ຈີນຈະຕອບໂຕ້ພາສີໃໝ່ອາເມລິກາ ສ່ວນທຸລະກິດຊີ້ຊາວອາເມລິກາຮັບເຄາະ

- 1066452349 - ຈີນຈະຕອບໂຕ້ພາສີໃໝ່ອາເມລິກາ ສ່ວນທຸລະກິດຊີ້ຊາວອາເມລິກາຮັບເຄາະ
- Untitled design - ຈີນຈະຕອບໂຕ້ພາສີໃໝ່ອາເມລິກາ ສ່ວນທຸລະກິດຊີ້ຊາວອາເມລິກາຮັບເຄາະ

ຈີນ​ເຜີຍ​ບໍ່​ມີ​ທາງ​ເລືອກ​ນອກຈາກຕ້ອງ​ຕອບ​ໂຕ້​ອາ​ເມ​ລິ​ກາ​ທີ່​ປະກາດ​ເກັບ​ພາສີ​ຮອບ​ໃໝ່​ກັບ​ສິນຄ້າ​ຈີນ, ສ່ວນ​ທຸລະ​ກິດ​ອາ​ເມ​ລິ​ກາ​ຊີ້​ວ່າ: ຜູ້​ບໍລິ​ໂພ​ກຊາວ​ອາ​ເມ​ລິ​ກາ​ຄື​ຜູ້​ຮັບ​ເຄາະ​ຈາກ​ການ​ຕັດສິນ​ໃຈ​ຂອງ​ປະທານາທິບໍດີ ​ໂດ​ນັລ ທຣຳ.

ກະຊວງ​ການ​ຄ້າ​ຈີນ​ຖະ​ແຫລ​ງສັ້ນໆ​ໃນ​ວັນ​ທີ 18 ກັນຍາ​ວ່າ: ​ເພື່ອ​ປົກ​ປ້ອງ​ສິດ ​ແລະ ຜົນ​ປະ​ໂຫຍ​ດອັນ​ຊອບ​ທຳ ລວມທັງ​ລະບຽບ​ການ​ຄ້າ​ເສລີ​ສາກົນ, ຈີນ​ບໍ່​ມີ​ທາງ​ເລືອກ​ນອກຈາກ​ຕ້ອງ​ຕອບ​ໂຕ້​​ແບບ​ກະທັນ​ຫັນ ​ແຕ່​ບໍ່​ໄດ້​ລະບຸ​ຈະ​ແຈ້ງວ່າ​ຈະ​ເຮັດ​ແນວ​ໃດ. ຖະ​ແຫລ​ງການ​ລະບຸ​ອີກ​ວ່າ: ອາ​ເມ​ລິ​ກາ​ຢືນຢັນ​ເລື່ອງ​ເພີ່ມ​ພາສີ ​ເພີ່ມ​ຄວາມ​ບໍ່​ແນ່ນອນ​ໃຫ້​ແກ່​ການ​ເຈລະຈາ​ການ​ຄ້າ​ທະວີ​ພາຄີ, ຈີນ​ຫວັງ​ວ່າ​ອາ​ເມ​ລິ​ກາ​ຈະ​ເນັ້ນໜັກ​ເຖິງ​ຜົນ​ເສຍ​ທີ່​ຈະ​ຕາມ​ມາ ​ແລະ ດຳ​ເນີນ​ການ​ແກ້​ໄຂ​ຢ່າງ​ທັນ​ເວລາ.

- Wave100S AD to Website 2020 0 - ຈີນຈະຕອບໂຕ້ພາສີໃໝ່ອາເມລິກາ ສ່ວນທຸລະກິດຊີ້ຊາວອາເມລິກາຮັບເຄາະ

ປະທານາທິບໍດີ ທຣຳ ປະກາດ​ໃນ​ວັນ​ທີ 17 ກັນຍາ ຕາມ​ເວລາ​ອາ​ເມ​ລິ​ກາ ​ເລື່ອງ​ເກັບ​ພາສີ 10% ນັບ​ແຕ່​ວັນ​ທີ 24 ກັນຍາ​ນີ້ ກັບ​ສິນຄ້າ​ຈີນ​ມູນ​ຄ່າ 200.000 ລ້ານ​ໂດ​ລາ​ສະຫະລັດ ​ແລະ ຈະ​ເພີ່ມ​ເປັນ 25% ພາຍ​ໃນ​ທ້າຍ​ປີ​ນີ້ ພ້ອມ​ກັບ​ຂູ່​ຈະ​ເກັບ​ພາສີ​ກັບ​ສິນຄ້າ​ຈີນ​ອີກ 267.000 ລ້ານ​ໂດ​ລາ​ສະຫະລັດ ຖ້າ​ຈີນ​ຕອບ​ໂຕ້​ມາດ​ຕະການ​ຫລ້າ​ສຸດ​ຂອງ​ອາ​ເມ​ລິ​ກາ.

ສະພາ​ອຸດສາຫະກຳ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ​ອາ​ເມ​ລິ​ກາ ຕຳ​ນິວ່າ: ປະທານາທິບໍດີ ທຣຳ ຕັດສິນ​ໃຈຜິດພາດ ​ເຊິ່ງຈະ​ເປັນ​ຜົນ​ຮ້າຍ​ຢ່າງ​ຍາວ​ນານ​ໄປ​ທົ່ວ​ປະ​ເທດ. ຂະນະ​ທີ່​ສະມາຄົມ​ຜູ້ນຳ​ອຸດສາຫະກຳ​ຄ້າ​ຍ່ອຍ​ອາ​ເມ​ລິ​ກາ​ຊີ້​ວ່າ: ພາສີ​ທີ່​ອາ​ເມ​ລິ​ກາ​ຮຽກ​ເກັບ​ຈາກ​ຈີນ​ຈະ​ໄປ​ຕົກ​ທີ່​ຄອບຄົວ​ຊາວ​ອາ​ເມ​ລິ​ກາ ​ເຊັ່ນ​ດຽວ​ກັບ​ກະສິກອນ ​ແລະ ຜູ້​ລ້ຽງສັດ​ອາ​ເມ​ລິ​ກາ​ທີ່​ຈະ​ເດືອດຮ້ອນ​ເມື່ອ​ການ​ຕອບ​ໂຕ້​ຍິ່ງ​ຮຸນ​ແຮງ​ຂຶ້ນ.

- WhatsApp Image 2020 05 27 at 5 - ຈີນຈະຕອບໂຕ້ພາສີໃໝ່ອາເມລິກາ ສ່ວນທຸລະກິດຊີ້ຊາວອາເມລິກາຮັບເຄາະ
- WhatsApp Image 2020 05 27 at 5 - ຈີນຈະຕອບໂຕ້ພາສີໃໝ່ອາເມລິກາ ສ່ວນທຸລະກິດຊີ້ຊາວອາເມລິກາຮັບເຄາະ
error: Alert: ເນື້ອຫາຂ່າວມີລິຂະສິດ !!