ລັດຖະມົນຕີກະຊວງປ້ອງກັນປະເທດ ເນັ້ນໃຫ້ນັກຮົບຊ່ວຍຟື້ນຟູຊີວິດການເປັນຢູ່ຂອງປະຊາຊົນທີ່ຖືກຜົນກະທົບໃຫ້ກັບສູ່ປົກກະຕິໂດຍໄວ

- PM of Army - ລັດຖະມົນຕີກະຊວງປ້ອງກັນປະເທດ ເນັ້ນໃຫ້ນັກຮົບຊ່ວຍຟື້ນຟູຊີວິດການເປັນຢູ່ຂອງປະຊາຊົນທີ່ຖືກຜົນກະທົບໃຫ້ກັບສູ່ປົກກະຕິໂດຍໄວ
- Untitled design - ລັດຖະມົນຕີກະຊວງປ້ອງກັນປະເທດ ເນັ້ນໃຫ້ນັກຮົບຊ່ວຍຟື້ນຟູຊີວິດການເປັນຢູ່ຂອງປະຊາຊົນທີ່ຖືກຜົນກະທົບໃຫ້ກັບສູ່ປົກກະຕິໂດຍໄວ

ໃນໂອກາດເຂົ້າຮ່ວມພິທີສະຫລຸບຜົນງານຂອງການກອບກູ້ຜົນກະທົບຈາກໄພພິບັດຄູກັນນໍ້າເຂື່ອນໄຟຟ້າເຊປຽນ-ເຊນໍ້ານ້ອຍແຕກ ທີ່ເມືອງສະໜາມໄຊ ແຂວງອັດຕະປື ທີ່ໄດ້ຈັດຂຶ້ນໃນວັນທີ 13 ກັນຍານີ້, ທ່ານພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ໄດ້ເນັ້ນໃຫ້ຄະນະຮັບຜິດຊອບທຸກພາກສ່ວນເລັ່ງຊ່ວຍເຫລືອຟື້ນຟູຊີວິດການເປັນຢູ່ຂອງປະຊາຊົນຜູ້ຖືກຜົນກະທົບ ໄດ້ຮັບການປັບປຸງໂດຍໄວ.

ໃນໂອກາດນີ້, ທ່ານພົນໂທ ຈັນສະໝອນ ຈັນຍາລາດ ຍັງໄດ້ກ່າວຍ້ອງຍໍສັນລະເສີນນໍ້າໃຈອົດທົນເສຍສະຫລະຂອງພະນັກງານ-ນັກຮົບ, ອຳນາດການປົກຄອງ ແລະ ປະຊາຊົນຊາວແຂວງອັດຕະປືທີ່ໄດ້ເອົາໃຈໃສ່ຊ່ວຍເຫຼືອກອບກູ້ ຜູ້ໄດ້ຮັບເຄາະຮ້າຍດັ່ງກ່າວ, ຊ່ວຍໃຫ້ການສູນເສຍເບົາບາງລົງ. ນອກນັ້ນ ຍັງໄດ້ສຸມໃສ່ຊອກຄົ້ນຫາຜູ້ສູນຫາຍຢ່າງບໍ່ຮູ້ອິດຮູ້ເມື່ອຍເຖິງແມ່ນພື້ນທີ່ຈະທຸລະກັນດານ ກໍຕາມ. ກອງທັບປະຊາຊົນລາວ ໄດ້ເຮັດສອງໜ້າທີ່ ພ້ອມກັນຄື: ໄລຍະທີ 1 ກອບກູ້ ແລະ ຊອກຄົ້ນຜູ້ສູນຫາຍ ແລະ ໄລຍະທີ 2 ແມ່ນການຟື້ນຟູຄຸນະພາບຊີວິດ ຈັດສັນທີ່ຢູ່ອາໄສຊົ່ວຄາວ ແລະ ຖາວອນໃຫ້ແກ່ປະຊາຊົນທີ່ຖືກກະທົບ.

- Wave100S AD to Website 2020 0 - ລັດຖະມົນຕີກະຊວງປ້ອງກັນປະເທດ ເນັ້ນໃຫ້ນັກຮົບຊ່ວຍຟື້ນຟູຊີວິດການເປັນຢູ່ຂອງປະຊາຊົນທີ່ຖືກຜົນກະທົບໃຫ້ກັບສູ່ປົກກະຕິໂດຍໄວ

ທ່ານ ພົນໂທ ຈັນສະໝອນ ຈັນຍາລາດ ກ່າວຕື່ມວ່າ: ເຂື່ອນເຊປຽນ-ເຊນໍ້ານ້ອຍແຕກເປັນໄພພິບັດຮ້າຍແຮງສ້າງຄວາມເສຍຫາຍຕໍ່ຊີວິດ ແລະ ຊັບສິນຂອງປະຊາຊົນເມືອງສະໜາມໄຊບໍ່ໜ້ອຍ. ດັ່ງນັ້ນທາງກໍາລັງປ້ອງກັນຊາດ, ປ້ອງກັນຄວາມສະຫງົບໄດ້ຮີບຮ້ອນສົ່ງກໍາລັງນັກຮົບຂອງຕົນລົງຊ່ວຍເຫລືອຢ່າງທັນການ ແລະ ຄວາມຮັບພິຊອບ ເຮັດໜ້າທີ່ບໍ່ຮູ້ອິດຮູ້ເມື່ອຍຄຽງຄູ່ກັບທ້ອງຖິ່ນ ຊ່ວຍເຫລືອປະຊາຊົນໃຫ້ພົ້ນໄພອັນຕະລາຍ ແລະ ນີ້ມັນແມ່ນຜົນສໍາເລັດອັນດີທີ່ສຸດຂອງກອງທັບປະຊາຊົນລາວເຮົາໄລຍະທີ 2 ແມ່ນການປັບປຸງປົວແປງຊີວິດການເປັນຢູ່ຂອງປະຊາຊົນໃຫ້ດີກວ່າເກົ່າ, ປະຕິບັດ 3 ໜ້າທີ່ 4 ການພົວພັນ, ສ້າງໄດ້ 3 ທາດແທ້ 6 ມູນເຊື້ອຂອງ ກອງທັບປະຊາຊົນລາວ, ເປັນກຳລັງເຂັ້ມແຂງຂອງຊາດ ແລະ ປະຊາຊົນເປັນຕົ້ນແມ່ນສ້າງທີ່ຢູ່ອາໄສໃຫ້ປະຊາຊົນຜູ້ປະສົບໄພໄດ້ຢ່າງວ່ອງໄວ ແລະ ທັນການ, ໄປຄຽງຄູ່ປັບປຸງກໍ່ສ້າງກຳລັງ, ເຝິກແອບຮໍ່າຮຽນສີລະປະຍຸດ, ເຮັດໜ້າທີ່ປົກປັກຮັກສາ ແລະ ສ້າງສາປະເທດຊາດເຕີບໃຫຍ່ເຂັ້ມແຂງ, ມີການພົວພັນສະໜິດແໜ້ນກັບປະຊາຊົນ, ມີຄວາມສາມັກຄີຮັກແພງຊ່ວຍເຫລືອຊຶ່ງກັນ ແລະ ກັນຕະຫລອດມາ, ໃນບັ້ນສະຫລຸບນີ້, ທ່ານລັດຖະມົນຕີກະຊວງປ້ອງກັນປະເທດ ຍັງໄດ້ໃຫ້ກຽດປະດັບຫລຽນໄຊພິລະອາດຫານໃຫ້ແກ່ກົມກອງລວມໝູ່ ແລະ ບຸກຄົນ, ພ້ອມຍ້ອງຍໍເລື່ອນຊັ້ນໃຫ້ພະນັກງານ-ນັກຮົບຜູ້ທີ່ມີຜົນງານດີເດັ່ນໃນບັ້ນສະໜາມຮົບຊ່ວຍກອບກູ້ຜູ້ປະສົບໄພດັ່ງກ່າວໃນຄັ້ງນີ້ດ້ວຍ.

- WhatsApp Image 2020 05 27 at 5 - ລັດຖະມົນຕີກະຊວງປ້ອງກັນປະເທດ ເນັ້ນໃຫ້ນັກຮົບຊ່ວຍຟື້ນຟູຊີວິດການເປັນຢູ່ຂອງປະຊາຊົນທີ່ຖືກຜົນກະທົບໃຫ້ກັບສູ່ປົກກະຕິໂດຍໄວ
- WhatsApp Image 2020 05 27 at 5 - ລັດຖະມົນຕີກະຊວງປ້ອງກັນປະເທດ ເນັ້ນໃຫ້ນັກຮົບຊ່ວຍຟື້ນຟູຊີວິດການເປັນຢູ່ຂອງປະຊາຊົນທີ່ຖືກຜົນກະທົບໃຫ້ກັບສູ່ປົກກະຕິໂດຍໄວ
error: Alert: ເນື້ອຫາຂ່າວມີລິຂະສິດ !!