ກອງປະຊຸມລັດຖະບານເປີດກວ້າງ​ເນັ້ນ​ໃສ່​ປຶກສາຫາລືການແກ້ໄຂໄພພິບັດນ້ຳ​ຖ້ວມ ​ແລະ ແຜນພັດທະນາເສດຖະກິດ-ສັງຄົມ

- 19761   2175324   KETH9535 - ກອງປະຊຸມລັດຖະບານເປີດກວ້າງ​ເນັ້ນ​ໃສ່​ປຶກສາຫາລືການແກ້ໄຂໄພພິບັດນ້ຳ​ຖ້ວມ ​ແລະ ແຜນພັດທະນາເສດຖະກິດ-ສັງຄົມ
- Untitled design - ກອງປະຊຸມລັດຖະບານເປີດກວ້າງ​ເນັ້ນ​ໃສ່​ປຶກສາຫາລືການແກ້ໄຂໄພພິບັດນ້ຳ​ຖ້ວມ ​ແລະ ແຜນພັດທະນາເສດຖະກິດ-ສັງຄົມ

ກອງປະຊຸມລັດຖະບານເປີດກວ້າງຄັ້ງທີ II ປີ 2018 ໄດ້ໄຂຂຶ້ນຢ່າງເປັນທາງການໃນວັນທີ 17 ກັນຍານີ້, ໂດຍເນັ້ນໃສ່ການປຶກສາຫາລືກ່ຽວກັບສະພາບ ແລະ ການແກ້ໄຂໄພພິບັດໃນຂອບເຂດທົ່ວປະເທດ ​ແລະ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ໂດຍພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາສະມາຊິກລັດຖະບານ, ເຈົ້າຄອງນະຄອນຫລວງວຽງຈັນ ແລະ ບັນດາເຈົ້າແຂວງເຂົ້າຮ່ວມ, ຊຶ່ງຈະດໍາເນີນໄປເປັນເວລາ 2 ວັນ ເພື່ອສຸມໃສ່ພິຈາລະນາ​ໃນ 3 ຫົວ​ຂໍ້​ສຳຄັນຄື: ສະຫລຸບສະພາບການແກ້ໄຂໄພພິບັດໃນຂອບເຂດທົ່ວປະເທດ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ 8 ເດືອນຕົ້ນປີ ແລະ ຕີລາຄາຜົນຂອງການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII ກາງສະໄໝ ແລະ ກະກຽມສ້າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ IX (2021-2025).

ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະ ຫວັດດີການສັງຄົມ, ໂດຍຕາງໜ້າຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ ໄດ້ລາຍງານຜົນເສຍຫາຍຈາກໄພນໍ້າຖ້ວມ ແລະ ປະຕິບັດການຊ່ວຍເຫລືອສຸກເສີນ ແລະ ແຜນການຟື້ນຟູຜົນກະທົບຫລັງໄພພິບັດຢູ່ບັນດາແຂວງຕ່າງໆໃນທົ່ວປະເທດ.

ທ່ານລັດຖະມົນຕີ ກ່າວວ່າ: ສະພາບນໍ້າຖ້ວມຄັ້ງນີ້ເປັນຄັ້ງຮ້າຍແຮງ, ຊຶ່ງນັບແຕ່ກາງເດືອນກໍລະກົດເປັນຕົ້ນມາ, ໄດ້ສົ່ງຜົນກະທົບໂດຍກົງຕໍ່ຊີວິດ, ຊັບສິນຂອງປະຊາຊົນ ແລະ ສ້າງຄວາມເສຍຫາຍຕໍ່ໂຄງລ່າງພື້ນຖານທາງດ້ານເສດຖະກິດ-ສັງຄົມ ແລະ ສິ່ງແວດລ້ອມຢູ່ 17 ແຂວງ ແລະ ນະຄອນຫລວງວຽງຈັນ, ລວມມີ 115 ເມືອງ, 2.409 ບ້ານ, 131.507 ຄອບຄົວ ແລະ ມີປະມານ 639.437 ຄົນໄດ້ຮັບຜົນກະທົບໜັກ, ມີຜ້ເສຍຊີວິດ 55 ຄົນ, ບາດເຈັບ 2 ຄົນ ແລະ ສູນຫາຍ 100 ຄົນ (ຢູ່ອັດຕະປື 97 ຄົນ, ຫລວງພະບາງ 3 ຄົນ). ໃນນີ້ແມ່ນແຂວງອັດຕະປືໄດ້ຮັບຜົນກະທົບໜັກກວ່າໝູ່, ຊຶ່ງມີຜູ້ເສຍຊີວິດເຖິງ 40 ຄົນ ແລະ ສູນຫາຍ 97 ຄົນ, ຮອງລົງມາແມ່ນ ແຂວງ ຫລວງພະບາງ ມີຜູ້ເສຍຊີວິດ 10 ຄົນ ແລະ ສູນຫາຍ 3 ຄົນ, ຊຽງຂວາງ ເສຍຊີວິດ 4 ຄົນ ແລະ ແຂວງ ບໍລິຄໍາໄຊ ເສຍຊີວິດ 1 ຄົນ. ລວມມູນຄ່າເສຍຫາຍທີ່ຄາດຄະເນຂອງແຕ່ລະຂະແໜງມີ ຄື: ດ້ານໂຍທາທິການ ແລະ ຂົນສົ່ງມີມູນຄ່າເສຍຫາຍ 631,8 ຕື້ກີບ, ດ້ານໄຟຟ້າ 25 ຕື້ກີບ, ດ້ານທີ່ຢູ່ອາໃສຂອງປະຊາຊົນ 12,5 ຕື້ກວ່າກີບ, ດ້ານກະສິກໍາ ແລະ ປ່າໄມ້ 1,2 ຕື້ກວ່າກີບ, ສ່ວນດ້ານສຶກສາ ແລະ ສາທາລະນະສຸກ ຍັງບໍ່ສາມາດຄາດຄະເນມູນຄ່າເສຍຫາຍໄດ້ເທື່ອ.

- Wave100S AD to Website 2020 0 - ກອງປະຊຸມລັດຖະບານເປີດກວ້າງ​ເນັ້ນ​ໃສ່​ປຶກສາຫາລືການແກ້ໄຂໄພພິບັດນ້ຳ​ຖ້ວມ ​ແລະ ແຜນພັດທະນາເສດຖະກິດ-ສັງຄົມ

ສຳລັບວຽກງານທີ່ຕ້ອງໄດ້ປະຕິບັດເລັ່ງດ່ວນປະກອບ​ມີ: ສືບຕໍ່ເບີກຈ່າຍເງິນແຮຖົງ ໃຫ້ຄອບຄົວຜູ້ປະສົບໄພພິບັດຢູ່​ເມືອງ​ສະໜາມ​ໄຊ ຈໍານວນ 7.095 ຄົນ (100.000 ກີບ/ຄົນ/ເດືອນ); ສືບຕໍ່ບຸກເບີກພື້ນທີ່, ດໍາເນີນການສໍາຫລວດແຜນຜັງ ແລະ ປຸກສ້າງທີ່ຢູ່ອາໃສຊົ່ວຄາວຕາມ 5 ຈຸດ; ສືບຕໍ່ຊອກຄົ້ນ ແລະ ເກັບກູ້ຊາກສົບຜູ້ສູນຫາຍ; ສືບຕໍ່ໃຫ້ການຊ່ວຍເຫລືອບັນເທົາທຸກຈໍາວັນເປັນປົກກະຕິ; ສືບຕໍ່ສໍາຫລວດຈໍານວນຄອບຄົວ, ຈໍານວນພົນ ແລະ ອອກບັດໃຫ້ສໍາເລັດໂດຍໄວ; ກະກຽມເປີດກອງປະຊຸມປະເມີນຜົນກະທົບ ດ້ານເສດຖະກິດ, ສັງຄົມ ແລະ ສິ່ງແວດລ້ອມ; ເລັ່ງຕິດຕາມຊຸກຍູ້ການນໍາເຂົ້າເຮືອນສໍາເລັດຮູບ, ພ້ອມທັງປະກອບ ແລະ ມອບໃຫ້ປະຊາຊົນເພື່ອນໍາໃຊ້ເປັນທີ່ພັກອາໃສຊົ່ວຄາວໃຫ້ສໍາເລັດໂດຍໄວ, ເລັ່ງເປີດການຮຽນ-ການສອນໃນເຂດປະສົບໄພໃຫ້ທັນກໍານົດເວລາ ​ແລະ ກະກຽມຝຶກອົບຮົມ ໃຫ້ຄະນະຄຸ້ມຄອງສູນ ແລະ ອໍານາດການປົກຄອງບ້ານໃຫ້ສໍາເລັດຜົນ.

- WhatsApp Image 2020 05 27 at 5 - ກອງປະຊຸມລັດຖະບານເປີດກວ້າງ​ເນັ້ນ​ໃສ່​ປຶກສາຫາລືການແກ້ໄຂໄພພິບັດນ້ຳ​ຖ້ວມ ​ແລະ ແຜນພັດທະນາເສດຖະກິດ-ສັງຄົມ
- WhatsApp Image 2020 05 27 at 5 - ກອງປະຊຸມລັດຖະບານເປີດກວ້າງ​ເນັ້ນ​ໃສ່​ປຶກສາຫາລືການແກ້ໄຂໄພພິບັດນ້ຳ​ຖ້ວມ ​ແລະ ແຜນພັດທະນາເສດຖະກິດ-ສັງຄົມ
error: Alert: ເນື້ອຫາຂ່າວມີລິຂະສິດ !!