5 ເຫດຜົນທີ່ຄວນເຮັດວຽກຢູ່ເຮືອນແທນການໄປເຮັດຢູ່ຫ້ອງການ

- 021709 2018 - 5 ເຫດຜົນທີ່ຄວນເຮັດວຽກຢູ່ເຮືອນແທນການໄປເຮັດຢູ່ຫ້ອງການ
- Untitled design - 5 ເຫດຜົນທີ່ຄວນເຮັດວຽກຢູ່ເຮືອນແທນການໄປເຮັດຢູ່ຫ້ອງການ

ໃນປີ 2016 ເຕັກໂນໂລຊີຕ່າງໆໄດ້ມີການພັດທະນາຂຶ້ນໄປຢ່າງວ່ອງໄວ ຍິ່ງເປັນເຕັກໂນໂລຊີກ່ຽວກັບການສື່ສານແລ້ວ ເຮົາສາມາດນຳເອົາເຕັກໂນໂລຊີເຫລົ່ານີ້ມາປັບໃຊ້ໃຫ້ເກີດປະໂຫຍດກັບໂຕເຮົາ ແລະ ບໍລິສັດໄດ້ ຈາກທີ່ແຕ່ກ່ອນຈະຕ້ອງເດີນທາງເປັນຊົ່ວໂມງເພື່ອໄປປະຊຸມວຽກກັບຫົວໜ້າ ກໍລອງປ່ຽນມາໃຊ້ການສື່ສານແບບ Video Call ເບິ່ງ ຈະເຮັດໃຫ້ຊີວິດທ່ານງ່າຍຂຶ້ນຫລາຍ ຕໍ່ໄປນີ້ແມ່ນປະໂຫຍດທັງ 5 ຂໍ້ຂອງການເຮັດວຽກຢູ່ເຮືອນ.

     – ເຮັດວຽກໄດ້ຢ່າງມີປະສິດທິ ພາບຫລາຍຂຶ້ນ : ຈາກການສຳຫລວດຄວາມເພິງພໍໃຈຂອງພະນັກງານພົບວ່າ ພະນັກງານທີ່ເຮັດວຽກຢູ່ເຮືອນຈະມີຄວາມສຸກ ແລະ ເຮັດວຽກໄດ້ຢ່າງມີປະສິດທິພາບຫລາຍກ່ວາພະນັກງານທີ່ເຮັດວຽກຢູ່ຫ້ອງການ.

ເວັບໄຊຊື່ດັງ Harvard Business Review ໄດ້ນຳສະເໜີບົດຄວາມກ່ຽວກັບບໍລິສັດ Ctrip (ບໍລິສັດທ່ອງທ່ຽວລາຍໃຫຍ່ຂອງປະເທດຈີນ) ບໍລິສັດນີ້ໄດ້ມີນະໂຍບາຍໃຫ້ພະນັກງານກ່ວາເຄິ່ງໜຶ່ງເຮັດວຽກຢູ່ເຮືອນເປັນເວລາ 9 ເດືອນ ພະນັກງານທີ່ ເຫລືອອີກເຄິ່ງໜຶ່ງແມ່ນເຮັດວຽກຢູ່ຫ້ອງການຄືເກົ່າ ຜົນການທົດລອງຄັ້ງນີ້ສະຫລຸບໄດ້ວ່າ : ພະນັກງານທີ່ເຮັດວຽກຢູ່ເຮືອນມີຄວາມສຸກ ແລະ ເຮັດວຽກໄດ້ມີປະສິດທິພາບຫລາຍກ່ວາ ນອກຈາກນີ້ ຍັງມີໂອກາດທີ່ຈະລາອອກວຽກໄດ້ໜ້ອຍກ່ວານຳອີກ.

     – ພັກຜ່ອນໄດ້ຫລາຍກ່ວາ : ໃນທາງກົງກັນຂ້າມ ເວລາທີ່ທ່ານເຮັດວຽກຢູ່ເຮືອນ ທ່ານບໍ່ຈຳເປັນຕ້ອງສົນໃຈສາຍຕາຂອງຫົວໜ້າ ຫລື ພະນັກງານຄົນອື່ນໆ ທ່ານຈະພັກຜ່ອນຍາມໃດ ແລະ ດົນປານໃດກໍໄດ້ ຂໍພຽງໃຫ້ວຽກຂອງທ່ານອອກມາດີ ແລະ ແລ້ວທັນເວລາ.

ການວິໄຈຍັງພົບວ່າ : ການພັກຜ່ອນເປັນໄລຍະໆສາມາດເພີ່ມຄວາມຄິດສ້າງສັນ ແລະ ປະສິດທິພາບໃນການເຮັດວຽກໃຫ້ທ່ານໄດ້ ໃນທາງກົງກັນຂ້າມ ການທີ່ບໍ່ໄດ້ພັກຜ່ອນເລີຍສາມາດນຳໄປສູ່ອາການເຄັ່ງຄຽດ ແລະ ເຮັດໃຫ້ອິດເມື່ອຍອ່ອນເພຍໄດ້ງ່າຍ. ດັ່ງນັ້ນ ທາງເລືອກທີ່ດີສຸດກໍແມ່ນທ່ານຄວນພັກທຸກໆ 50 – 90 ນາທີ, ພັກເທື່ອລະ 15 – 20 ນາທີ ຖ້າຢູ່ຫ້ອງການທ່ານຈະເຮັດແບບນີ້ບໍ່ໄດ້ແນ່ນອນ.

    – ສາມາດເລືອກເວລາເຮັດວຽກເອງໄດ້ : ຈະມີຈັກຄົນທີ່ບໍ່ຢາກຕື່ນສວາຍໃນມື້ເຮັດວຽກ ຖ້າເຮົາເລືອກເວລາເຮັດວຽກຂອງໂຕ ເອງໄດ້ຈະດີຊໍ່າໃດ ? ຫາກທ່ານເປັນຄົນມັກເຮັດວຽກໃນເວລາກາງຄືນຈະຮູ້ສຶກດີ ເພາະການເຮັດວຽກຕອນກາງຄືນເຮັດໃຫ້ມີ ສະມາທິ ແລະ ມີປະສິດທິພາບຫລາຍກ່ວາ. ການເຮັດວຽກຕອນກາງຄືນອາດຈະບໍ່ໄດ້ດີກ່ວາເຮັດກາງເວັນສະເໝີໄປ ແຕ່ມັນກໍຂຶ້ນ ກັບແຕ່ລະຄົນວ່າມີຄວາມລຶ້ງບໍ່ຄືກັນ, ເຮັດວຽກຕອນເຊົ້າກໍມີຂໍ້ດີຂອງມັນຄືກັນ ຈົ່ງຄົ້ນຫາໂຕເອງໃຫ້ພົບ ວ່າເວລາໃດຂອງມື້ ທ່ານ ຈະມີພະລັກງງານ ແລະ ສະມາທິຫລາຍທີ່ສຸດ ແລ້ວຈົ່ງຢ່າປ່ອຍເວລາດີໆແບບນັ້ນໃຫ້ເສຍໄປລ້າ.

- Wave100S AD to Website 2020 0 - 5 ເຫດຜົນທີ່ຄວນເຮັດວຽກຢູ່ເຮືອນແທນການໄປເຮັດຢູ່ຫ້ອງການ

     – ບໍ່ຕ້ອງເດີນທາງໄປເຮັດວຽກ : ການເດີນທາງໄປເຮັດວຽກເປັນຫຍັງທ່ີເສຍທັງເງິນ ແລະ ເວລາ ທ່ານເຄີຍລອງຄຳນວນຄ່າ ເດີນທາງໄປເຮັດວຽກຂອງໝົດເດືອນ ຫລື ຂອງໝົດປີຫລືບໍ່ ? ໂດຍສະເລ່ຍຄົນອາເມລິກາເສຍຄ່າເດີນທາງໄປເຮັດວຽກເກືອບ 2.600 ໂດລາຕໍ່ປີ.

ຖ້າທ່ານເດີນທາງໄປເຮັດວຽກໃຊ້ເວລາ 45 ນາທີຕໍ່ເທື່ອ ທ່ານຈະເສຍເວລາທັງໝົດ 16 ມື້ເຕັມໆ ຕໍ່ການເຮັດວຽກ 1 ປີໄປກັບເວລາເດີນທາງ, ຖ້າທ່ານໃຊ້ເວລາເດີນທາງ 90 ນາທີ ເວລາການເຮັດວຽກຂອງທ່ານຈະຫາຍໄປເດືອນໜຶ່ງເຕັມໆ ທ່ານຈະເສຍເວລາປະມານ 38 ຊົ່ວໂມງຕໍ່ປີໄປກັບລົດຕິດ ແນ່ນອນມັນບໍ່ສົ່ງຜົນດີຕໍ່ສຸຂະ ພາບທ່ານນຳ.

     – ບໍ່ມີຜົນກະທົບຮ້າຍແຮງກັບບໍລິສັດ : ນາຍຈ້າງຫລາຍຄົນມີຄວາມກັງວົນວ່າຖ້າໃຫ້ພະນັກງານເຮັດວຽກຢູ່ເຮືອນໄດ້ ຈະມີ ຜົນກະທົບທີ່ບໍ່ດີຕາມມາ ໂຕຢ່າງ : ບໍ່ສາມາດກຳກັບເບິ່ງແຍງພະນັກງານໄດ້ຢ່າງທົ່ວເຖິງ, ເກີດການກະຈາຍອຳນາດ ຫລື ແມ່ນແຕ່ເຮັດໃຫ້ບໍລິສັດເສຍຫາຍ, ແຕ່ບາງຄົນກໍຄິດວ່າມັນບໍ່ແມ່ນບັນຫາແນ່ນອນ ບໍ່ດັ່ງນັ້ນບໍລິສັດ Startup ໃໝ່ໆທີ່ພະນັກງານທຸກຄົນເຮັດວຽກຢູ່ເຮືອນ ບໍລິສັດເຫລົ່ານີ້ຈະປະສົບຄວາສຳເລັດ ມີກຳໄລເປັນສິບລ້ານ ຮ້ອຍລ້ານໄດ້ແນວໃດ ?

ຈົ່ງກ້າທີ່ຈະເປັນເຈົ້າຂອງຊີວິດໂຕເອງ, ຕັ້ງໝັ້ນເພື່ອສຸຂະພາບກາຍ ແລະ ສຸຂະພາບໃຈຂອງໂຕເອງ, ລອງໄປຂໍຫົວໜ້າທ່ານເບິ່ງ ອາດຈະເລີ່ມຈາກມື້ໜຶ່ງຕໍ່ເດືອນ ຫລື ມື້ໜຶ່ງຕໍ່ອາທິດ ແລ້ວທ່ານຈະຕົກໃຈກັບຜົນຕອບແທນຂອງການເຮັດວຽກຢູ່ເຮືອນແນ່ນອນ, ແຕ່ຫາກວຽກຂອງທ່ານເປັນວຽກທີ່ບໍ່ສາມາດໄປເຮັດຢູ່ບ່ອນອື່ນໄດ້ແທ້ ກໍຈຳເປັນຕ້ອງເຮັດຢູ່ຫ້ອງການຕໍ່ໄປ ທັງນີ້ກໍຂຶ້ນກັບລັກສະນະ ຫລື ຮູບແບບຂອງວຽກນຳອີກ.

- WhatsApp Image 2020 05 27 at 5 - 5 ເຫດຜົນທີ່ຄວນເຮັດວຽກຢູ່ເຮືອນແທນການໄປເຮັດຢູ່ຫ້ອງການ
- WhatsApp Image 2020 05 27 at 5 - 5 ເຫດຜົນທີ່ຄວນເຮັດວຽກຢູ່ເຮືອນແທນການໄປເຮັດຢູ່ຫ້ອງການ
error: Alert: ເນື້ອຫາຂ່າວມີລິຂະສິດ !!