ຄູຝຶກໂກນບານພິການຕາລາວ ພໍໃຈຜົນງານ ທີ່ເຂົ້າຮ່ວມແຂ່ງຂັນທີ່ປະເທດໄທ

- 41849034 322145151923333 3634117540206084096 n - ຄູຝຶກໂກນບານພິການຕາລາວ ພໍໃຈຜົນງານ ທີ່ເຂົ້າຮ່ວມແຂ່ງຂັນທີ່ປະເທດໄທ
- Untitled design - ຄູຝຶກໂກນບານພິການຕາລາວ ພໍໃຈຜົນງານ ທີ່ເຂົ້າຮ່ວມແຂ່ງຂັນທີ່ປະເທດໄທ

ນັກກິລາໂກນບານພິການຕາທີມຊາດລາວຍິງ-ຊາຍ ເຂົ້າຮ່ວມການແຂ່ງຂັນໂກນບານອາຊຽນປາຊີຟິກ ທີ່ປະເທດໄທ ຈັດຂຶ້ນລະຫວ່າງວັນທີ 8-15 ກັນຍາຜ່ານມານີ້. ຂະນະທີ່ ຄູຝຶກພໍໃຈຜົນງານແຕ່ຕ້ອງໄດ້ເອົາໃຈໃສ່ຝຶກຊ້ອມເພື່ອກຽມຄວາມພ້ອມເຂົ້າຮ່ວມເອຊຽນພາລາເກມ ທີ່ປະເທດອິນໂດເນເຊຍ ຈະຈັດຂຶ້ນຕົ້ນເດືອນຕຸລານີ້.

ທ່ານ ລອນຄໍາ ອິນທອງໄຊ ຄູຝຶກນັກກິລາໂກນບານພິການຕາທີມຊາດລາວຍິງ-ຊາຍ ໃຫ້ສໍາພາດວ່າ: ພາຍຫລັງໄດ້ຮັບການ​ແຈ້ງການຈາກຂັ້ນເທິງແລ້ວ ຕົນເອງກໍໄດ້ນໍາພານັກກິລາທີ່ມີຜົນງານຜ່ານມາເຂົ້າມາຝຶກຊ້ອມທີ່ສະໜາມກິລາໃນຮົ່ມ ສູນຟື້ນຟູໜ້າທີ່ການ ນະຄອນຫລວງວຽງຈັນ ແລະ ສືບຕໍ່ຝຶກຊ້ອມທີ່ປະເທດໄທເປັນເວລາ 1 ອາທິດ ແລະ ເຂົ້າຮ່ວມການແຂ່ງຂັນອາຊຽນປາຊີຟິກ ເຊິ່ງການແຂ່ງຂັນດັ່ງກ່າວມີນັກກິລາເຂົ້າຮ່ວມທັງໝົດ 5 ປະເທດຄື: ອົດສະຕາລີ, ອິນເດຍ, ສິງກະໂປ, ໄທ ແລະ ລາວ. ຜ່ານການແຂ່ງຂັນທັງສອງລາຍການ ທີມຊາດລາວ ບໍ່ສາມາດຜ່ານເຂົ້າຮອບເລີຍ ສິ່ງດັ່ງກ່າວຍັງເປັນຈຸດທີ່ພວກເຮົາຈະຕ້ອງໄດ້ແກ້ໄຂ. ແນວໃດກໍຕາມ, ຜົນງານດັ່ງກ່າວຕົນເອງມີຄວາມພໍໃຈເຖິງວ່າຈະບໍ່ສາມາດຜ່ານເຂົ້າຮອບກໍຕາມ ມັນໄດ້ສ້າງບາດກ້າວ ແລະ ປະສົບການໃຫ້ແກ່ນັກກິລາຂອງພວກເຮົາອີກຄັ້ງ.

ສໍາລັບການແຂ່ງຂັນເອຊຽນພາລາເກມ ທີ່ປະເທດອິນໂດເນເຊຍ ຈະຈັດຂຶ້ນລະຫວ່າງວັນທີ 1-14 ຕຸລານີ້ ພວກເຮົາຈະສົ່ງນັກກິລາຊາຍເຂົ້າຮ່ວມ 6 ຄົນ ປະກອບມີ: ທ້າວ ແກ້ວລໍາມອນ ວົງດາລາ, ທ້າວ ຄໍາຕາ ແສງມະນີ, ທ້າວ ຕ່ອງ ທອງຄຳ, ທ້າວ ແສງ ໄຊສະຫວັນ, ທ້າວ ຄຳສະໄໝ ພົມຫລວງວິຊາ ແລະ ທ້າວ ພັນທະວີ ສີສຸດອນ. ສ່ວນນັກກິລາຍິງ 6 ຄົນປະກອບມີ: ນາງ ຫລ້າ ດາລາວົງ, ນາງ ຈັນພອນ ໄຊສົມພູ, ນາງ ສຸກດາວີ ໄຊສົມພູ, ນາງ ສອນມາລີ ໄຊສົມພູ, ນາງລັດສະໝີ ວົງສາເກດທິບ ແລະ ນາງ ເຄືອ ຈັນທິວົງ.

- Wave100S AD to Website 2020 0 - ຄູຝຶກໂກນບານພິການຕາລາວ ພໍໃຈຜົນງານ ທີ່ເຂົ້າຮ່ວມແຂ່ງຂັນທີ່ປະເທດໄທ
- WhatsApp Image 2020 05 27 at 5 - ຄູຝຶກໂກນບານພິການຕາລາວ ພໍໃຈຜົນງານ ທີ່ເຂົ້າຮ່ວມແຂ່ງຂັນທີ່ປະເທດໄທ
- WhatsApp Image 2020 05 27 at 5 - ຄູຝຶກໂກນບານພິການຕາລາວ ພໍໃຈຜົນງານ ທີ່ເຂົ້າຮ່ວມແຂ່ງຂັນທີ່ປະເທດໄທ
error: Alert: ເນື້ອຫາຂ່າວມີລິຂະສິດ !!