ລາວ​​ຖືສໍາຄັນ​ວຽກ​ງານ​ປ້ອງ​ກັນ​ພືດ

- advert banner 728 90 728x90 - ລາວ​​ຖືສໍາຄັນ​ວຽກ​ງານ​ປ້ອງ​ກັນ​ພືດ

​ເມື່ອ​ທ້າຍ​ອາທິດ​​ຜ່ານ​ມາ, ກົມ​ປູກຝັງຮ່ວມ​ກັບສະ​ຖາ​ບັນ​ປ້ອງ​ກັນ​ພືດ​ສະ​ຖາ​ບັນ​ການ​ສຶກສາ​ວິທະຍາສາດ​ດ້ານ​ກະສິກຳ​ແຫ່ງ ສປຈີນ ໄດ້ຈັດ​ສຳ​ມະ​ນາ ພາຍ​ໃຕ້​ຫົວ​ຂໍ້: ການ​ຄວບ​ຄຸມ​ສັດຕູ​ພືດແບບ​ປອດ​ສານພິດທີ່​ທັນ​ສະ​ໄໝ, ​ໂດຍ​ການ​ເປັນ​ປະທານ​ຂອງທ່ານ ວິ​ໄລ​ສຸກ ​ເຄນ​ນະ​ວົງ ຫົວໜ້າ​ກົມ​ປູກຝັງກະຊວງ​ກະສິກຳ ​ແລະ ປ່າ​ໄມ້ ​ແລະ ທ່ານ ຢົງ​ກວັນ ​ເຊນ (Yongquan Zheng) ຮອງ​ຫົວໜ້າສະ​ຖາ​ບັນ​ປ້ອງ​ກັນ​ພືດສະ​ຖາ​ບັນ​ການ​ສຶກສາວິ​ທະຍາ​ສາດດ້ານ​ກຳ​ສິກຳຈີນ, ມີ​ຜູ້ຕາງໜ້າ​ຈາກສະຖ​າບັນ, ວິທະຍາ​ໄລ, ມະຫາວິທະຍາ​ໄລ ​ແລະ ​ເຈົ້າ​ໜ້າ​ທີ່​ດ່ານເຂົ້າ​ຮ່ວມ​ຈໍານວນຫລາຍ.

ຊຸດສຳ​ມະ​ນາ​ນີ້, ເພື່ອຖອດ​ຖອນ​ບົດຮຽນ ​ແລະ ປະສົບ​ການ​ປ້ອງ​ກັນ​ພືດ ​ແລະ ຄວບ​ຄຸມ​ສັດຕູ​ພືດ, ພ້ອມ​ທັງ​ຊອກ​ວິທີ​ການ, ມາດຕະການ​ປ້ອງ​ກັນ ​ ​ແບບ​ປອດ​ສານພິດ​ທີ່​ມີ​ປະສິດທິພາບ, ​ເປັນ​ມິດ​ກັບ​ສິ່ງ​ແວດ​ລ້ອມ ແລະ ​ເປັນ​ທີ່​ຍອມຮັບທາງ​ດ້ານ​ວິຊາ​ການ​ໃນ​ພາກ​ພື້ນ ​ແລະ ສາກົນ.

- 1 1 - ລາວ​​ຖືສໍາຄັນ​ວຽກ​ງານ​ປ້ອງ​ກັນ​ພືດ
- lattana 1 - ລາວ​​ຖືສໍາຄັນ​ວຽກ​ງານ​ປ້ອງ​ກັນ​ພືດ

​  ທ່ານຫົວໜ້າກົມປູກຝັງ ​ກ່າວ​ວ່າ: ໃນຜ່ານມາ, ວຽກ​ງານ​ປ້ອງ​ກັນ​ພືດ​ຂອງ ລາວເຮົາ ​ໄດ້​ຮັບ​ການ​ສະໜັບສະໜູນ​ ​ແລະ ຊ່ວຍ​ເຫລືອ​ທຶນຮອນດ້ານ​ເຕັກນິກ​ວິຊາ​ການ​ການ​ປ້ອງ​ກັນ​ພືດຈາກຈີນ, ​ໂດຍ​ສະ​ເພາະ​ວຽກ​ງານ​ການ​ຄວບ​ຄຸມ​ຕັກ​ແຕນ​ຝຸງ​ໄມ້ປ່ອງ​ໃນ 5 ​ແຂວງ​ພາກ​ເໜືອ​, ​ເຊິ່ງ​ເຮັດ​ໃຫ້​ການລະບາດ​ຂອງ​ຕັກ​ແຕນ​​ຫລຸດ​ລົງ​ໃນ​​ແຕ່ລະ​ປີ. ນອກ​ນີ້, ຍັງ​ມີ​ຫລາຍ​ໂຄງການ​ຮ່ວມ​ມື​ເປັນ​ຕົ້ນ​ແມ່ນ​ໂຄງການ​ກຳຈັດ​ສັດຕູ​ພືດ​ແບບ​ຊີວະ​ວິທະຍາ​ໃນ​ນາ​ເຂົ້າ ​ແລະ ສວນ​ສາລີ, ການ​ຝຶກ​ອົບຮົມ​ສະ​ເພາະ​ດ້ານ​ປ້ອງ​ກັນ ​ແລະ ກັກ​ກັນ​ພືດຢູ່ ສປ ຈີນ ​ແລະ ​ໂຄງການ​ອື່ນໆ​ ທີ່​ກຳລັງ​ຈັດ​ຕັ້ງ​ປະຕິບັດ​ໃນ​ປັດຈຸ​ບັນ. ທ່ານກ່າວ​ຕື່ມ​ວ່າ: ສປປ ລາວ​ ໄດ້​ຖື​ເອົາ​ວຽກ​ງານ​ປ້ອງ​ກັນ​ພືດ​ເປັນ​ປັດ​ໄຈ​ສຳຄັນ ເພື່ອ​​ເປັນ​ພື້ນຖານ​ໃນ​ການ​ຜະລິດ​ສະບຽງ​ ​ແລະ ພືດ​ເປັນ​ສິນຄ້າ, ພ້ອມ​ນີ້, ຍັງ​ເປັນ​ການ​ປະຕິບັດ​ພັນທະ​ສາກົນທີ່ ສປປ ລາວ​ ເຂົ້າ​ເປັນ​ພາຄີ, ​ປະຕິບັດ​ຕາມ​ມາດຕະຖານ​ສຸຂະ​ອະນາ​ໄມ ​ແລະ ສຸຂະ​ນາ​ໄມພືດຂອງ​ອົງການການ​ຄ້າ​ໂລກ ລວມທັງ​ເງື່ອນ​ໄຂການ​ນຳ​ເຂົ້າດ້ານ​ສຸ​ຂະ​ນາ​ໄມ​ພືດ​ຂອງ​ປະ​ເທດ​ຄູ່​ຄ້າ ​ແນ່​ໃສ່​ຮັກສາ​ສຸຂະ​ນາ​ໄມ​ພືດ ​ແລະ ອຳນວຍ​ຄວາມ​ສະດວກ​ທາງ​ດ້ານ​ການ​ຄ້າໃຫ້ນັບມື້ດີຂຶ້ນ.

error: Content is protected !!