ລັດຖະບານເລື່ອນການຈັດງານກິລາລະດັບຊາດ

- Untitled design - ລັດຖະບານເລື່ອນການຈັດງານກິລາລະດັບຊາດ

ຫ້ອງວ່າການສໍານັກງານນາຍົກລັດຖະມົນຕີໄດ້ອອກແຈ້ງການສະບັບເລກທີ 1525/ຫສນຍ.ກລຂ ລົງວັນທີ 14 ກັນຍາ 2018 ເພື່ອເລື່ອນການຈັດງານມະຫາກໍາແຂ່ງຂັນກິລາລະດັບຊາດຢູ່ພາຍໃນປະເທດ 3 ງານຄື: ງານກິລາມະຫາວິທະຍາໄລລາວຄັ້ງທີ II ໃນປີ 2019, ງານມະຫາກໍາກິລານັກຮຽນມັດທະຍົມທົ່ວປະເທດຄັ້ງທີ VII ໃນປີ 2020 ແລະ ງານມະຫາກໍາກິລາແຫ່ງຊາດຄັ້ງທີ XII ໃນປີ 2021, ສ່ວນວັນເວລາທີ່ຈະຈັດໃສປີໃດນັ້ນແມ່ນມອບໃຫ້ກະຊວງສຶກສາ ແລະ ກິລາ ເປັນຜູ້ຄົ້ນຄວ້າ ແລະ ພິຈາລະນະຕາມເງື່ອນໄຂ ແລະ ຄວາມສາມາດຕົວຈິງ. ສໍາລັບງານມະຫາກໍາກິລາແຫ່ງຊາດຄັ້ງທີ XI ທີ່ຈະຈັດຢູ່ແຂວງຊຽງຂວາງໃນວັນທີ 11 ພະຈິກ 2018 ແມ່ນໃຫ້ເລື່ອນໄປຈັດໃນວັນທີ 11 ພະຈິກ 2019 ແລະ ງານມະຫາກໍາກິລາແຫ່ງຊາດຄັ້ງຕໍ່ໆໄປ ແມ່ນໃຫ້ນໍາໃຊ້ສະໜາມກິລາ ຫລື ສິ່ງອໍານວຍຄວາມສະດວກພື້ນຖານໂຄງລ່າງຢູ່ນະຄອນຫລວງວຽງຈັນ ແລະ ບັນດາແຂວງທີ່ມີຄວາມພ້ອມແລ້ວ, ບໍ່ໃຫ້ມີການກໍ່ສ້າງພື້ນຖານໂຄງລ່າງຂະໜາດໃຫຍ່ຂຶ້ນມາໃໝ່ ເປັນຕົ້ນແມ່ນສະໜາມກິລາ ແລະ ໃຫ້ກະຊວງສຶກສາທິການ ແລະ ກິລາ ຄົ້ນຄວ້າຮູບແບບ, ວິທີການ ແລະ ກໍານົດໄລຍະເວລາໃນການຈັດງານມະຫາກໍາແຂ່ງຂັນກິລາລະດັບຊາດຕ່າງໆຢູ່ພາຍໃນປະເທດຄືນໃໝ່.

- Wave100S AD to Website 2020 0 - ລັດຖະບານເລື່ອນການຈັດງານກິລາລະດັບຊາດ
- WhatsApp Image 2020 05 27 at 5 - ລັດຖະບານເລື່ອນການຈັດງານກິລາລະດັບຊາດ
- WhatsApp Image 2020 05 27 at 5 - ລັດຖະບານເລື່ອນການຈັດງານກິລາລະດັບຊາດ
error: Alert: ເນື້ອຫາຂ່າວມີລິຂະສິດ !!