ເປີດນຳໃຊ້ສາຍສົ່ງໄຟຟ້າ 230 ແລະ 115 ກິໂລໂວນ

- Grand Opening electric - ເປີດນຳໃຊ້ສາຍສົ່ງໄຟຟ້າ 230 ແລະ 115 ກິໂລໂວນ
- Untitled design - ເປີດນຳໃຊ້ສາຍສົ່ງໄຟຟ້າ 230 ແລະ 115 ກິໂລໂວນ

ພິທີເປີດການນຳໃຊ້ສາຍສົ່ງໄຟຟ້າ 230 ກິໂລໂວນສະຖານີທ່າວຽງ-ຫລັກຊາວ ແລະ ສາຍສົ່ງສະຖານີ 115 ກິໂລໂວນເຂື່ອນໄຟຟ້ານ້ຳໄຜ່-ທົ່ງຄູນ 2 ໄດ້ຈັດຂຶ້ນເມື່ອບໍ່ດົນນີ້ທີ່ນະຄອນຫລວງວຽງຈັນ, ໂດຍການໃຫ້ກຽດເຂົ້າຮ່ວມຂອງທ່ານຮອງນາຍົກລັດຖະມົນຕີ ສອນໄຊ ສີພັນດອນ, ມີບັນດາລັດຖະມົນຕີ,ເຈົ້າແຂວງ, ຜູ້ອຳນວຍການບໍລິສັດນໍລິນໂກ້ຮ່ວມມືສາກົນຈຳກັດເຂົ້າຮ່ວມນໍາດ້ວຍ.

ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ໃຫ້ຮູ້ວ່າ: ໂຄງການສາຍສົ່ງໄຟຟ້າ 230 ກິໂລໂວນທ່າວຽງ-ຫລັກຊາວເຊື່ອມຕໍ່ຈາກສະຖານີໄຟຟ້າ 230 ກິໂລໂວນທ່າວຽງ (ພາກເໜືອ) ຫາສະຖານີຫລັກຊາວ (ພາກກາງ) ມີຄວາມຍາວທັງໝົດ 220 ກິໂລແມັດ, ຊຶ່ງຈະເຮັດໃຫ້ການສະໜອງໄຟຟ້າໃນເຂດພາກກາງດີກວ່າເກົ່າ, ເພື່ອປະກອບສ່ວນຊຸກຍູ້ການພັດທະນາເສດຖະກິດຂອງຊາດ. ສ່ວນໂຄງການສາຍສົ່ງໄຟຟ້າ 115 ກິໂລໂວນນໍ້າໄຜ່ຫາທົ່ງຄູນ 2 ມີຄວາມຍາວທັງໝົດ 45 ກິໂລແມັດ ແນໃສ່ຮັບປະກັນການສົ່ງກະແສໄຟເຂົ້າຕາຂ່າຍໄຟຟ້າລາວຂອງໂຄງການເຂື່ອນໄຟຟ້ານ້ຳໄຜ່, ຊຶ່ງເປັນໂຄງການລົງທຶນຮ່ວມຂອງບໍລິສັດ ນໍລິນໂກ້ ແລະ ລັດວິສາຫະກິດໄຟຟ້າລາວ, ໂຄງການນີ້ຈະສົ່ງໄຟຟ້າສະໜອງໃຫ້ບັນດາໂຮງຈັກ-ໂຮງງານ ແລະ ປະຊາຊົນໃນເຂດໃກ້ຄຽງໄດ້ຊົມໃຊ້ຟ້າຟ້າຢ່າງຖາວອນ.

- Wave100S AD to Website 2020 0 - ເປີດນຳໃຊ້ສາຍສົ່ງໄຟຟ້າ 230 ແລະ 115 ກິໂລໂວນ

ໃນໂອກາດນີ້, ກໍຍັງໄດ້ມີພິທີປະດັບຫລຽນໄຊແຮງງານຊັ້ນ II, ຊັ້ນ III, ຫຼຽນກາແຮງງານ ແລະ ໃບຍ້ອງຍໍລັດຖະບານ ໃຫ້ຜູ້ມີຜົນງານເດັ່ນປະກອບສ່ວນເຂົ້າໃນໂຄງການກໍ່ສ້າງສາຍສົ່ງໄຟຟ້າ 230 ກິໂລໂວນ ແລະ 115 ກິໂລໂວນອີກດ້ວຍ.

- WhatsApp Image 2020 05 27 at 5 - ເປີດນຳໃຊ້ສາຍສົ່ງໄຟຟ້າ 230 ແລະ 115 ກິໂລໂວນ
- WhatsApp Image 2020 05 27 at 5 - ເປີດນຳໃຊ້ສາຍສົ່ງໄຟຟ້າ 230 ແລະ 115 ກິໂລໂວນ
error: Alert: ເນື້ອຫາຂ່າວມີລິຂະສິດ !!