ຍີ່ປຸ່ນສືບຕໍ່ໃຫ້ການສະໜັບສະໜູນ ໂຄງການເກັບກູ້ລະເບີດຢູ່ແຂວງຊຽງຂວາງ

- Japan Help laos - ຍີ່ປຸ່ນສືບຕໍ່ໃຫ້ການສະໜັບສະໜູນ ໂຄງການເກັບກູ້ລະເບີດຢູ່ແຂວງຊຽງຂວາງ
- Untitled design - ຍີ່ປຸ່ນສືບຕໍ່ໃຫ້ການສະໜັບສະໜູນ ໂຄງການເກັບກູ້ລະເບີດຢູ່ແຂວງຊຽງຂວາງ

ພິທີມອບ-ຮັບການຊ່ວຍເຫຼືອລ້າ ໃນໂຄງການສົ່ງເສີມການນໍາໃຊ້ເຄື່ອງຈັກ ທໍາລາຍລະເບີດລູກຫວ່ານທີ່ ແຂວງຊຽງຂວາງ ລວມມູນຄ່າ 598.330 ໂດລາສະຫະລັດ, ໄດ້ມີຂຶ້ນໃນວັນທີ 14 ກັນຍານີ້, ທີ່ສະຖານທູດຍີ່ປຸ່ນ ໃນນະຄອນຫຼວງວຽງຈັນ ລະຫວ່າງທ່ານ ທາເຄຊິ ຮິກິຮາຣະ ເອກອັກຄະລັດຖະທູດຍີ່ປຸ່ນ ປະຈໍາລາວ ແລະ ທ່ານ ມາໂກໂຕະ ໄຊໂຈ ປະທານອົງການ JMAS, ໂດຍການເຂົ້າຮ່ວມຂອງທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ມີທ່ານເຈົ້າແຂວງຊຽງຂວາງ ແລະ ຄະນະກໍາມະການຄຸ້ມຄອງແຫ່ງຊາດກ່ຽວກັບການແກ້ໄຂບັນຫາບະເບີດບໍ່ທັນແຕກທີ່ຕົກຄ້າງຢູ່ລາວ (NRA).

ໂຄງການດັ່ງກ່າວ, ໄດ້ດໍາເນີນມາເປັນເວລາ 3 ປີແລ້ວ ແລະ ມີເປົ້າໝາຍທີ່ຈະປະກອບສ່ວນເຂົ້າສູ່ການຮັບຮອງຄວາມປອດໄພໃຫ້ແກ່ສະພາບແວດລ້ອມການດໍາລົງຊີວິດ ແລະ ການພັດທະນາເຂດທ້ອງຖິ່ນ ແຂວງຊຽງຂວາງ ໂດຍການເລັ່ງໃສ່ວຽກງານເກັບກູ້ລະເບີດ ໂດຍການນໍາໃຊ້ເຄື່ອງຈັກທໍາລາຍລະເບີດລູກຫວ່ານ (CSCM ຊຶ່ງຈະສາມາດຫຼຸດຜ່ອນການໃຊ້ເວລາໃນການປະຕິບັດວຽກງານ, ສາມາດປະຕິບັດການກວດການພື້ນທີ່ ແລະ ເກັບກູ້ລະເບີດບໍ່ທັນແຕກ ໃຊ້ເວລາໜ້ອຍລົງ ແລະ ປອດໄພຫຼາຍຂຶ້ນ, ພ້ອມນີ້,  ອົງການ JMAS ໄດ້ຮັບອຸປະກອນ ແລະ ເຄື່ອງຈັກຕ່າງໆຈາກບໍລິສັດ ໂຄມາຊື ຊຶ່ງເປັນບໍລິສັດຜະລິດອຸປະກອນກໍ່ສ້າງ ແລະ ຄາດວ່າຈະຊ່ວຍໃຫ້ອົງການ UXO Lao ເລັ່ງວຽກງານການເກັບກູ້ລະເບີດໄດ້ທັງໄລຍະກາງ ແລະ ໄລຍະຍາວ.

ໃນຜ່ານມາອົງກາເກັບກູ້ລະເບີດ JMAS ໄດ້ຈັດຕັ້ງປະຕິບັດໂຄງການເກັບກູ້ລະເບີດຢູ່ລາວຢ່າງຫຼວງຫຼາຍ ເຊັ່ນ: ຢູ່ແຂວງຊຽງຂວາງ, ສະລະວັນ, ອັດຕະປື, ຈໍາປາສັກ ແລະ ນະຄອນຫຼວງວຽງຈັນ.

- Wave100S AD to Website 2020 0 - ຍີ່ປຸ່ນສືບຕໍ່ໃຫ້ການສະໜັບສະໜູນ ໂຄງການເກັບກູ້ລະເບີດຢູ່ແຂວງຊຽງຂວາງ

 

- WhatsApp Image 2020 05 27 at 5 - ຍີ່ປຸ່ນສືບຕໍ່ໃຫ້ການສະໜັບສະໜູນ ໂຄງການເກັບກູ້ລະເບີດຢູ່ແຂວງຊຽງຂວາງ
- WhatsApp Image 2020 05 27 at 5 - ຍີ່ປຸ່ນສືບຕໍ່ໃຫ້ການສະໜັບສະໜູນ ໂຄງການເກັບກູ້ລະເບີດຢູ່ແຂວງຊຽງຂວາງ
error: Alert: ເນື້ອຫາຂ່າວມີລິຂະສິດ !!