ທ່ານ ຮຸນເຊນ ເຕືອນຕາເວັນຕົກ ຢ່າຫຍຸ້ງເລື່ອງໃນກຸ່ມລຸ່ມແມ່ນ້ຳຂອງ

- s3 - ທ່ານ ຮຸນເຊນ ເຕືອນຕາເວັນຕົກ ຢ່າຫຍຸ້ງເລື່ອງໃນກຸ່ມລຸ່ມແມ່ນ້ຳຂອງ
- Untitled design - ທ່ານ ຮຸນເຊນ ເຕືອນຕາເວັນຕົກ ຢ່າຫຍຸ້ງເລື່ອງໃນກຸ່ມລຸ່ມແມ່ນ້ຳຂອງ

ນາຍົກລັດຖະມົນຕີກຳປູ​ເຈຍ ກ່າວ​ວ່າ: ບາງ​ປະ​ເທດ​ນອກ​ກຸ່ມ​ລຸ່ມ​ແມ່ນ້ຳຂອງ ວິຈານ​ການ​ເມືອງ​ພາຍ​ໃນ​ອະນຸ​ພາກພື້ນ​ແຫ່ງ​ນີ້ “ຫລາຍ​ເກີນ​ໄປ” ທັງ​ທີ່​ບໍ່​ມີ​ຄວາມ​ເຂົ້າ​ໃຈ​ຢ່າງ​ແທ້​ຈິງ ​ແລະ ຄວນ​ເລີກ​ແຊກ​ແຊງ​ກິດຈະການ​ພາຍ​ໃນ​ຂອງ​ປະ​ເທດ​ເຂດ​ນີ້.

- Wave100S AD to Website 2020 0 - ທ່ານ ຮຸນເຊນ ເຕືອນຕາເວັນຕົກ ຢ່າຫຍຸ້ງເລື່ອງໃນກຸ່ມລຸ່ມແມ່ນ້ຳຂອງ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຮຸນ​ເຊ​ນ ນາຍົກລັດຖະມົນຕີກຳປູ​ເຈຍ ກ່າວ​ໃນ​ເວທີ​ປຶກສາ​ຫາລືກຸ່ມ​ຍ່ອຍ​ສຳລັບ​ຜູ້ນຳ​ຈາກ​ອະນຸ​ພາກພື້ນລຸ່ມ​ແມ່ນ້ຳຂອງ ​ເຊິ່ງ​ເປັນ​ສ່ວນ​ໜຶ່ງ​ຂອງ​ກອງ​ປະຊຸມ​ເວທີ​ປຶກສາ​ຫາລື​ເສດຖະກິດ​ໂລກ (WEF) ລະດັບ​ພາກພື້ນອາຊີ​ຕາ​ເວັນ​ອອກສຽງ​ໃຕ້ ທີ່​ນະຄອນຫລວງ​ຮ່າ​ໂນ້ຍ ສສ ຫວຽດນາມ ​ໃນ​ວັນ​ທີ 12 ກັນຍາ​ວ່າ: ​ໃນ​ໄລຍະ​ຜ່ານ​ມາ ບາງ​ປະ​ເທດ​​ເຊິ່ງຢູ່​ນອກ​ອາຊີ​ຕາ​ເວັນ​ອອກສຽງ​ໃຕ້​ມັກ​ອອກ​ແຕ່​ຄຳ​ສັ່ງ​ໃຫ້​ກຸ່ມ​ແມ່ນ້ຳຂອງ ​ເຊິ່ງ​ເປັນ​ສ່ວນ​ໜຶ່ງ​ຂອງ​ພາກພື້ນຕ້ອງ​ປະຕິບັດ​ຕາມ.

ທ່ານ ຮຸນ​ເຊ​ນ ຢືນຢັນ​ວ່າ: ທ່າ​ນບໍ່​​ໄດ້​ຕ້ອງການ​ສົ່ງ​ສັນຍານ​ເຖິງ​ປະ​ເທດ​ໃດ​ປະ​ເທດ​ໜຶ່ງ​ເປັນ​ພິ​ເສດ, ​ແຕ່​ຂໍ​ໃຊ້​ໂອກາດ​ນີ້​ກ່າວ​ໃນ​ນາມ​ປະ​ເທດ​ເພື່ອນ​ບ້ານ​ຮ່ວມ​ອະນຸ​ພາກພື້ນ​ແຫ່ງ​ນີ້​ວ່າ: ກຸ່ມ​ລຸ່ມ​ແມ່ນ້ຳຂອງ “​ເປັນ​ເຫຍື່ອ​ທາງ​ການ​ເມືອງ”. ທັງ​ນີ້ ນອກຈາກ​ຜູ້ນຳ​ກຳປູ​ເຈຍ​ແລ້ວ, ຜູ້​ຮ່ວມ​ເວທີ​ປຶກສາ​ຫາລືດັ່ງກ່າວຍັງ​ມີ​ທ່ານ ຫງວຽນ ຊວນ ຟຸກ ນາຍົກລັດຖະມົນຕີ ສສ ຫວຽດນາມ, ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ​ ສປປ ລາວ, ທ່ານ​ນາງ ອອງຊານ ຊູ​ຈີ ລັດຖະມົນຕີ​ກະຊວງ​ການ​ຕ່າງປະ​ເທດ​ມຽນມາ ​ແລະ ທ່ານ​ ປະ​ຈິນ ຈັ່ນ​ຕອງ ຮອງ​ນາຍົກລັດຖະມົນຕີ ​ແລະ ລັດຖະມົນຕີ​ກະຊວງ​ຍຸຕິ​ທຳ​ຂອງ​ໄທ.

ທ່ານ​ຍັງ​ກ່າວ​ອີກ​ວ່າ: ບໍ່​ວ່າ​ຈະ​ເປັນ​ລັດຖະບານ​ສັງຄົມ​ນິຍົມ, ລັດຖະບານ​ພັກ​ດຽວ ຫລື ລັດຖະບານ​ທະຫານ ທຸກ​ຝ່າຍ​ຄວນ​ໄດ້​ຮັບ​ໂອກາດ​ໃຫ້​ບໍລິຫານ​ປະ​ເທດ “ຢ່າງ​ສັນຕິ” ​ໂດຍ​ບໍ່​ຕ້ອງ​ໄດ້​ຮັບ​ຜົນ​ກະທົບ​ຈາກ​ມາດ​ຕະການ​ຂວ້ຳບາດ​ຂອງ​ຝ່າຍ​ຕາ​ເວັນ​ຕົກ ​ເຊິ່ງບໍ່​​ເຂົ້າ​ໃຈ​ຢ່າງ​ແທ້​ຈິງ​ຕໍ່​ສະຖານະ​ການ​ໃນ​ແຕ່ລະ​ປະ​ເທດ.

- WhatsApp Image 2020 05 27 at 5 - ທ່ານ ຮຸນເຊນ ເຕືອນຕາເວັນຕົກ ຢ່າຫຍຸ້ງເລື່ອງໃນກຸ່ມລຸ່ມແມ່ນ້ຳຂອງ
- WhatsApp Image 2020 05 27 at 5 - ທ່ານ ຮຸນເຊນ ເຕືອນຕາເວັນຕົກ ຢ່າຫຍຸ້ງເລື່ອງໃນກຸ່ມລຸ່ມແມ່ນ້ຳຂອງ
error: Alert: ເນື້ອຫາຂ່າວມີລິຂະສິດ !!