີສອນເກັ່ງ
- WhatsApp Image 2020 05 27 at 5 - ນັກຮຽນດີຮຽນເກັ່ງກໍຍ້ອນຄູ-ອາຈານສອນດີສອນເກັ່ງ
error: Alert: ເນື້ອຫາຂ່າວມີລິຂະສິດ !!