ຜູ້ເສຍຊີວິດຈາກໄຕ້ຝຸ່ນມັງຄຸດ ໃນຟີລິບປິນເກີນ 70 ຄົນແລ້ວ

- news cbOJRUAzwz143331 533 - ຜູ້ເສຍຊີວິດຈາກໄຕ້ຝຸ່ນມັງຄຸດ ໃນຟີລິບປິນເກີນ 70 ຄົນແລ້ວ
- Untitled design - ຜູ້ເສຍຊີວິດຈາກໄຕ້ຝຸ່ນມັງຄຸດ ໃນຟີລິບປິນເກີນ 70 ຄົນແລ້ວ

ຈຳນວນ​ຜູ້​ເສຍ​ຊີວິດ​ຈາກ​ອິດ​ທິພົນ​ຂອງ​ໄຕ້​ຝຸ່ນ​ມັງຄຸດ ​ເຊິ່ງພັດ​ຖະຫລົ່ມ​ພາກ​ເໜືອ​ຂອງ​ຟີ​ລິບ​ປິນ​ໃນ​ທ້າຍ​ອາທິດ​ຜ່ານ​ມາ ​ເພີ່ມ​ເປັນ​ຢ່າງ​ໜ້ອຍ 74 ຄົນ​ແລ້ວ, ​ແຕ່​ຍັງ​ມີ​ຜູ້​ສູນຫາຍ​ອີກ​ປະມານ 40 ຄົນ​ຈາກ​ເຫດ​ດິນ​ເຈື່ອນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສຳນັກງານ​ບໍລິຫານ​ຈັດການ ​ແລະ ຫລຸດ​ຄວາມ​ສ່ຽງ​ໄພພິບັດ​ແຫ່ງ​ຊາດ​ຂອງ​ຟີ​ລິບ​ປິນ (NDRRMC) ລາຍ​ງານ​ຈຳນວນ​ຜູ້​ເສຍ​ຊີວິດ​ຈາກ​ອິດ​ທິພົນ​ຂອງ​ໄຕ້​ຝຸ່ນ​ມັງຄຸດ ​ເຊິ່ງພັດ​ເຂົ້າ​ແຂວງ​ຄາ​ກາ​ຍັນ ຢູ່​ເກາະ​ລູຊອນ ທາງ​ຕອນ​ເໜືອ​ຂອງ​ຟີ​ລິບ​ປິນ ​ໃນ​ທ້າຍ​ອາທິດ​ຜ່ານ​ມາ ​ເພີ່ມ​ຂຶ້ນ​ເປັນ​ຢ່າງ​ໜ້ອຍ 74 ຄົນ​ແລ້ວ. ​ເຖິງ​ຢ່າງ​ໃດ​ກໍ​ຕາມ, ຈຳນວນ​ຜູ້​ເສຍ​ຊີວິດ​ມີ​ທ່າ​ອ່ຽງ​ເພີ່ມ​ຂຶ້ນອີກ ​ແລະ ອາດ​ເກີນ 100 ຄົນ ​ເນື່ອງ​ຈາກ​ຍັງ​ມີ​ຜູ້​ສູນຫາຍ​ອີກ​ປະມານ 40 ຄົນ ຈາກ​ເຫດ​ດິນ​ເຈື່ອນ​ລົງ​ມາ​ຖົມ​ບໍ່​ແຮ່​ແຫ່ງ​ໜຶ່ງ ທີ່​ເມືອງ​ອິ​ໂຕກ​ອງ ​ແຂວງ​ເບ​ງ​ເກັດ ທາງ​ຕາ​ເວັນ​ອອກ​ຂອງ​ເກາະ​ລູຊອນ ​ເຊິ່ງໜ່ວຍ​ກູ້​ໄພ​ຍັງ​ຄົງ​ພະຍາຍາມ​ຄົ້ນຫາ​ຜູ້​ສູນຫາຍ.

- Wave100S AD to Website 2020 0 - ຜູ້ເສຍຊີວິດຈາກໄຕ້ຝຸ່ນມັງຄຸດ ໃນຟີລິບປິນເກີນ 70 ຄົນແລ້ວ

ຂະນະ​ທີ່​ສະຖານະ​ການ​ໃນ​ຮົງ​ກົງ, ມາ​ເກົາ ​ແລະ ພື້ນທີ່​ຕາມ​ແຄມ​ຝັ່ງ​ຂອງ​ແຂວງ​ທີ່ຢູ່​ທາງ​ຕອນ​ໃຕ້​ຂອງ​ຈີນ​ເລີ່​ມກັບ​ຄືນ​ສູ່​ສະພາບ​ປົກກະຕິ. ​ເຈົ້າໜ້າ​ທີ່ ​ແລະ ປະຊາຊົນ​ຮ່ວມ​ມື​ກັນ​ກວາດ​ລ້າງ ​ແລະ ສ້ອມ​ແປງ​ສິ່ງ​ປຸກ​ສ້າງ​ທີ່​ໄດ້​ຮັບ​ຄວາມ​ເສຍ​ຫາຍ​ຈາກ​ກະ​ແສ​ລົມ​ແຮງ. ທັງ​ນີ້ ອິດ​ທິພົນ​ຂອງ​ພາຍຸ​ມັງຄຸດ​ສົ່ງ​ຜົນ​ໃຫ້​ມີ​ຜູ້​ໄດ້​ຮັບ​ບາດ​​ເຈັບ​ຫລາຍ​ກວ່າ 300 ຄົນ​ໃນ​ຮົງ​ກົງ ​ແລະ ມີ​ຜູ້​ເສຍ​ຊີວິດ​ຢ່າງ​ໜ້ອຍ 4 ຄົນ​ໃນ​ແຂວງ​ກວາງຕຸ້ງ.

- WhatsApp Image 2020 05 27 at 5 - ຜູ້ເສຍຊີວິດຈາກໄຕ້ຝຸ່ນມັງຄຸດ ໃນຟີລິບປິນເກີນ 70 ຄົນແລ້ວ
- WhatsApp Image 2020 05 27 at 5 - ຜູ້ເສຍຊີວິດຈາກໄຕ້ຝຸ່ນມັງຄຸດ ໃນຟີລິບປິນເກີນ 70 ຄົນແລ້ວ
error: Alert: ເນື້ອຫາຂ່າວມີລິຂະສິດ !!