ອາຊີຕາເວັນອອກ – ອາຊີຕາເວັນອອກສຽງໃຕ້ ກຽມຮັບມືໄຕ້ຝຸ່ນສອງຫົວ

- 1536825977197 800x0 - ອາຊີຕາເວັນອອກ – ອາຊີຕາເວັນອອກສຽງໃຕ້ ກຽມຮັບມືໄຕ້ຝຸ່ນສອງຫົວ
- Untitled design - ອາຊີຕາເວັນອອກ – ອາຊີຕາເວັນອອກສຽງໃຕ້ ກຽມຮັບມືໄຕ້ຝຸ່ນສອງຫົວ

​ໄຕ້​ຝຸ່ນສອງ​ຫົວ​ທີ່​ຈະ​ພັດ​ຜ່ານ​ອາຊີ​ຕາ​ເວັນ​ອອກ ​ແລະ ອາຊີ​ຕາ​ເວັນ​ອອກສຽງ​ໃຕ້​ໄລ່​ລຽງ​ກັນ​ໃນ​ອາທິດ​ນີ້ ​ເຮັດ​ໃຫ້​ຫລາຍ​ພື້ນທີ່​ຕ້ອງ​ປະກາດ​ເຕືອນ​ໄພ ​ແລະ ສັ່ງ​ອົບ​ພະຍົບປະຊາຊົນ​ເພື່ອ​ຄວາມ​ປອດ​ໄພ.

​ເວັບ​ໄຊ CNN ອ້າງ​ສື​່ທາງ​ການ​ຈີນ​ວ່າ: ​ແຂວງ​ກວາງຕຸ້ງ ທາງ​ໃຕ້​ຂອງ​ຈີນ ສັ່ງ​ອົບ​ພະຍົບປະຊາຊົນ 12.000 ຄົນ​ອອກ​ຈາກ​ພື້ນທີ່​ຕໍ່າ ​ແລະ ສັ່ງ​ເຮືອ​ເຂົ້າຝັ່ງ​ກ່ອນ​ໄຕ້​ຝຸ່ນ​ບາ​ລີ​ແຈັດ​ຂຶ້ນຝັ່ງ​ໃນ​ວັນ​ທີ 13 ກັນຍາ​ນີ້, ​ແຕ່​ໜ້າ​ເປັນ​ຫ່ວງ​ຫລາຍ​ກວ່າ​ຄື​ຊຸບ​ເປີ​ໄຕ້​ຝຸ່ນ​ມັງຄຸດ​ທີ່​ທະວີ​ກຳລັງ​ແຮງ​ຂຶ້ນ ​ໃນ​ຂະນະ​​ເຄື່ອນ​ທີ່​ໃກ້​ທາງ​ເໜືອ​ຂອງຟີ​ລິບ​ປິນ ຄາດ​ວ່າ​ຈະ​ຂຶ້ນຝັ່ງ​ເກາະ​ລູຊອນ ​ເຊິ່ງ​ເປັນ​ເກາະ​ຫລັກ​ໃນ​ວັນ​ທີ 15 ກັນຍາ​ນີ້ ດ້ວຍ​ຄວາມ​ໄວ​ລົມ​ສູງ​ເຖິງ 240 ກິ​ໂລ​ແມັດ​ຕໍ່​ຊົ່ວ​ໂມງ ທຽບ​ເທົ່າ​ເຮີ​ລິ​ເຄນ​ລະດັບ 5 ຮຸນ​ແຮງ​ກວ່າ​ເຮີ​ລິ​ເຄນ​ຟໍ​ເຣນທີ່​ກຳລັງ​ຖະຫລົ່ມ​ເບື້ອງຕາ​ເວັນ​ອອກ​ຂອງ​ອາ​ເມ​ລິ​ກາ​ໃນ​ປັດຈຸບັນ​ນີ້ ​ແລະ ມີ​ໂອກາດ​ຈະ​ຮຸນ​ແຮງ​ເທົ່າ​ຊຸບ​ເປີ​ໄຕ້​ຝຸ່ນ​ໄຫ່ຢຽນທີ່​ຖະຫລົ່ມ​ຟີ​ລິບ​ປິນ​ໃນ​ປີ 2013 ມີ​ຜູ້​ເສຍ​ຊີວິດ 6.000 ກວ່າ​ຄົນ.

ນັກ​ອຸຕຸນິຍົມ​ວິທະຍາ​ຂອງ CNN ອະທິບາຍ​ວ່າ: ຂອບ​ເຂດ​ຄວາມ​ເສຍ​ຫາຍ​ຈາກ​ເຮີ​ລິ​ເຄນ ຫລື ​ໄຕ້​ຝຸ່ນຂຶ້ນກັບ​ພື້ນທີ່​ທີ່​ຖືກ​ຖະຫລົ່ມ, ​ເບື້ອງຕາ​ເວັນ​ອອກ​ຂອງ​ອາ​ເມ​ລິ​ກາ​ມີ​ປະຊາກອນ​ຫລາຍ​ກວ່າ, ມີ​ໂຄງ​ລ່າງ​ພື້ນຖານສຳຄັນ​ຫລາຍ​ກວ່າ ຈຶ່ງ​ອາດ​ຈະ​ສ້າງ​ຄວາມ​ເສຍ​ຫາຍ​ຫລາຍ​ກວ່າ, ​ແຕ່​ໄຕ້​ຝຸ່ນ​ມັງ​ຄຸດ​ມີ​ກະ​ແສ​ລົມ​ແຮງ​ກວ່າ ມີ​ວົງ​ກວ້າງ​ກວ່າ ​ເຮັດ​ໃຫ້​ເກີດ​ຄື້ນພາຍຸ​ພັດ​ເຂົ້າຝັ່ງ​ສູງ​ກວ່າ ຈຶ່ງ​ສ່ຽງ​ເປັນ​ອັນຕະລາຍ​ຕໍ່​ຊີວິດ​ຫລາຍ​ກວ່າ.

- Wave100S AD to Website 2020 0 - ອາຊີຕາເວັນອອກ – ອາຊີຕາເວັນອອກສຽງໃຕ້ ກຽມຮັບມືໄຕ້ຝຸ່ນສອງຫົວ

ທາງ​ການ 16 ​ແຂວງ​ທົ່ວ​ເກາະ​ລູຊອນ ​ແລະ ​ເກາະ​ວິຊາ​ຍັດ​ຂອງ​ຟີ​ລິບ​ປິນ​ໄດ້​ປະກາດ​ເຕືອນ​ໄພ​ພາຍຸ​ໝູນ​ເຂດ​ຮ້ອນ ​ແລະ ຄາດ​ວ່າ​ຈະ​ຍົກ​ລະດັບ​ຂຶ້ນອີກ. ຂະນະ​ທີ່​ລັດຖະບານ​ກຽມ​ອອກ​ມາດ​ຕະການ​ສຸກ​ເສີນ​ເພີ່ມ​ຕື່ມ. ສະພາກາ​ແດງ​ກຽມພ້ອມ​ໃນ​ລະດັບ​ສູງ​ສຸດ ​ເພາະ​ເປັນ​ຫ່ວງ​ປະຊາຊົນ​ປະມານ 10 ລ້ານ​ຄົນ​ທີ່ຢູ່​ໃນ​ເສັ້ນທາງ​ຜ່ານ​ຂອງ​ໄຕ້​ຝຸ່ນ. ​ເຖິງ​ຢ່າງ​ໃດ​ກໍ​ດີ CNN ​ເຕືອນ​ວ່າ: ພື້ນທີ່​ທີ່​ຈະ​ເດືອດຮ້ອນ​ໜັກ​ທີ່​ສຸດ​ອາດ​ຈະ​ເປັນ​ຮົງ​ກົງ ​ແລະ ມາ​ເກົາ ທີ່​ຫາ​ກໍ​ເຕືອນ​ໄພ​ໄຕ້​ຝຸ່ນ​ບາ​ລີ​​ແຈັດ​ໃນ​ເຊົ້າວັນ​ທີ 13 ກັນຍາ ​ເຄື່ອນ​ທີ່​ຜ່ານ​​ແມ່ນ້ຳ​ເພິ​ລ​ເຂົ້າສູ່​ຈີນ, ​ໄຕ້​ຝຸ່ນ​ມັງຄຸດ​ອາດ​ເປັນ​ໜຶ່ງ​ໃນ​ໄຕ້​ຝຸ່ນ​ຮຸນ​ແຮງ​ທີ່​ສຸດ​ໃນ​ຮອບ 6 ທົດ​ສະ​ວັດຂອງ​ຮົງ​ກົງ. ນັກ​ອຸຕຸນິຍົມ​ວິທະຍາ​ຂອງ​ແອກ​ຄິວ​ເວ​ເທີ ອະທິບາຍ​ວ່າ: ​ໄລຍະ​ທີ່​ໄຕ້​ຝຸ່ນ​ມັງຄຸດ​ເຄື່ອນ​ທີ່​ຜ່ານ​ທະ​ເລ​ຈີນ​ໃຕ້​ຈະ​ເກີດ​ລົມ​ແຮງ ສ້າງ​ຄວາມ​ເສຍ​ຫາຍ​ເປັນ​ບໍລິ​ເວນ​ກວ້າງ​ໃຫ້​ແກ່​ທາງ​ໃຕ້​ຂອງ​ຈີນ ​ແລະ ຮົງ​ກົງ​ໃນ​ທ້າຍ​ອາທິດ​ນີ້.

- WhatsApp Image 2020 05 27 at 5 - ອາຊີຕາເວັນອອກ – ອາຊີຕາເວັນອອກສຽງໃຕ້ ກຽມຮັບມືໄຕ້ຝຸ່ນສອງຫົວ
- WhatsApp Image 2020 05 27 at 5 - ອາຊີຕາເວັນອອກ – ອາຊີຕາເວັນອອກສຽງໃຕ້ ກຽມຮັບມືໄຕ້ຝຸ່ນສອງຫົວ
error: Alert: ເນື້ອຫາຂ່າວມີລິຂະສິດ !!