ສື່ຈີນເຜີຍ ຈີນຈະບໍ່ເປັນຝ່າຍຕັ້ງຮັບ ເມື່ອຕ້ອງເຮັດສົງຄາມການຄ້າກັບອາເມລິກາ

- advert banner 728 90 728x90 - ສື່ຈີນເຜີຍ ຈີນຈະບໍ່ເປັນຝ່າຍຕັ້ງຮັບ ເມື່ອຕ້ອງເຮັດສົງຄາມການຄ້າກັບອາເມລິກາ

ໜັງສືພິມ​ໂກລບອລທາມຂອງ​ທາງ​ການ​ຈີນ ລະບຸ​ວ່າ: ຈີນ​ຈະ​ບໍ່​ເປັນ​ຝ່າຍ​ຕັ້ງຮັບ​ໃນ​ການ​ເຮັດ​ສົງຄາມ​ການ​ຄ້າ​ກັບ​ອາ​ເມ​ລິ​ກາ​ທີ່​ທະວີ​ຄວາມ​ເຄັ່ງ​ຕຶງ. ​ເປ​ັນການ​ປະກາດ​ກ່ອນ​ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ຈະ​ປະກາດ​ເກັບ​ພາສີ​ຈີນ​ຄັ້ງ​ໃໝ່​ໃນ​ວັນ​ທີ 17 ກັນຍາ​ນີ້.

- new3 - ສື່ຈີນເຜີຍ ຈີນຈະບໍ່ເປັນຝ່າຍຕັ້ງຮັບ ເມື່ອຕ້ອງເຮັດສົງຄາມການຄ້າກັບອາເມລິກາ

ຂໍ້​ຂັດ​ແຍ່ງ​ການ​ຄ້າ​ຂອງ​ເສດຖະກິດ​​ໃຫຍ່​ທີ່​ສຸດ​ໃນ​ໂລກ​ສອງ​ແຫ່ງ​ນີ້​ມີ​ທ່າ​ອ່ຽງຫລຸດຜ່ອນ ​ເມື່ອ​ກະຊວງ​ການ​ເງິນ​ອາ​ເມ​ລິ​ກາ​ເຊີນ​ຄະນະ​ເຈົ້າໜ້າ​ທີ່​ອາວຸ​ໂສ​ຂອງ​ຈີນ ລວມທັງ​ຮອງ​ນາຍົກລັດຖະມົນຕີ ຫລິວ ​ເຮີ ​ໄປ​​ເຈລະຈາ ຈົນກະທັ້ງສຳນັກ​ຂ່າວຣອຍ​ເຕີ​ອ້າງ​ເຈົ້າໜ້າ​ທີ່​ລັດຖະບານ​ອາ​ເມ​ລິ​ກາ​ໃນ​ທ້າຍ​ອາທິດ​ຜ່ານ​ມາ​ວ່າ: ປະທານາທິບໍດີ ທຣຳ ອາດ​ປະກາດ​ເກັບ​ພາສີ​ສິນຄ້າ​ຈີນ​ຄັ້ງ​ໃໝ່​ມູນ​ຄ່າ 200.000 ລ້ານ​ໂດ​ລາ​ສະຫະລັດ ຢ່າງ​ໄວ​ທີ່​ສຸດ​ໃນ​ວັນ​ທີ 17 ກັນຍາ​ນີ້ ຕາມ​ເວລາ​ອາ​ເມ​ລິ​ກາ.

ບົດ​ບັນນາທິການ​ພາສາ​ຈີນ​ຂອງ​ໂກລບອລທາມ​ສະບັບ​ວັນ​ທີ 17 ກັນຍາ ທີ່​ຕີ​ພິມ​ໂດຍ​ພີ​ເພິ​ລ​ເດ​ລີ ໜັງສືພິມ​ຂອງ​ພັກ​ກອມ​ມູນິດ​ຈີນ ລະບຸ​ວ່າ: ບໍ່​ແມ່ນ​ເລື່ອງ​ໃໝ່​ທີ່​ອາ​ເມ​ລິ​ກາ​ພະຍາຍາມ​ເພີ່ມ​ຄວາມ​ເຄັ່ງ​ຕຶງ ​ເພື່ອ​ສວຍ​ໂອກາດ​ເອົາ​ປຽບ​ໃນ​ການ​ເຈລະຈາ, ຈີນ​ກຽມ​ຕອບ​ໂຕ້​ໃຫ້​ເໜືອກ​ວ່າ ​ແລະ ຈະ​ເຮັດ​ໃຫ້​ອາ​ເມ​ລິ​ກາ​ເຈັບ​ປວດ​ຫລາຍ​ຂຶ້ນຕໍ່​ໄປ. ສ່ວນ​ໜັງສືພິມ​ວໍ​ສະຕີ​ດ​ເຈີ​ນັລ ຂອງ​ອາ​ເມ​ລິ​ກາ ສະບັບ​ວັນ​ທີ 16 ກັນຍາ ອ້າງ​ເຈົ້າໜ້າ​ທີ່​ຈີນ​ວ່າ: ລັດຖະບານ​ຈີນ​ອາດປະຕິ​ເສ​ດການ​ເຈລະຈາ​ການ​ຄ້າ​ໃນ​ເດືອນ​ນີ້ ຖ້າ​ລັດຖະບານ​ອາ​ເມ​ລິ​ກາ​ຍັງ​ເດີນ​ໜ້າ​ເກັບ​ພາສີ​ຄັ້ງ​ໃໝ່ ​ເພາະ​ຈີນ​ຈະ​ບໍ່​ຍອມ​ເຈລະຈາ​ໂດຍ​ມີ​ປືນ​ຈີ້​ຫົວ​ຢູ່.

- lattana 1 - ສື່ຈີນເຜີຍ ຈີນຈະບໍ່ເປັນຝ່າຍຕັ້ງຮັບ ເມື່ອຕ້ອງເຮັດສົງຄາມການຄ້າກັບອາເມລິກາ

ຂະນະ​ດຽວ​ກັນ, ທ່ານ ​ໂຫລ​ວ ຈີ້​ເຫວຍ ປະທານ​ຄະນະ​ກຳມະການ​ກອງ​ທຶນ​ສະຫວັດດີ​ການ​ສັງຄົມ​ແຫ່ງ​ຊາດ ​ແລະ ອະດີດ​ລັດຖະມົນຕີ​ການ​ເງິນ​ຈີນ ກ່າວ​ຕໍ່​ກອງ​ປະຊຸມ​ໃນ​ນະຄອນຫລວງ​ປັກ​ກິ່ງ ​ໃນ​ວັນ​ທີ 16 ກັນຍາ​ວ່າ: ນອກຈາກ​ເກ​ັບພາສີ​ຕອບ​ໂຕ້​ແລ້ວ, ຈີນ​ຍັງ​ອາດ​ຈຳກັດ​ການ​ສົ່ງ​ອອກ​ສິນຄ້າ, ວັດຖຸ​ດິບ ​ແລະ ຊິ້ນສ່ວນ​ສຳຄັນ​ໃຫ້​ແກ່​ຜູ້​ຜະລິດ​ໃນ​ອາ​ເມ​ລິ​ກາ​ນຳ​ອີກ. ຜູ້​ຄຸ້ນ​ເຄີຍ​ກັບ​ລັດຖະບານ​ອາ​ເມ​ລິ​ກາ​ເຊື່ອ​ວ່າ: ຖ້າ​ຈີນ​ດຳ​ເນີນ​ມາດ​ຕະການ​ນີ້​ຈະ​ຍິ່ງ​ເຮັດ​ໃຫ້​ຝ່າຍ​ຄ້ານ​ໃນ​ລັດຖະບານ​ຕອບ​ໂຕ້​ຮຸນ​ແຮງ​ຂຶ້ນ ຈາກ​ປັດຈຸບັນ​ກຳລັງ​ຫາ​ທາງ​ຈຳກັດ​ການ​ສົ່ງ​ອອກ​ເຕັກ​ໂນ​ໂລ​ຊີ​ສຳຄັນ​ໄປ​ຈີນ​ຢູ່.

error: Content is protected !!