U16 ລາວ ລົງສະໜາມມື້ນີ້ພົບເຈົ້າພາບ

- 42123582 1920182964954302 7737454832956473344 n - U16 ລາວ ລົງສະໜາມມື້ນີ້ພົບເຈົ້າພາບ
- Untitled design - U16 ລາວ ລົງສະໜາມມື້ນີ້ພົບເຈົ້າພາບ

ນັກ​ກິລາ​ທີ​ມຊາດ​ລາວ ລຸ້ນອາຍຸ​ບໍ່​ເກີນ 16 ປີ ຫລື​ U16 ຍິງ​ ລົງ​ສະໜາມ​ຄັ້ງ​ທີ​ 2 ພົບ​ກັບ​ ມົງ​ໂກ​ລີ (​ເຈົ້າພາບ) ​ໃນ​ວັນ​ທີ 19 ກັນ​ຍາ 2018 ຂອງ​ການ​ແຂ່ງຂັນບານ​ເຕະຍິງຊີງແຊ້ມອາຊີ ລຸ້ນອາຍຸບໍ່ເກີນ 16 ປີ ຮອບຄັດເລືອກ 2019 AFC U-16 WOMEN’S CHAMPIONSHIP 2019 ທີ່ປະເທດມົງໂກລີ ໃນລະຫວ່າງວັນທີ 15-23 ກັນຍາ 2018.

ທ່ານ ນາງ ແກ້ວຕາ ພົງອຸດົມ ຜູ້ຊ່ວຍຄູຝຶກທີ​ມຊາດ​ລາວ U16 ຍິງ ​ໃຫ້​ສໍາພາດ​ກ່ອນ​ການ​ລົງ​ສະໜາມ​ພົບ​ກັບ​ເຈົ້າພາບ​ວ່າ: ການ​ລົງ​ສະໜາມ​ຄັ້ງ​ທີ 2 ນີ້ ຖື​ວ່າ​ມີ​ຄວາມ​ກົດ​ດັນ​ພໍ​ສົມຄວນ ​ເພາະວ່າ​ເຈົ້າພາບ​ໄດ້​ກຽມ​ຕົວ​ມາ​ດີ​ ອີກ​ຢ່າງ​​ເຈົ້າພາບ​ກໍ​ຄຸ້ນ​ເຄີ​ຍກັບ​ສະພາບ​ອາກາດ​ທີ່​ໜາວ​ເຢັນ. ດັ່ງ​ນັ້ນ, ຈຶ່ງ​ເຮັດ​ໃຫ້​ພວກ​ເຂົາ​ມີ​ຄວາມ​ໄດ້​ປຽບ. ​ແນວ​ໃດ​ກໍ​ຕາມ​ການ​ລົງ​ສະໜາມ​ຄັ້ງ​ນີ້ ຕົນ​ເອງ​ກໍ​ເຊື່ອ​ວ່າ​ນັກ​ກິລາ​ຂອງ​ຕົນ​​ຈະ​ເຮັດ​ໄດ້​ດີ​ຄື​ຄັ້ງ​ຜ່ານ​ມາ ​ເພື່ອ​ເກັບ​ຄະ​ແນນ​ຜ່ານ​ເຂົ້າຮອບ​ໃຫ້​ໄດ້.

ສໍາລັບ​ຜົນ​ການ​ລົງ​ສະໜາມ​ຄັ້ງ​ທີ 1 ຂອງ​ທີ​ມຊາດ​ລາວ ​ສາມາດ​ເອົາຊະນະ​ ປາກິດສະຖານ​ 3-0; ສ່ວນ​ເຈົ້າ​ພາບ ມົງໂກລີ​ ເສຍໃຫ້​ ຮົງກົງ​ 1-2. ສ່ວນ​ຕາຕະລາງການແຂ່ງຂັນ​ຂອງ​ທີ​ມຊາດ​ລາວ​ ວັນທີ 19 ກັນຍາ ເວລາ 17:00 ​ໂມງ​ ພົບ​ກັບ ມົງໂກລີ, ວັນທີ 21 ກັນຍາ ເວລາ 13:00 ​ໂມງ​ ພົບ ຮົງກົງ, ວັນທີ 23 ກັນຍາ ເວລາ 17:00 ​ໂມງ ພົບ ອິນເດຍ.

- Wave100S AD to Website 2020 0 - U16 ລາວ ລົງສະໜາມມື້ນີ້ພົບເຈົ້າພາບ
- WhatsApp Image 2020 05 27 at 5 - U16 ລາວ ລົງສະໜາມມື້ນີ້ພົບເຈົ້າພາບ
- WhatsApp Image 2020 05 27 at 5 - U16 ລາວ ລົງສະໜາມມື້ນີ້ພົບເຈົ້າພາບ
error: Alert: ເນື້ອຫາຂ່າວມີລິຂະສິດ !!