ນັນທະເວດ ບຸບຜາ ຊະນະເລີດ ການແຂ່ງຂັນອອກແບບໜຸ່ມນ້ອຍ ປະຈຳປີ 2018

- advert banner 728 90 728x90 - ນັນທະເວດ ບຸບຜາ ຊະນະເລີດ ການແຂ່ງຂັນອອກແບບໜຸ່ມນ້ອຍ ປະຈຳປີ 2018

ທ້າວ ນັນທະເວດ ບຸບຜາ ໄດ້ລາງວັນຊະນະເລີດ ການແຂ່ງຂັນ ອອກແບບໜຸ່ມນ້ອຍຂອງລາວ ປະຈຳປີ 2018, ໄດ້ຮັບທຶນການສຶກສາໄປຝຶກອົບຮົມການອອກແບບ ​ເປັນ​ເວລາ 6 ​ເດືອນ ຢູ່​ປາຣີ ປະ​ເທດ​ຝຣັ່ງ, ຂະນະ​ທີ່ ຮອງ​ຊະນະ​ເລີດໄດ້ແກ່ ທ້າວ ດາ​ວັນ ອິນ​ທະ​ວົງ ​ໄດ້​ຮັບ​ທຶນ​ຝຶກ​ອົບຮົມ​ ຢູ່​ປະ​ເທດ​ສິງກະ​ໂປ, ຮອງ​ອັນ​ດັບ​ສອງ​ ​ທ້າວ ວິສະພົນ ແກ້ວວິໄລ ໄດ້​ຮັບ​ທຶນ​ຝຶກ​ອົບຮົມ ຢູ່​ຮ່າ​ໂນ້ຍ ສສ.ຫວຽດນາມ, ນາງ ຈິນດາສະຫງ່າ ວົງສຸລີ ​ໄດ້​ທຶນ​ຝຶກ​ອົບຮົມ​ຢູ່ ມະນີລາ ປະ​ເທດຟີລິບປິນ ເປັນເວລາ 2 ເດືອນ ​ແລະ ທ້າວ ກີ້ ເພຍທຳງອຍ ​ໄດ້​ທຶນ​ຝຶກ​ອົບຮົມ​ຢູ່ບາງກອກ ປະ​ເທດໄທ ຕາມ​ລຳດັບ.

- image003 - ນັນທະເວດ ບຸບຜາ ຊະນະເລີດ ການແຂ່ງຂັນອອກແບບໜຸ່ມນ້ອຍ ປະຈຳປີ 2018

ງານປະກາດຜູ້ຊະນະເລີດ ການແຂ່ງຂັນອອກແບບໜຸ່ມນ້ອຍຂອງລາວ ປະຈຳປີ 2018 ​ໄດ້​ຈັດ​ຂຶ້ນໃນວັນທີ 14 ກັນຍານີ້ ທີ່ໂຮງແຮມ ຄຣາວພລາຊາ ນະຄອນຫລວງວຽງຈັນ, ​ໂດຍ​ການ​ເຂົ້າ​ຮ່ວມ​ຂອງ​ ທ່າ​ນ ນາງ ປານີ ໄຊຍະວົງສ ຜູ້ກໍ່ຕັ້ງ ແລະ ອໍານວຍການລາວແຟຊັ້ນວີກ ແລະ ໂຄງການສົ່ງເສີມນັກອອກແບບໜຸ່ມນ້ອຍຂອງລາວ, ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວ ແຫ່ງ ສປປ ລາວ ມີ​ບັນດາ​ທ່ານ​ທູດ, ນັກ​ອອກ​ແບບ ທັງ​ພາຍ​ໃນ ​ແລະ ຕ່າງປະ​ເທດ ​ເຂົ້າ​ຮ່ວມ.

ທ່ານ ປານີ ໄຊຍະວົງສ ກ່າວວ່າ: ໂຄງການສົ່ງເສີມນັກອອກແບບໜຸ່ມນ້ອຍຂອງລາວ ໄດ້ຮັບການຮ່ວມມື ແລະ ຊ່ວຍເຫລືອຢ່າງໃກ້ຊິດ ຈາກສະຖານທູດຝຣັ່ງ ປະຈຳລາວ, ສະຖາບັນແຄມປັດ ຝຣັ່ງ ປະຈຳລາວ, ສະຖາບັນແອັດສໂມດ, ສະຖານທູດສິງກະໂປ  ປະຈຳລາວ, ສະຖາບັນນາຟ້າ ສິງກະໂປ, ສະຖານທູດອັງກິດ, ວິທະຍາໄລແຟຊັ້ນ ແລະ ການອອກແບບ ລອນດອນ, ສະຖາບັນແຟຊັ້ນຟິລິປິນ ແລະ ບັນດາຜູ້ສະໜັບສະໜູນອື່ນໆ ທີ່ຈະຊ່ວຍໃຫ້ບັນດາໄວໜຸ່ມລາວ ທີ່ມີພອນສະຫວັນ ແລະ ຄວາມສາມາດໃນການອອກແບບ ​ເພື່ອພັດທະນາຄວາມຮູ້, ທັກສະ ແລະ ມຸມມອງຂອງພວກເຂົາ ເຈົ້າ ໃຫ້ພ້ອມໃນການສ້າງສານຄວາມໄຝ່ຝັນຂອງຕົນໃຫ້ເປັນຈິງໃນວົງການແຟຊັ້ນ.

- 1 1 - ນັນທະເວດ ບຸບຜາ ຊະນະເລີດ ການແຂ່ງຂັນອອກແບບໜຸ່ມນ້ອຍ ປະຈຳປີ 2018
- Tiger Head 728x90 - ນັນທະເວດ ບຸບຜາ ຊະນະເລີດ ການແຂ່ງຂັນອອກແບບໜຸ່ມນ້ອຍ ປະຈຳປີ 2018

ທ່ານ ນາງ ປານີ ໄຊຍະວົງສ ກ່າວ​ຕື່ມ​ວ່າ: ໃນແຕ່ລະປີ ພວກເຮົາມີຄວາມພາກພູມໃຈເປັນຢ່າງຍິ່ງ, ທີ່ໄດ້ເຫັນຜົນງານຂອງບັນດາໄວຫນຸ່ມລາວທົ່ວປະເທດ ທີ່ໄດ້ສົ່ງຜົນງານຂອງຕົນເຂົ້າມາປະກວດ ຊິງລາງວັນນັກອອກແບບໜຸ່ນ້ອຍດີເດັ່ນຂອງລາວ. ພວກເຮົາມີຄວາມປະທັບໃຈ ທີ່ໄດ້ເຫັນສີມື ແລະ ຄວາມສາມາດອັນໂດດເດັ່ນໃນດ້ານຄວາມຄິດສ້າງສັນ ແລະ ການອອກແບບຂອງເຂົາເຈົ້າ, ເຊິ່ງບໍ່ນ້ອຍໜ້ານັກອອກແບບມືອາຊີບ, ໂດຍທັງທີ່ພວກເຂົາເຈົ້າ ບໍ່ມີໂອກາດໄດ້ຮຽນ ດ້ານການອອກແບບມາກ່ອນ.

​ໃນ​ໂອກາດ​ດຽວ​ກັນ, ຜູ້​ເຂົ້າ​ຮ່ວມ​ຍັງ​ໄດ້​ຮັບ​ຊົມ​ການ​ເດີນ​ແບບ​ອາພອນ​ ຈາກ​ບັນດານັກ​ອອກ​ແບບ​ທີ່​ມາ​ຈາກ​ພາຍ​ໃນ ​ແລະ ຕ່າງປະ​ເທດ​ ເປັນ​ຕົ້ນ ຟີ​ລິປິ​ນ, ​ໄທ, ອິນ​ໂດ​ເນ​ເຊຍ, ມາ​ເລ​ຊຍ, ຫວຽດນາມ ​ແລະ ຍີ່ປຸ່ນອີກດ້ວຍ.

error: Content is protected !!