ຜູ້ນຳ ສ.ເກົາຫລີ ຢ້ຽມຢາມ ສປປ ເກົາຫລີ ຢ່າງເປັນທາງການ

- 364786 - ຜູ້ນຳ ສ.ເກົາຫລີ ຢ້ຽມຢາມ ສປປ ເກົາຫລີ ຢ່າງເປັນທາງການ
- Untitled design - ຜູ້ນຳ ສ.ເກົາຫລີ ຢ້ຽມຢາມ ສປປ ເກົາຫລີ ຢ່າງເປັນທາງການ

ປະທານາທິບໍດີ ມຸນ ​ແຈ​ອິນ ສ້າງ​ປະຫວັດສາດ​ເປັນ​ຜູ້ນຳ ສ.​ເກົາຫລີ ຄົນທີ 3 ​ເຊິ່ງຢ້ຽມຢາມ​ນະຄອນຫລວງ​ພຽງ​ຢາງ​ຢ່າງ​ເປັນ​ທາງ​ການ ​ໂດຍ​ຈະ​ພົບ​ປະ​ຫາລື​ກັບ​ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ​ເພື່ອ​ການ​ພັດທະນາ​ການ​ພົວພັນ​ຂ້າມ​ຊາຍ​ແດນ.

- news PyqgRqXevs113411 533 - ຜູ້ນຳ ສ.ເກົາຫລີ ຢ້ຽມຢາມ ສປປ ເກົາຫລີ ຢ່າງເປັນທາງການ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ມຸນ ​ແຈ​ອິນ ​ແລະ ທ່ານ​ນາງ ກິມ ຈອງ​ຊຸກ ພັນ​ລະ​ຍາ ​ເດີນທາງ​ດ້ວຍ​ຖ້ຽວ​ບິນ​ພິ​ເສດ​ຂອງ​ລັດຖະບານ ສ.​ເກົາຫລີ ພ້ອມ​ຄະນະ​ອີກ​ປະມານ 110 ທ່ານ ​ເຖິງ​ສະໜາມ​ບິນ​ສາກົນ​ພຽງ​ຢາງ ​ໃນ​ຕອນ​ເຊົ້າວັນ​ທີ 18 ກັນຍາ ຕາມ​ເວລາ​ທ້ອງ​ຖິ່ນ ​ໂດຍ​ມີ​ທ່ານ ກິມ ຈ໋ອງອຸນ ຜູ້ນຳ​ສູງ​ສຸດຂອງ ສປປ ​ເກົາຫລີ ​ແລະ ທ່ານ​ນາງ ຣີ ຊໍ​ຈູ ພັນ​ລະ​ຍາ ​ໃຫ້ການ​ຕ້ອນຮັບ ​ເຊິ່ງຜູ້ນຳ​ຂອງ ສປປ ​ເກົາຫລີ ນຳພາ​ປະທານາທິບໍດີ ສ.​ເກົາຫລີ ກວດ​ແຖວ​ກອງ​ທະຫານ​ກຽດຕິຍົດ ​ແລະ ທັກ​ທາຍ​ຕົວ​ແທນ​ປະຊາຊົນ​ຈຳນວນ​ຫລາຍ​ທີ່​ລໍຖ້າ​ຕ້ອນຮັບ.

- 532639365b0 c2842244 18918 165 - ຜູ້ນຳ ສ.ເກົາຫລີ ຢ້ຽມຢາມ ສປປ ເກົາຫລີ ຢ່າງເປັນທາງການ

ທັງ​ນີ້, ທ່ານ ມຸນ ​ແຈ​ອິນ ຈະ​ຢ້ຽມຢາມ ສປປ ​ເກົາຫລີ ຈົນ​ເຖິງ​ວັນ​ທີ 20 ກັນຍາ ​ເພື່ອ​ຮ່ວມ​ກອງ​ປະຊຸມ​ສຸດ​ຍອດ​ລະດັບ​ຜູ້ນຳ​ສອງ​ເກົາຫລີ ​ເຊິ່ງຈັດ​ຂຶ້ນທີ່​ນະຄອນຫລວງ​ພຽງ​ຢາງ​ເປັນຄັ້ງທີ 3 ​ໂດຍ​ການ​ຢ້ຽມຢາມ ສປປ ​ເກົາຫລີ ຂອງ​ຜູ້ນຳ ສ.​ເກົາຫລີ 2 ຄັ້ງກ່ອນ​ໜ້ານັ້ນ ​ເກີດ​ຂຶ້ນ​ໃນ​ປີ 2000 ​ແລະ 2007 ​ໃນ​ສະ​ໄໝ​ຂອງ​ປະທານາທິບໍດີ ກິມ ​ແດ​ຈຸ​ງ ​ແລະ ປະທານາທິບໍດີ ​ໂນ ມູຢອນ ພົບ​ປະ​ຫາລື​ກັບ​ທ່ານ ກິມ ຈ໋ອງອິນ ຜູ້ນຳ​ສູງ​ສຸດ​ໃນ​ເວລາ​ນັ້ນ. ນອກຈາກ​ນີ້ ການ​ພົບ​ກັນ​ລະຫວ່າງ​ທ່ານ ມຸນ ​ແຈ​ອິນ ກັບ​ທ່ານ ກິມ ຈ໋ອງອຸນ ​ໃນ​ຄັ້ງນີ້ ຖື​ເປັນຄັ້ງທີ 3 ຕໍ່​ຈາກ​ກອງ​ປະຊຸມ​ໃນ​ວັນ​ທີ 27 ​ເມສາ ​ແລະ 27 ພ​ຶດສະພາ​ຜ່ານ​ມາ, ​ແຕ່​ກອງ​ປະຊຸມ​ທັງ​ສອງ​ຄັ້ງນີ້​ເປັນ​ການ​ພົບ​ປະ​ຫາລື​ກັນ​ຢູ່​ປານມຸນ​ຈອມ ​ເຂດ​ປອດ​ທະຫານ.

ສຳລັບ​ກຳນົດ​ການ​ຢ້ຽມຢາມ​ຂອງ​ທ່ານ ມຸນ ​ແຈ​ອິນ​ ນັ້ນ ມີ​ການ​ເປີດ​ເຜີຍ​ໃນ​ເບື້ອງຕົ້ນວ່າ: ຈະ​ມີ​ການ​ພົບ​ປະ​ຫາລື​ຢ່າງ​ໜ້ອຍ 2 ຄັ້ງກັບ​ທ່ານ ກິມ ຈ໋ອງອຸນ ​ແລະ ຈະ​ມີ​ການ​ຖະ​ແຫລ​ງຮ່ວມ​ກັນ​ໃນ​ວັນ​ທີ 19 ກັນຍາ. ຂະນະ​ທີ່ ​ເປົ້າໝາຍ​ສຳຄັນ​ຂອງ ສ.​ເກົາຫລີ ​ໃນ​ກອງ​ປະຊຸມ​ຄັ້ງນີ້ ຄື​ການ​ຂະຫຍາຍ​ຂອບ​ເຂດ ​ແລະ ຍົກ​ລະດັບ​ການ​ຮ່ວມ​ມື​ຂ້າມ​ຊາຍ​ແດນ​ກັບ ສປປ ​ເກົາຫລີ, ການ​ຫາລື​ຕໍ່​ເນື່ອງ​ຈາກ​ປະລິນຍາ​ປານ​ມຸນ​ຈອມ ​ໂດຍ​ສະ​ເພາະ​ບັນຫາ​ສົນທິສັນຍາ​ສັນຕິພາບ “ສະບັບ​ຖາວອນ”, ຢຸດ​ສົງຄາມ​ເກົາຫລີ​ທີ່​ຍືດ​ເຍື້ອມາກ​ວ່າ 6 ທົດ​ສະ​ວັດ ​ແລະ ການ​ເປັນ “ສື່​ກາງ” ລະຫວ່າງ​ລັດຖະບານ​ພຽງ​ຢາງ​ກັບ​ອາ​ເມ​ລິ​ກາ ​ເພື່ອ​ນຳ​ໄປ​ສູ່​ກອງ​ປະຊຸມ​ຄັ້ງທີ 2 ລະຫວ່າງ​ທ່ານ ກິມ ຈ໋ອງອຸນ ກັບ​ປະທານາທິບໍດີ ​ໂດ​ນັລ ທຣຳ ​ເພື່ອ​ຕໍ່​ຍອດ​ຈາກ​ການ​ພົບ​ປະກັນ​ເທື່ອ​ທຳ​ອິດ​ທີ່​ສິງກະ​ໂປ ​ໃນ​ວັນ​ທີ 12 ມິຖຸນາ.

- WhatsApp Image 2020 05 27 at 5 - ຜູ້ນຳ ສ.ເກົາຫລີ ຢ້ຽມຢາມ ສປປ ເກົາຫລີ ຢ່າງເປັນທາງການ
- WhatsApp Image 2020 05 27 at 5 - ຜູ້ນຳ ສ.ເກົາຫລີ ຢ້ຽມຢາມ ສປປ ເກົາຫລີ ຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!