ທະນາຄານແຫ່ງ ສປປ ລາວ ຈັດແຂ່ງຂັນກິລາ ຄົບຮອບ 50 ປີ

- advert banner 728 90 728x90 - ທະນາຄານແຫ່ງ ສປປ ລາວ ຈັດແຂ່ງຂັນກິລາ ຄົບຮອບ 50 ປີ

ທະນາຄານແຫ່ງ ສປປ ລາວ (ທຫລ) ໄດ້ຈັດການແຂ່ງຂັນກິລາເພື່ອສຸຂະພາບ-ມິດຕະພາບ ເພື່ອຂໍ່ານັບ-ຊົມເຊີຍວັນສ້າງຕັ້ງທະນາຄານແຫ່ງ ສປປ ລາວ ຄົບຮອບ 50 ປີ (7 ຕຸລາ 1968-7 ຕຸລາ 2018) ​ໃຫ້​ມີ​ຂະ​ບວນຟົດຟື້ນ ບົນຈິດໃຈປະຢັດ ໄດ້ຈັດຂຶ້ນໃນວັນທີ 15-16 ກັນຍານີ້ ທີ່ນະຄອນຫຼວງວຽງຈັນ ໂດຍມີທ່ານ ສອນໄຊ ສິດພະໄຊ ຮັກສາການຜູ້ວ່າການ ທຫລ ພ້ອມນີ້ຍັງມີຄະນະກໍາມະການ, ຄູຝຶກ-ນັກກິລາ, ຜູ້ຊົມ-ຜູ້ເຊຍ ແລະ ພາກສ່ວນກ່ຽວຂ້ອງເຂົ້າຮ່ວມ​ເປັນ​ຈຳນວນ​ຫລາຍ.

- new3 - ທະນາຄານແຫ່ງ ສປປ ລາວ ຈັດແຂ່ງຂັນກິລາ ຄົບຮອບ 50 ປີ

ການແຂ່ງຂັນກິລາຄັ້ງນີ້ ມີກິລາເປຕັງ, ບານເຕະ ແລະ ການແຂ່ງຂັນນັບເງິນ ເຊິ່ງການແຂ່ງຂັນແຕ່ລະປະເພດກິລາກໍເຕັມໄປດ້ວຍບັນຍາກາດທີ່ດີ ແລະ ສໍາ​ເລັດ ​ເຊິ່ງຜົນກິລາເປຕັງ ຊະນະເລີດລຸ້ນ 45 ປີຂຶ້ນໄປ ທີມຊຸດຍິງ ໄດ້ແກ່ທະນາຄານແຫ່ງ ສປປ ລາວ, ລຸ້ນ 45 ປີຂຶ້ນໄປ ທີມຊຸດຊາຍ ໄດ້ແກ່ທະນາຄານການຄ້າຕ່າງປະເທດລາວ, ລຸ້ນ 44 ປີລົງມາ ທີມຊຸດຍິງ ໄດ້ແກ່ທະນາຄານແຫ່ງ ສປປ ລາວ ແລະ ລຸ້ນ 44 ປີລົງມາ ທີມຊຸດຊາຍ ໄດ້ແກ່ທະນາຄານນະໂຍບາຍ. ສໍາລັບຜົນການແຂ່ງຂັນກິລາເປຕັງ ຮອງຊະນະເລີດ ລຸ້ນ 45 ປີຂຶ້ນໄປ ທີມຊຸດຍິງ ໄດ້ແກ່ທະນາຄານພັດທະ ນາລາວ, ລຸ້ນ 45 ປີຂຶ້ນໄປ ທີມຊຸດຊາຍ ໄດ້ແກ່ທະນາຄານພັດທະນາລາວ, ລຸ້ນ 44 ປີລົງມາ ທີມຊຸດຍິງ ໄດ້ແກ່ທະນາຄານນະໂຍບາຍ ແລະ ລຸ້ນ 44 ປີລົງມາ ທີມຊຸດຊາຍ ໄດ້ແກ່ທະນາຄານ RHB.

ໃນການແຂ່ງຂັນກິລາບານເຕະ ກໍເຂົ້າມາໃນໂຄ້ງ 4 ຄູ່ສຸດທ້າຍ ເຊິ່ງຜົນຂອງການແຂ່ງຂັນໃນວັນທີ 16 ກັນຍາ ສະຫຼູບໄດ້ຄື: ທະນາຄານຮ່ວມທຸລະກິດ ລາວ-ຫວຽດ ຊະນະ ທະນາຄານການຄ້າຕ່າງປະເທດລາວ 9-8, ທະນາຄານນະໂຍບາຍ ຊະນະ ທະນາຄານພົງສະຫວັນ 11-1; ທະນາຄານພັດທະນາລາວ ຊະນະ ທະນາຄານຮ່ວມພັດທະນາ 3-1 ແລະ ທະນາຄານແຫ່ງ ສປປ ລາວ ຊະນະ ທະນາຄານສົ່ງເສີມກະສິກໍາ 2-0 ແລະ ການແຂ່ງຂັນໃນຂັ້ນຕໍ່ໄປ.

ໃນການແຂ່ງຂັນນັບເງິນ ເຊິ່ງເປັນກິດຈະກໍາໜຶ່ງທີ່ຕິດພັນກັບໜ້າທີ່ວິຊາສະເພາະຂອງຂະແໜງການເງິນ-ເງິນຕາ; ເວົ້າສະເພາະກໍແມ່ນວຽກງານບໍລິການຮັບ-ຈ່າຍເງິນສົດທົ່ວລະບົບທະນາຄານ ເຮັດໃຫ້ລູກຄ້າມີຄວາມເພິ່ງພໍໃຈ ທັງເປັນການຝຶກຝົນຫຼໍ່ຫຼອມໃຫ້ພະນັກງານທະນາຄານມີຄວາມຄ່ອງແຄ້ວຊໍານານງານໃນການບໍລິການລູກຄ້າ; ການແຂ່ງຂັນເທື່ອນີ້ ມີ 20 ທີມເຂົ້າຮ່ວມ ໂດຍຈັດໃຫ້ມີການແຂ່ງນັບເງິນ-ໄຈ້ແຍກເງິນແທ້ ແລະ ເງິນປົນ (ປອມ) ເຊິ່ງມີປະເພດເງິນກີບ ແລະ ເງິນໂດລາສະຫະລັດ. ສໍາລັບການແຂ່ງຂັນປະເພດເງິນກີບ ຊະນະເລີດໄດ້ແກ່ທ່ານ ວິໄລສັກ ຫຼວງລາດ ຈາກທະນາຄານການຄ້າຕ່າງປະເທດລາວ; ຮອງຊະນະເລີດໄດ້ແກ່ທ່ານ ນາງ ສຸດາ ມະນີວັນ ຈາກທະນາຄານອິນໂດຈີນ ແລະ ອັນດັບ 3 ໄດ້ແກ່ທະນາຄານຮ່ວມທຸລະກິດ ລາວ-ຫວຽດ. ສໍາລັບການແຂ່ງນັບເງິນ-ໄຈ້ແຍກເງິນປະເພດເງິນໂດລາສະຫະລັດ ຊະນະເລີດໄດ້ແກ່ທ່ານ ວອນວິໄລ ຈັນບົວທັນ ຈາກທະນາຄານການຄ້າຕ່າງປະເທດລາວ; ຮອງຊະນະເລີດໄດ້ແກ່ທ່ານ ອານຸສອນ ຫຼວງປັນຍາ ຈາກທະນາຄານແຫ່ງ ສປປ ລາວ ສາຂາຊຽງຂວາງ ແລະ ອັນດັບ 3 ໄດ້ແກ່ທ່ານ ວຽງວິໄລ ໄພພິມມາລາ ຈາກທະນາຄານລາວຈີນ.

- lattana 1 - ທະນາຄານແຫ່ງ ສປປ ລາວ ຈັດແຂ່ງຂັນກິລາ ຄົບຮອບ 50 ປີ

 # ຂ່າວ-ພາບ: ຣັດສະໝີ ດວງສັດຈະ

error: Content is protected !!